Yoɛli 1:2 - Bibeli Gusunɔn Gari

² U nɛɛ, bɛɛ Yudɑbɑn ɡuro ɡurobu, i swɑɑ dɑkio i nɔ. Bɛɛ Yudɑbɑ kpuro kpuro i swɑɑ tem kpĩiyɔ i ɡɑri yi nɔ. Gɑ̃ɑ ninin bweseru nu koore bɛɛn wɑɑti sɔɔ, ǹ kun mɛ bɛɛn sikɑdobɑn wɑɑti sɔɔ?

Yoɛli 1:2 ပူးပေါင်းရင်းမြစ်များ

Yoobu 12:12

Wi u tɔkɔ kuɑ u rɑ n yɛ̃ru mɔ. Wi u mɑɑ hunde dɛnyɑ u rɑ n bwisi mɔ.

Yoobu 15:10

Bɛsɛn suunu sɔɔ, tɔmbɑ wɑ̃ɑ be bɑ seri bururɑ bɑ tɔkɔnu kuɑ n kere wunɛn tundo.

Yoobu 21:7

Mbɑn sɔ̃nɑ Gusunɔ u rɑ de tɔn kɔ̃so u n wɑ̃ɑ, kpɑ u n dɑm mɔ sere kɑ win tɔkɔrɔ.

Yoobu 8:8

Tɛ̃, ɑ bikio be bɑ sun ɡbiiyen mi, kpɑ ɑ lɑɑkɑri ko ɑ wɑ wɑhɑlɑ ye ben sikɑdobɑ bɑ kuɑ.

Womusu 49:1

Womu ɡe Koren bibu bɑ wom kowobun wiruɡii kuɑ. Ge wee.

Esɑi 34:1

Bɛɛ bwese tukunu, i susimɑ i nɔ. I bɛɛn lɑɑkɑri kpĩiyɔ. Tem mu swɑɑ dɑkio kɑ ye yɑ wɑ̃ɑ mɛ sɔɔ, kɑ sere ye mu mɑrumɔ.

Esɑi 7:17

Adɑmɑ Yinni Gusunɔ u koo de tɔ̃ru ɡɑru tu nɑ tè sɔɔ kɑɑ nɔni swɑ̃ɑru wɑ wunɛ kɑ wunɛn bɑɑbɑbɑn yɛnuɡibu, kɑ sere wunɛn tɔmbu, te i ǹ wɑɑre sɑɑ dɔmɑ tèn di Isirelibɑ kɑ bɛɛ Yudɑbɑ i kɑrɑnɑ. U koo de Asiriɡibu bu nɑ bu bɛɛ wɔri.

Yeremi 30:7

Annɑ ɑ wɑhɑlɑ bɑkɑ wɑ yɑ wee. Tɔ̃ɔ te, tɔ̃ɔ kɔ̃surɑ. Tɑ ǹ kɑ tɔ̃ru ɡɑru weenɛ. Te sɔɔrɑ Isirelibɑ bɑ koo nɔni swɑ̃ɑ bɑkɑru wɑ. Adɑmɑ kɑ mɛ, kon bu fɑɑbɑ ko.

Yeremi 5:21

bu swɑɑ dɑkio ye nɑ bu sɔ̃ɔmɔ. Bɑ sɑ̃ɑwɑ nɡe wɔ̃kobu, bɑ ǹ bwisi mɔ. Bɑ nɔni mɔ, ɑdɑmɑ bɑ ǹ yɑm wɑɑmɔ. Bɑ swɑsu mɔ, ɑdɑmɑ bɑ ǹ ɡɑri nɔɔmɔ.

Dɑniɛli 12:1

Sɑnɑm dɑ̃ɑkim sɔɔ, Misɛli, mɑleekɑ wi u sɑ̃ɑ tɑbu sunɔ, u koo seemɑ, wi, wi u kɑ wunɛ Dɑniɛlin tɔmbu yɔ̃. Sɑɑ ye, yɑ ko n sɑ̃ɑwɑ nɔni swɑ̃ɑrun tɔ̃ru tèn bweseru tɑ ǹ koore sɑɑ min di bwesenu nu toruɑ sere n kɑ sɑɑ ye ɡirɑri. Sɑɑ ye sɔɔrɑ wunɛn tɔmbu bɑ koo fɑɑbɑ wɑ bèn yĩsɑ yɑ yoruɑ wɑ̃ɑrun tireru sɔɔ.

Osee 4:1

Bɛɛ Isirelibɑ, i nɛ, Yinni Gusunɔ swɑɑ dɑkio. Domi nɑ siribu mɔ kɑ bɛɛ tem mɛn tɔmbu yèn sɔ̃ wɔnwɔnduɡii ɡoo sɑri bɛɛ sɔɔ, ɡemɡii ɡoo mɑɑ sɑri. Mɛyɑ bɛɛn ɡoo kun mɑɑ mɑn yɛ̃.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Yoɛli 1:14

I tɔ̃ru ɡɑru wunɔ tè sɔɔ i ko i nɔɔ bɔke. I tɔmbu kpuro mɛnnɔ sere kɑ durɔ tɔkɔnɔ Gusunɔ bɛsɛn Yinnin sɑ̃ɑ yerɔ, kpɑ i nùn kɑnɑ.

Yoɛli 2:2

Tɔ̃ɔ te, tɑ tĩriwɑ. Tɑ ɡuru wiru kɑ bukɔ sɔɔwɑ. Mɑ twee wuurɑ wee yi dɑbi, yi mɑɑ dɑm mɔ. Yin wuu te, tɑ tĩriwɑ nɡe yɑm wɔ̃kurɑ ɡuuru wukiri. Sɑ ǹ yen bweseru wɑɑre. Sɑ ǹ mɑɑ yen bweseru wɑsi.

Amɔsu 3:1

I swɑɑ dɑkio i nɔ ye nɛ, Yinni Gusunɔ nɑ ɡerumɔ, bɛɛ Isirelibɑ kpuron sɔ̃, bɛɛ be nɑ yɑrɑmɑ Eɡibitin di.

Amɔsu 4:1

Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 5:1

Bɛɛ Isirelibɑ, i swɑɑ dɑkio i nɔ ɡɔɔ swĩi yi nɑ mɔ̀ bɛɛn sɔ̃.

Misee 1:2

Bɛɛ bwesenu kpuro, i swɑɑ dɑkio. Bɛɛ hɑnduniɑɡibu, i swɑɑ tem kpĩiyɔ i nɔ. Yinni Gusunɔ u koo nɑ sɑɑ win wɑ̃ɑ yee dɛɛrɑrun di u bɛɛ tɑɑrɛ wɛ̃.

Misee 3:1

Bɛɛ Isirelibɑ Yɑkɔbun bweserun wiruɡibɑ nɑ kɑ yɑ̃. N ǹ bɛɛyɑ n weenɛ i n woodɑbɑ yɛ̃?

Misee 3:9

Bɛɛ Isirelibɑ Yɑkɔbun bweserun wiruɡibu, i swɑɑ dɑkio i nɔ. I ku rɑ ɡem kɑ̃. I rɑ mu ɡɔsiewɑ kɔ̃sɑ.

Mɑteu 13:9

Mɑ u nɛɛ, wi u swɑɑ mɔ u kɑ nɔ, u nɔɔwɔ.

Mɑteu 24:21

Domi sɑnɑm mɛ sɔɔ, nɔni swɑ̃ɑ bɑkɑrɑ ko n wɑ̃ɑ tèn bweseru tɑ ǹ koore sɑɑ hɑnduniɑn toren di sere kɑ ɡisɔ. Ten bweserɑ kun mɑm mɑɑ sisi.

Kɑ̃siru 2:7

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ. Wi u tɑbu di, kon de u dɑ̃ɑ wɑ̃ɑruɡii te tɑ wɑ̃ɑ Gusunɔn wɑ̃ɑ yerɔn binu di.