Yoɛli 1:14 - Bibeli Gusunɔn Gari

¹⁴ I tɔ̃ru ɡɑru wunɔ tè sɔɔ i ko i nɔɔ bɔke. I tɔmbu kpuro mɛnnɔ sere kɑ durɔ tɔkɔnɔ Gusunɔ bɛsɛn Yinnin sɑ̃ɑ yerɔ, kpɑ i nùn kɑnɑ.

Yoɛli 1:14 ပူးပေါင်းရင်းမြစ်များ

Sinɑmbu II 10:20

Yehu u bu sɔ̃ɔwɑ u nɛɛ, bu kpɑro kpɑ tɔmbu kpuro bu mɛnnɑ sɔ̃ɔ teeru bu Bɑɑli sɑ̃. Mɑ bɑ kpɑrɑ.

Bɑndun Gɑri II 20:13

Mɑ Yudɑbɑ kpuro bɑ yɔ̃ Yinni Gusunɔn wuswɑɑɔ kɑ ben kurɔbu kɑ bibu kpuro.

Nɛɛmi 8:18

Bɑ rɑ woodɑ yen wiru ɡɑru ɡɑriwɑ tɔ̃ɔ bɑkɑ ten tɔ̃ɔ bɑɑtere sere tɑ kɑ kpɑ. Bɑ tu diwɑ sɔ̃ɔ nɔɔbɑ yiru. Nɔɔbɑ itɑse mɑ bɑ mɛnnɑ siki siki bɑ kɑ tu wiru ɡo nɡe mɛ woodɑ yɑ ɡeruɑ.

Ɛsitɛɛ 4:16

u doo u Yuubɑ kpuro mɛnnɑ be bɑ wɑ̃ɑ Susi mi, kpɑ bu nɔɔ bɔke win sɔ̃, sɔ̃ɔ sɔɔ itɑ kɑ wɔ̃kuru itɑ, bu ku dĩɑnu di, bu ku mɑɑ nim nɔ. Wi kɑ mɑɑ win sɔm kowobu bɑ koo mɑɑ ko mɛsum. Yen biru, kpɑ u dɑ sinɑ bokon mi, bɑɑ mɛ woodɑ yɑ mɛ yinɑ. Ù n koo ɡbin nɑ, kpɑ u ɡbi.

Yeremi 14:2

Yudɑbɑ bɑ ɡɔɔ wooru sɔ̃. Goo mɑɑ sɑri ben wuu mɑrosun kɔnnɔsɔ. Wee bɑ wɔrukɑ temɔ bɑ nuki sɑnkire. Mɑ Yerusɑlɛmuɡibu bɑ nɔɔɡiru sue bɑ fɑɑbɑ kɑnɑmɔ.

Yeremi 36:9

Yoyɑkimun bɑn ten wɔ̃ɔ nɔɔbuse sɔɔ, yen suru nɔɔbɑ nnɛse sɔɔ, yerɑ bɑ nɔɔ bɔkurun tɔ̃ru yi tè sɔɔ Yerusɑlɛmuɡibu kɑ Yudɑbɑ kpuro bɑ koo nɑ bu nɔɔ bɔke Yinni Gusunɔn sɑ̃ɑ yerɔ.

Yoɛli 1:2

U nɛɛ, bɛɛ Yudɑbɑn ɡuro ɡurobu, i swɑɑ dɑkio i nɔ. Bɛɛ Yudɑbɑ kpuro kpuro i swɑɑ tem kpĩiyɔ i ɡɑri yi nɔ. Gɑ̃ɑ ninin bweseru nu koore bɛɛn wɑɑti sɔɔ, ǹ kun mɛ bɛɛn sikɑdobɑn wɑɑti sɔɔ?

Sɑ̃ɑrun Woodɑ 23:36

Tɔ̃ɔ bɑɑtere i ko i n dɑ mɑn yɑ̃ku dɔ̃ɔ mwɑɑrɑruɡiru kuewɑ sere n kɑ ko sɔ̃ɔ nɔɔbɑ yiru ye. Yen sɔ̃ɔ nɔɔbɑ itɑse, i ko i kpɑm mɛnnɑwɑ i mɑn sɑ̃ kpɑ i mɑn yɑ̃ku dɔ̃ɔ mwɑɑrɑruɡinu kuɑ. Tɔ̃ɔ te, i ku rɑ sɔmburu ɡɑru ko. Tɑ sɑ̃ɑwɑ ɡɑ̃ɑ ɡirinu.

Yonɑsi 3:5

Mɑ Ninifuɡibu bɑ Gusunɔ nɑɑnɛ kuɑ. Bɑ nɔɔ bɔkuru kpɑrɑ, bɑ sɑɑkibɑ sebuɑ nuku sɑnkirɑnun sɔ̃ sɑɑ dɑmɡibun di n kɑ dɑ bwɛ̃ɛbwɛ̃ɛbɔ.

Yonɑsi 3:8

Kpɑ tɔmbu kpuro kɑ yɑɑ sɑbenɔ, bu sɑɑkibɑ sebe nuku sɑnkirɑnun sɔ̃. Kpɑ bu Gusunɔ nɔɔɡiru sue kɑ dɑm bu nùn kɑnɑ, kpɑ bu ben kom kɔ̃sum deri kɑ ben dɑɑ bɔɔbɔyɑ ye bɑ rɑ rɑɑ ko.

Sofoni 2:1

Bɛɛ sekuru sɑribɑ, i de i sinɑ i bwisiku,