Yoɛli 1:10 - Bibeli Gusunɔn Gari

¹⁰ Gbeɑ kpuro yɑ kɑm kuɑ. Mɑ yen tem mu sɑɑrɑ. Alikɑmɑ sɑri, resɛm kɑ ɡum mɑɑ sɑri.

Yoɛli 1:10 ပူးပေါင်းရင်းမြစ်များ

Torubu 4:12

À n tem mɛ wukɑ, mu ǹ mɑɑ nun dĩɑnu kuɑmmɛ sɑ̃ɑ sɑ̃ɑ. Kɑɑ n sɑ̃ɑwɑ kpiko kɑ yɑɑyɑɑre kowo hɑnduniɑ sɔɔ.

Esɑi 15:6

Dɑɑ te bɑ mɔ̀ Nimurimu ten nim mu ɡberɑ. Yɑkɑ si su wɑ̃ɑ ten ɡɑ̃ɑrɔ su ɡberɑ. Gɑ̃ɑnu kun mɑɑ kpiɑ mi.

Esɑi 24:11

Bɑ ko n weeweenu mɔ̀ swɛɛ sɔɔ, yèn sɔ̃ tɑm sɑri. Nuku dobu koo doonɑ ben tem di.

Esɑi 24:7

Ben resɛm ɡbɑɑnu nu koo ɡberɑ, kpɑ ben tɑm durom mu kpe. Be bɑ rɑɑ nuku dobu mɔ̀, bɑ koo weeweenu ko.

Yeremi 12:11

Bɑ tem mɛ ɡɔsiɑ nɡe tem sɑɑrɑm. Wee mu sɑ̃ɑre nɡe tɔnu wi u ɡɔɔ sumɔ u nuki sɑnkire. Tem mɛ kpuro mu kɑm kuɑ. Goo sɑri wi u mɛn weeweenu kuɑ.

Yeremi 12:4

Sere sɑɑ yerɑ̀ kɑɑ n derɑ bɛsɛn tem mu n wɑ̃ɑ nuku sɑnkirɑnu sɔɔ. Wee yɑkɑsu kpuro ɡberɑmɔ, mɑ ɡbeeku yɛɛ kɑ ɡunɔsu ɡbimɔ bɛsɛn tem mɛn tɔn kɔ̃sobun sɔ̃. Domi bɑ ɡerumɔ bɑ mɔ̀, ɑ ǹ ben sɑnu sɑnusu wɑɑmɔ.

Yeremi 48:33

Nuku dobun womusu kun mɑɑ wɑ̃ɑ Mɔɑbubɑn ɡbeɑɔ. Goo ku rɑ mɑɑ tɑm ɡɑmɛ mi. Tɑm sɑri wekenu sɔɔ. Nuku dobun kuuki kun mɑɑ nɔɔrɑmɔ mi, mɑ n kun mɔ tɑbuɡii.

Osee 4:3

Yen sɔ̃nɑ nɛ, Yinni Gusunɔ, kon de tem mɛ, mu ɡberɑ. Bɛɛ be i wɑ̃ɑ mi kpuro, i ko woorɑwɑ sɑɑ ɡbeeku yɛɛn di n kɑ dɑ ɡunɔsɔ kɑ wɛɛyɔ, ye kpurowɑ yɑ koo kɑm ko.

Osee 9:2

Adɑmɑ ɑlikɑmɑ ye bɑ soomɔ kɑ ɡum mɛ bɑ ɡɑmɑmɔ, yen ɡɑɑ kun ko n sɑ̃ɑ bɛɛɡiɑ. Mɛyɑ i ǹ tɑm kpɑm wɑsi i wunɑ.

Yoɛli 1:12

Resɛm ɡbɑɑnu nu ɡberɑ. Fiɡie yɑ dɛllɑ. Dɑ̃ɑ ɡbɑɑnu kpuro nu ɡeɑ yinɑ. Yɑ derɑ tɔmbu bɑ ǹ mɑɑ nuku dobu mɔ.

Yoɛli 1:5

Bɛɛ be tɑm mu ɡoomɔ, i dom yɑndo kpɑ i swĩ. Bɛɛ tɑm nɔrobu, i weeweenu koowo. Domi tɑm mu koo kpe resɛm biɑrun sɔ̃.

Yoɛli 2:19

Mɑ u win tɔmbun kɑnɑru wisɑ, u nɛɛ, kon bɛɛ ɑlikɑmɑ kpɑɑ wɛ̃, kɑ resɛm, kɑ ɡum. I ko i deburu wɑ. Nɑ ǹ mɑɑ derimɔ bweseru ɡɑru tu bɛɛ yɛ̃ɛ.

Sɑ̃ɑrun Woodɑ 26:20

I ko i bɛɛn dɑm dɔrɑwɑ kɑm sɔɔ. Domi tem mu ǹ dĩɑnu mɔ̀. Mɛyɑ dɑ̃nu nu ǹ mɑɑ mɑrumɔ.

Hɑbɑkuku 3:17

Fiɡien dɑ̃nu nu ǹ ko n binu mɔ. Resɛm dɑ̃nu nu ǹ mɑɑ mɑrumɔ. Olifin dɑ̃nu nu ǹ mɑɑ binu mɑrumɔ. Gbeɑ kun mɑɑ dĩɑnu wɛ̃ɛmɔ. Yɑ̃ɑnu kɑ kɛtɛ kun ko n mɑɑ wɑ̃ɑ ɡɔ̃ɔwɔ.

Asee 1:11

Nɑ derɑ ɡbeburɑ kuɑ bɛɛn tem kpuro sɔɔ kɑ ɡuunɔ. Mɑ ɑlikɑmɑ kɑ resɛm kɑ olifi kpuro yɑ ɡberɑ. Dĩɑ ni tem mu rɑ kpiisie ɡesi kpuro, nu ɡberɑwɑ. Mɑ tɔmbu kɑ yɑɑ sɑbenu nɔni sɔ̃ɔre. Mɑ bɛɛn sɔmɑ ye i mɔ̀ kpuro yɑ kuɑ kɑm.

Mɑlɑsi 2:3

Wee kon bɛɛn bibun bweseru kɑm koosiɑ. Kpɑ n bɛɛn yɑɑ sɑbe ni i kɑ yɑ̃kuru mɔ̀n bisu wisi bɛɛn wuswɑɑɔ. Kpɑ bu bɛɛ ɡurɑ bu kubɑ kɑ bii si sɑnnu.