Yeremi 9:9 - Bibeli Gusunɔn Gari

⁹ Yeremi u nɛɛ, kon ɡuunu kɑ mi bɑ rɑ rɑɑ yɑɑ sɑbenu kpɑre swĩiyɑ. Domi nu ɡberɑ, ɡoo ku rɑ mɑɑ sɑre mi, bɑ ku rɑ mɑɑ yɑɑ sɑbenun wuri nɔ mi. Mɑ ɡunɔsu kɑ ɡbeeku yɛɛ yi duki yɑkikirɑ min di. Gɑ̃ɑnu kun mɑɑ wɑ̃ɑ mi.

Yeremi 9:9 ပူးပေါင်းရင်းမြစ်များ

Esɑi 1:24

Yen sɔ̃, i swɑɑ dɑkio i nɔ ye nɛ Gusunɔ, wɔllu kɑ tem Yinni nɑ ɡerumɔ, nɛ wi nɑ sɑ̃ɑ bɛɛ Isirelibɑn dɑm. Nɑ nɛɛ, kon bɛɛ nɛn yibɛrɛbɑ mɔru kɔsie kpɑ nɛn mɔru yu wɑ yu sure.

Esɑi 10:3

Sɑnɑm mɛ Yinni Gusunɔ u koo bɛɛ sɛɛyɑsiɑ, mbɑ i ko i ko. Sɑnɑm mɛ kɑm kobu bu koo bɛɛ wɔri sɑɑ tontonden di, mbɑ i ko i ko. Weren miyɑ i ko i duki dɑ i kɑ fɑɑbɑ wɑ. Mɑ ɡiɑ i ko i bɛɛn ɑrumɑni bere.

Esɑi 57:6

Bɛɛ Isirelibɑ, dɑɑ torin kpee ɡoriyɑ yi sɑ̃ɑ bɛɛn bũnu. I rɑ yi yɑ̃kunu koosi kpɑ i yi tɑm wisi. I tɑmɑɑ nɛ, Yinni Gusunɔ, kon ye tii mɑrisiwɑ?

Yeremi 12:11

Bɑ tem mɛ ɡɔsiɑ nɡe tem sɑɑrɑm. Wee mu sɑ̃ɑre nɡe tɔnu wi u ɡɔɔ sumɔ u nuki sɑnkire. Tem mɛ kpuro mu kɑm kuɑ. Goo sɑri wi u mɛn weeweenu kuɑ.

Yeremi 12:4

Sere sɑɑ yerɑ̀ kɑɑ n derɑ bɛsɛn tem mu n wɑ̃ɑ nuku sɑnkirɑnu sɔɔ. Wee yɑkɑsu kpuro ɡberɑmɔ, mɑ ɡbeeku yɛɛ kɑ ɡunɔsu ɡbimɔ bɛsɛn tem mɛn tɔn kɔ̃sobun sɔ̃. Domi bɑ ɡerumɔ bɑ mɔ̀, ɑ ǹ ben sɑnu sɑnusu wɑɑmɔ.

Yeremi 4:25

Nɑ mɑɑ mɛɛrɑ nɑ wɑ wee, tɔnu sɑri tem sɔɔ. Mɑ ɡunɔsu su yɑrinɑ kpuro.

Yeremi 5:29

Mbɑn sɔ̃nɑ nɑ ǹ kon bwese teni mɔru kɔsie, kpɑ n bu sɛɛyɑsiɑ yenin sɔ̃.

Yeremi 5:9

Mbɑn sɔ̃nɑ nɑ ǹ ko n bwese teni mɔru kɔsie, kpɑ n tu sɛɛyɑsiɑ yenin sɔ̃.

Osee 4:3

Yen sɔ̃nɑ nɛ, Yinni Gusunɔ, kon de tem mɛ, mu ɡberɑ. Bɛɛ be i wɑ̃ɑ mi kpuro, i ko woorɑwɑ sɑɑ ɡbeeku yɛɛn di n kɑ dɑ ɡunɔsɔ kɑ wɛɛyɔ, ye kpurowɑ yɑ koo kɑm ko.

Yoɛli 1:19

Yinni Gusunɔ, wunɑ nɑ nɔɔɡiru suemɔ. Domi wee, yɑkɑsu kɑ dɑ̃ɑ dɔ̃ɔ mwɑɑrɑ ɡberɔ.

Amɔsu 5:1

Bɛɛ Isirelibɑ, i swɑɑ dɑkio i nɔ ɡɔɔ swĩi yi nɑ mɔ̀ bɛɛn sɔ̃.

Amɔsu 5:2

Bɛɛ be i wɔrumɛ temɔ nɡe wɔndiɑ be bɑ ɡu, i ǹ mɑɑ seemɔ. Goo sɑri wi u koo bɛɛ seeyɑ.