Yeremi 9:18 - Bibeli Gusunɔn Gari

¹⁸ Domi wuri nɔɔrɑ Siɔniɔ. Bɑ mɔ̀, wee, bɑ sun ɡurɑ, seku bɑkɑrɑ sun deemɑ. N kuɑ tilɑsi su kɑ bɛsɛn tem deri. Wee bɑ bɛsɛn yɛnusu kɔsukɑ.

Yeremi 9:18 ပူးပေါင်းရင်းမြစ်များ

Womusu 119:136

Wee nɑ nɔni yĩresu kokumɔ nɡe dɑɑru, domi tɔmbɑ kun wunɛn woodɑbɑ mɛm nɔɔwɛ.

Esɑi 22:4

Yen sɔ̃, nɑ bɛɛ sɔ̃ɔmɔ, i ɡɛsiro nɛn bɔkun di, i mɑn derio n swĩ. I ku tii nɔwiɑ ko i nɛɛ, i ko i mɑn nukuru yɛmiɑsiɑ nɛn tɔmbun nɔni swɑ̃ɑrun sɔ̃.

Yeremi 13:17

Ì kun ɡɑri yi swɑɑ dɑki, kon dɑ n swĩ bɔkuɔ bɛɛn tii suɑ bin sɔ̃. Kon nɔni yĩresu yɑri n bɑndɑ. Domi bɑ koo bɛɛ Yinni Gusunɔn tɔmbu yoru mwɛɛri bu kɑ dɑ tem tukumɔ.

Yeremi 14:17

Yeremi u nɛɛ, Gusunɔ u mɑn sɔ̃ɔwɑ n tɔn be sɔ̃ n nɛɛ, nɛn nɔni yĩresu su kokumɔ bururu kɑ yokɑ, su ǹ yɔ̃re. Domi wɑhɑlɑ bɑkɑ yɑ nɛn tɔmbu deemɑ. Bɑ bu so bɑ mɛɛrɑ kuɑ.

Yeremi 3:24

Wee, sɑɑ bɛsɛn birun di sɑ wɑɑmɔ bũu wi bɑ mɔ̀ Bɑɑli, wiyɑ u bɛsɛn bɑɑbɑbɑn ɡbeɑn dĩɑnu di kpuro, kɑ mɑɑ ben yɑ̃ɑnu kɑ ben kɛtɛbɑ kɑ sere ben bibu. Mɑ bɑ sekuru wɑ.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 4:20

Bɑ sun nɔɔsiɑmɔ mɑ bɑ wuu dɑbinu kɔsukɑ. Tem mɛ kpuro mu kɑm kobu dɔɔwɑ. Subɑru sɔɔrɑ bɑ nɑ bɑ bɛsɛn tɑbu kowobun kuu bekuruɡinu wukurɑ. Mɑ bɑ nu ɡurɑ bɑ kɑ doonɑ.

Yeremi 6:26

Yinni Gusunɔ u nɛɛ, bɛɛ nɛn tɔmbu, i sɑɑki pɔrɑ sɛ̃keo kpɑ i tii torom wisi nuku sɑnkirɑnun sɔ̃. Bɛɛn bɑɑwure u ɡɔɔ swĩiyɔ nɡe wi u win bii teereru biɑ. I wuri koowo kɑ nɔni yĩresu. Domi wi u koo bɛɛ kpeerɑsiɑ u koo bɛɛ wɔriwɑ subɑru sɔɔ.

Yeremi 7:29

Yinni Gusunɔ u nɛɛ, Yudɑbɑ bu ben seri buro bu kɔ̃ yi yi sɔ̃ɔsimɔ mɑ bɑ sɑ̃ɑ nɛɡibu. Bu yɔɔwo ɡuuru wɔllɔ, kpɑ bu ɡɔɔ swĩ. Wee bɑ nɛn mɔru seeyɑ, mɑ nɑ bu biru kisi.

Yeremi 9:1

Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.

Yeremi 9:10

Yinni Gusunɔ u nɛɛ, u koo de Yerusɑlɛmu yu ko bɑnsu, kpɑ yu ko ɡbeeku bɔ̃nun wɑ̃ɑ yeru. Mɛyɑ u koo mɑɑ de Yudɑbɑn wusu su ko bɑnsu.

Yeremi 9:20

Domi ɡɔɔ u sun kɑ̃ɑsi sɑɑ fɛnɛntin di, mɑ u duɑ sere sinɑ kpɑɑrɔ. Mɛyɑ u mɑɑ bii be bɑ bɔsu swɛɛ sɔɔ ɡoomɔ, kɑ sere mɑɑ ɑluwɑɑsibɑ mi bɑ rɑ ɡesi mɛnnɛ kpuro.

Swĩi 1:2

Yɑ wuri mɔ̀ wɔ̃ku ɡiriru mɑ yen nɔni yĩresu kokumɔ. Be bɑ rɑɑ sɑ̃ɑ yen kĩnɑsibu, ben ɡoo sɑri wi u ye nukuru yɛmiɑsiɑmɔ. Be kpuro bɑ kuɑwɑ nɑɑnɛ sɑribɑ, mɑ bɑ kuɑ yen yibɛrɛbɑ.

Swĩi 2:11

Nɛn nɔni yɑndɑmɔ wurin sɔ̃. Nɛn wɑsi ɡbisimɔ mɑ nɛn tororɑ kɑre. Domi nɛn tɔmbɑ kɑm kuɑ. Wee, bii wɛ̃ɛnu kɑ bibu bɑ wɑ̃ɑ Yerusɑlɛmun swɛɛ sɔɔ, bɑ ǹ mɑɑ dɑm mɔ.

Swĩi 2:13

Yerusɑlɛmu, mbɑ kon nun sɔ̃. Mbɑ kon kɑ nun weesinɑ. Wɑrɑ u mɑɑ nɔni sɔ̃ɔre nɡe wunɛ, n kɑ kpĩ n nun nukuru yɛmiɑsiɑ. Domi wunɛn nɔni swɑ̃ɑrɑ kpɑ̃ nɡe nim wɔ̃kun nim. Goo sɑri wi u koo kpĩ u tu kpeesiɑ.

Swĩi 2:18

Yerusɑlɛmu, ɑ Yinni Gusunɔ nɔɔɡiru sueyo, ɑ de u wunɛn wuri nɔ. A nɔni yĩresu kokuo nɡe dɑɑru. A ku wɛ̃rɑ, ɑ ku wuri mɑri.

Swĩi 3:48

Wee nɑ nɔni yĩresu kokumɔ yèn sɔ̃ nɛn tɔmbɑ kɑm kuɑ.

Amɔsu 5:16

Yen sɔ̃, Gusunɔ wɔllu kɑ tem Yinni u ɡeruɑ u nɛɛ, tɔmbɑ koo ɡɔɔ wuri ko yɑm kpuro, kpɑ bɑ n sumɔ swɛɛ sɔɔ, bɑ n mɔ̀, wee, wee! Bɑ koo ɡbɑɑ wukobu sokumɑ bu ɡɔɔ wooru sinɑ, kpɑ bu ɡɔɔ swĩiɡibu mɛnnɑmɑ.

Luku 19:41

Sɑnɑm mɛ Yesu u Yerusɑlɛmu turuku kuɑ, ye u ye wɑ yerɑ u swĩi wɔri yen sɔ̃,