Yeremi 9:16 - Bibeli Gusunɔn Gari

¹⁶ Nɛ, Gusunɔ wɔllu kɑ tem Yinniwɑ nɑ yeni ɡeruɑ. Yeremi u nɛɛ, i doo i tɔn kurɔ be bɑ rɑ ɡɔɔ swĩ kɑsumɑ. I doo i yen ɡonibɑ sokumɑ

Yeremi 9:16 ပူးပေါင်းရင်းမြစ်များ

Nɛɛmi 1:8

A yɑɑyo ye ɑ Mɔwisi sɔ̃ɔwɑ u sun sɔ̃. A nɛɛ, sɑ̀ kun nun mɛm nɔɔwɛ, kɑɑ sun yɑrinɑsiɑ sɑ n wɑ̃ɑ bwesenu kpuron suunu sɔɔ.

Womusu 106:27

Kpɑ ɑ ben bibu yɑrinɑsiɑ tem kpuro sɔɔ bwese tukunun suunu sɔɔ.

Wɑɑsu kowo 12:5

Sɑɑ ye sɔɔ, kɑɑ n bɛrum mɔ̀ ɑ̀ n ɡunɡuru yɔɔmɔ kpɑ ɑ n wɑhɑlɑ mɔ̀ ɑ̀ n sĩimɔ. Wunɛn seri yi koo bururɑ nɡe dɑ̃ɑ wɛ̃su ɡɑsu. A ǹ mɑɑ kpɛ̃ ɑ yɔ̃ nɡe twee. Mɛyɑ kpee yɑ̃nun nuburɑ kun mɑɑ wunɛn binɛ seeyɑmɔ. Domi sɔ̃ɔ teeru bɑɑwure u koo dɑ win wɑ̃ɑ yee dɑ̃ɑkirɔ kpɑ wuri yi nɔɔrɑ bɑɑmɑ swɛɛ sɔɔ.

Yeremi 13:24

Yen sɔ̃, kon bɛɛ yɑrinɑsiɑwɑ nɡe mɛ woo ɡɑ rɑ yɑkɑsu yɑrinɑsie ɡbɑburɔ.

Yeremi 24:10

Kon bu tɑbu suremɑ kɑ ɡɔ̃ɔru kɑ bɑrɑnu sere bu kɑ ɡbi tem mɛ kpuro sɔɔ, mɛ nɑ be kɑ ben bɑɑbɑbɑ wɛ̃.

Yeremi 25:27

Yinni Gusunɔ u mɑɑ mɑn sɔ̃ɔwɑ n Isirelibɑ sɔ̃ɔwɔ n nɛɛ, ɑmɛniwɑ wi, ben Yinni, wi u mɑɑ sɑ̃ɑ wɔllu kɑ tem Yinni u ɡeruɑ. U nɛɛ, bu nɔruo sere yu bu ɡo, bu siruku kpɑ bu wɔruku sere bu kpɑnɑ bu se yèn sɔ̃ u derɑ yibɛrɛbɑ bɑ bu wɔri bɑ ɡoomɔ.

Yeremi 29:17

U nɛɛ, wee, u koo de bu bu tɑbu wɔrimɑ kpɑ ɡɔ̃ɔru kɑ bɑrɑru tu bu wɔri. U koo bu wɑhɑlɑ kpɛ̃ɛ kpɑ bɑ n sɑ̃ɑ nɡe dɑ̃ɑ mɑrum mɛ mu kɔ̃sɑ bɑ yinɑ bu di.

Yeremi 44:27

U koo dewɑ kɔ̃sɑ yu bɛɛ deemɑ, n ǹ mɔ ɡeɑ. Yudɑ be bɑ wɑ̃ɑ Eɡibitiɔ kpuro, bɑ koo ɡbiwɑ tɑbu sɔɔ kɑ ɡɔ̃ɔru sɔɔ.

Yeremi 7:29

Yinni Gusunɔ u nɛɛ, Yudɑbɑ bu ben seri buro bu kɔ̃ yi yi sɔ̃ɔsimɔ mɑ bɑ sɑ̃ɑ nɛɡibu. Bu yɔɔwo ɡuuru wɔllɔ, kpɑ bu ɡɔɔ swĩ. Wee bɑ nɛn mɔru seeyɑ, mɑ nɑ bu biru kisi.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Esekiɛli 11:17

Kpɑ n bu mɛnnɑ n yɑrɑ bwese nin suunu sɔɔn di mi bɑ yɑrinɛ mi, n bu Isirelibɑn tem wɛ̃.

Esekiɛli 12:15

Sɑɑ ye sɔɔrɑ bɑ koo ɡiɑ mɑ nɛnɑ nɑ sɑ̃ɑ Yinni Gusunɔ, nɑ̀ n bu yɑrinɑsiɑ bwese tukunun suunu sɔɔ.

Esekiɛli 14:17

Ǹ kun mɛ nɑ̀ n derɑ bɑ tɔn be tɑbu wɔrimɑ, mɑ bɑ bu kɑm koosiɑ sere kɑ ben yɑɑ sɑbenɔ,

Esekiɛli 20:23

Gbɑburu miyɑ nɑ nɔmɑ suɑ wɔllɔ nɑ bɔ̃ruɑ nɑ nɛɛ, kon bu yɑrinɑsiɑ bwesenu sɔɔ kɑ tem tukumɔ.

Esekiɛli 27:2

n nun ɡɔɔ wuri kuo,

Esekiɛli 5:12

Bɑ̀ n bu bɔnu kuɑ subenu itɑ, sube teeru tɑ koo ɡbiwɑ Yerusɑlɛmun nukurɔ, bɑrɑru kɑ ɡɔ̃ɔrun sɔ̃, kpɑ suberu yiruseru tu mɑɑ ɡbi tɑbu sɔɔ Yerusɑlɛmun biruɔ. Kpɑ n mɑɑ sube te tɑ tie mini yɑrinɑsiɑ hɑnduniɑn ɡoonu nnɛ kpuro sɔɔ. Kon bu tɑkobi suesiwɑ.

Esekiɛli 5:2

Kpɑ ɑ sube teeru suɑ ɑ dɔ̃ɔ doke Yerusɑlɛmun suunu sɔɔ sɑnɑm mɛ yen tɑrusibun tɔ̃rɑ yibɑ. Yen biru kpɑ ɑ mɑɑ sube teeru suɑ ɑ n kɑ tu kɔ̃ɔ ɡe soomɔ ɑ kɑ wuu ɡe sikerenɑ. Yenibɑn biru kpɑ ɑ mɑɑ suberu itɑse suɑ ɑ pusi yɑm kpuro, yen biruwɑ kon bu tɑkobi suesi.

Sɑ̃ɑrun Woodɑ 26:33

Kon de bu bɛɛ tɑbu wɔri kpɑ i yɑrinɑ i dɑ tem tukumɔ. Kpɑ bɛɛn wusu su ko bɑnsu.

Amɔsu 5:16

Yen sɔ̃, Gusunɔ wɔllu kɑ tem Yinni u ɡeruɑ u nɛɛ, tɔmbɑ koo ɡɔɔ wuri ko yɑm kpuro, kpɑ bɑ n sumɔ swɛɛ sɔɔ, bɑ n mɔ̀, wee, wee! Bɑ koo ɡbɑɑ wukobu sokumɑ bu ɡɔɔ wooru sinɑ, kpɑ bu ɡɔɔ swĩiɡibu mɛnnɑmɑ.

Misee 2:4

Yen tɔ̃ɔ te, bɑ koo ɡɔɔ wurɑ yeni ko bu nɛɛ, wee! Bɑ bu ɡurɑ kpuro mɑm mɑm. Ben tɔmbu bɑ ǹ mɑɑ tem mɔ. Bɑ bu ɡirɑ ben ɡbeɑn di. Bɑ ye bɔnu kuɑ ben tii tiinɛ sɔɔ. Mbɑn sɔ̃nɑ bɑ bu ɡurɑ nɡe mɛ.

Sɑkɑri 7:14

Yen sɔ̃nɑ nɑ bu yɑrinɑsiɑ bwesenu kpuron suunu sɔɔ ni bɑ ǹ dɑɑ yɛ̃. Mɑ bɑ ben tem deri dirum ɡoo ku rɑ mɑɑ sɑre mi. Mɑ tem ɡem mɛ, mu kuɑ bɑnsu. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 28:25

Yinni Gusunɔ u koo de bɛɛn yibɛrɛbɑ bu bɛɛ kɑmiɑ. Swɑɑ tiɑ ko i kɑ bu wɔri ɑdɑmɑ i ko i duki yɑrinɑwɑ ben wuswɑɑn di i swɑɑ dɑbinu mwɑ. Hɑnduniɑn bwesenu kpuro nu koo biti ko nù n wɑ ye yɑ bɛɛ deemɑ.

Sɔ̃ɔsiru 28:36

Mɛyɑ u koo de bu bɛɛ mwɛɛri kɑ bɛɛn sunɔ wi i ko i ko bɛɛn wiruɡii bu kɑ dɑ tem tukumɔ bwese te bɛɛ kɑ bɛsɛn bɑɑbɑbɑ i ǹ yɛ̃ mi, kpɑ i bũnu sɑ̃ mi, ni bɑ kuɑ kɑ dɑ̃ɑ kɑ mɑɑ kpenu.

Sɔ̃ɔsiru 28:64

Nɡe mɛyɑ u koo de i yɑrinɑ i n wɑ̃ɑ hɑnduniɑn bwesenu kpuro sɔɔ. Miyɑ i ko i bũnu sɑ̃ ni bɛɛ kɑ bɛsɛn bɑɑbɑbɑ i ǹ dɑɑ yɛ̃ ni bɑ kɑ dɑ̃ɑ kɑ kpenu kuɑ.

Sɔ̃ɔsiru 32:26

U koo bu kɑm koosiɑwɑ mɑm mɑm sere ɡoo kun mɑɑ bu yɑɑyɑmɔ.

Sɔ̃ɔsiru 4:27

Yinni Gusunɔ u koo de i n yɑrinɛwɑ bwese tukunun suunu sɔɔ kpɑ i kun dɑbi yɑ̃ɑtem mi u derɑ i yoru dimɔ.

Yɑkɔbu 1:1

Bɛɛ, bwesenu wɔkurɑ yiru, bɛɛ be i yɑrinɛ hɑnduniɑ kpuro sɔɔ, nɛ Yɑkɔbu, Gusunɔ kɑ Yinni Yesu Kirisin yoo, nɑ bɛɛ tɔburɑ.