Yeremi 8:7 - Bibeli Gusunɔn Gari

⁷ Bɑɑ tionko kɑ kpurɑbu kɑ kpɑɑru bɑniku nu yɛ̃ sɑɑ ye n weenɛ nu sĩ kɑ sɑɑ ye n weenɛ nu wurɑmɑ nin wɑ̃ɑ yerɔ. Adɑmɑ nɛn tɔmbu bɑ ǹ nɛn woodɑ yɛ̃ ye nɑ kɑ bu kpɑre.

Yeremi 8:7 ပူးပေါင်းရင်းမြစ်များ

Womu Duro 2:12

Biibii yɑ kpiɑ yɑm kpuro. Sɑ ɡunɔ bwese bwesekɑn swĩi nɔɔmɔ. Kpɑrukonun swĩi yi nɔɔrɑ bɛsɛn tem sɔɔ.

Esɑi 1:3

Nɑɑ kinɛnu nu rɑ n nin kpɑro yɛ̃. Kɛtɛkunu nu rɑ n mɑɑ yɛ̃ mi nin yinni u rɑ nu dĩɑnu yiiye. Adɑmɑ nɛn tɔmbu Isirelibɑ bɑ ǹ mɑm kĩ bu ɡɑ̃ɑnu ɡiɑ. Bɑ ku rɑ ɡɑ̃ɑnu tubu.

Esɑi 27:11

Dɑ̃ɑ yɑ̀ n ɡberɑ bɑ rɑ ye bɔɔriwɑ kpɑ tɔn kurɔbu bu kɑ doo ko. Wee nɛn tɔn be, bɑ ǹ bwisi mɔ. Yen sɔ̃nɑ Yinni Gusunɔ wi u bu tɑkɑ kuɑ u ǹ bu wɔnwɔndu kue, u ǹ mɑɑ bu durom kue.

Esɑi 5:12

Gɔ̃ɔɡenu kɑ mɔrɔkunu, kɑ bɑrɑnu kɑ ɡuunu kɑ sere tɑm, yerɑ yɑ rɑ ben tɔ̃ɔ bɑkɑnu ɡbisisie, kpɑ bɑ n nɛ, Yinni Gusunɔn sɔmɑ ɑtɑfiiru sɑ̃ɑ.

Yeremi 4:22

Mɑ Yinni Gusunɔ u nɛɛ, wee, nɛn tɔmbu bɑ ǹ bwisi mɔ. Mɛyɑ bɑ ǹ mɑn yɛ̃. Bɑ sɑ̃ɑwɑ ɡɑri bɑkɑsu. Bɑ kɔ̃sɑn kobun bwisi mɔ, ɑdɑmɑ bɑ ǹ ɡeɑn kobu yɛ̃.

Yeremi 5:6

Yen sɔ̃nɑ bɑ̀ n duɑ dɑ̃ɑ sɔ̃ɔwɔ, ɡbee sinɑnsu su rɑ bu ɡo. Bɑ̀ n duɑ yɑkɑsɔ, ɡbeeku bɔ̃nu nu rɑ bu ɡo. Mɑ musuku ɡbeeku ɡɑ rɑ bu yɔɔru bwɛ̃ɛyɛ ben wuun ɡbɑ̃rɑrun kɔnnɔwɔ, be bɑ yɑrɑ min di, ɡu kɑ bu sɛ̃re ɡu kɑsuku. Domi ben torɑnu nu dɑbiɑ. Ben nɑɑnɛ sɑriru tɑ kpɑ̃.

Hɑbɑkuku 1:4

Goo sɑri wi u woodɑ mɛm nɔɔwɑmmɛ. Bɑ ku rɑ tɔmbu ben ɡem wɛ̃ nɡe mɛ n weenɛ. Tɔn kɔ̃sowɑ u rɑ ɡemɡii siribu di.

Sɑkɑri 5:9

Ye u mɑɑ nɔni seeyɑ wɔllɔ, yerɑ u kurɔbu yiru ɡɑbu wɑ kɑ̃siru sɔɔ. Kurɔ be, bɑ kɑsi mɔ nɡe kpɑkpɑyɛ, mɑ woo ɡɑ yi suɑmɔ. Mɑ bɑ nɑ bɑ bire te suɑ bɑ kɑ dɑ wɔllɔ.