Yeremi 8:6 - Bibeli Gusunɔn Gari

⁶ Nɑ yɔ̃ sɛ̃ɛ nɑ bu swɑɑ dɑki kɑ lɑɑkɑri. Bɑ ɡɑri ɡerumɔ yi yi ǹ ɑsɑnsi ɡɑɑ mɔ. Ben ɡoo kun ɡɔ̃ru ɡɔsiɑmɔ win nuku kɔ̃surun di, u nɛɛ, mbɑn sɔ̃nɑ u yeni mɔ̀. Be kpuro bɑ ben tiin swɑɑ swĩiwɑ nɡe dumɑ ye yɑ wɑ̃ɑ tɑbu sɔɔ.

Yeremi 8:6 ပူးပေါင်းရင်းမြစ်များ

Yoobu 10:2

Kpɑ n Gusunɔ sɔ̃ n nɛɛ, ɑ ku mɑn tɑɑrɛ wɛ̃. A de n ɡiɑ yèn sɔ̃ ɑ mɑn nɔni swɑ̃ɑru kpɛ̃ɛ.

Yoobu 34:31

Yoobu, ɑ wunɛn durum tuubɑ koore Gusunɔn mi? A nùn sɔ̃ɔre mɑ ɑ ǹ mɑɑ durum mɔ̀?

Yoobu 34:32

A Gusunɔ bikiɑre u nun wunɛn durum sɔ̃ɔsi ye ɑ ǹ wɑ kɑ tii? À n mɑɑ torɑnu ɡɑnu koore, ɑ nùn sɔ̃ɔre mɑ ɑ ǹ mɑɑ nu mɔ̀?

Womusu 14:2

Yinni Gusunɔ u tɔmbu mɛɛrimɑ sɑɑ wɔllun di, u kɑ wɑ ɡoo ù n wɑ̃ɑ u bwisi mɔ, u kɑ wɑ ɡoo ù n wɑ̃ɑ u nùn sɑ̃ɑmɔ.

Esɑi 30:18

Yinni Gusunɔ u tɔ̃ru mɑrɑ tè sɔɔ u koo bɛɛ durom kuɑ kpɑ u bɛɛ wɔnwɔndu sɔ̃ɔsi. Domi u sɑ̃ɑwɑ ɡemɡii. Doo nɔɔruɡibɑ be bɑ nùn nɑɑnɛ sɑ̃ɑ.

Esɑi 57:17

Nɛn mɔru yɑ seewɑ Isirelibɑn tɑɑrɛ bɑkɑn sɔ̃, mɑ nɑ bu sɛɛyɑsiɑ sere nɑ ǹ mɑɑ kĩ n bu mɛɛri. Adɑmɑ kɑ mɛ, bɑ yɔ̃rɑriwɑ ben mɛm nɔɔ sɑri te sɔɔ, mɑ bɑ ben tiin ɡɔ̃ru kĩru swĩi.

Esɑi 59:16

Mɑ u biti kuɑ, yèn sɔ̃ ɡoo kun yen ɡɑri mɔ̀. Yen sɔ̃nɑ win tii u ɡɔ̃ru doke u win dɑm sɔ̃ɔsi. Mɑ u tɑ̃sɑ win ɡem sɔɔ,

Yeremi 23:25

Nɑ nɔɔmɔ ye sɔmɔbu bɑ ɡerumɔ. Be bɑ ɡɑri weesuɡii mɔ̀ kɑ nɛn yĩsiru bɑ mɔ̀, nɑ kɑ bu ɡɑri kuɑ dosu sɔɔ,

Yeremi 3:5

Mɑ i bikiɑmɔ, ko nɑ n kɑ bɛɛ mɔru sɑ̃ɑwɑ sere kɑ bɑɑdommɑɔ? Bɛɛ Isirelibɑ, yeniwɑ i rɑ n ɡerumɔ, ɑdɑmɑ i kɔ̃sɑ mɔ̀ i dɔɔ nɡe mɛ̀n nɔɔ i kĩ.

Yeremi 5:1

Yinni Gusunɔ u nɛɛ, bɛɛ Yerusɑlɛmuɡibu, i bɛɛn swɛɛ kpuro swĩiyɔ. I doo kɑ mi tɔmbɑ rɑ mɛnnɛ i kɑsu ì n ko i ɡoo wɑ wi u rɑ ko dee dee mɑ u rɑ ɡem ɡere. Ì n yɛ̃ro wɑ, sɑɑ ye sɔɔrɑ nɛ, Yinni Gusunɔ, kon bɛɛn durum wɔkɑ.

Esekiɛli 18:28

U ko n wɑ̃ɑ, domi u ɡiɑ mɑ kɔ̃sɑ u rɑɑ mɔ̀, mɑ u ye deri. Ǹ n mɛn nɑ, u ǹ mɑɑ ɡbimɔ.

Esekiɛli 22:30

Wee nɑ ɡoo kɑsu ben suunu sɔɔ u ɡbɑ̃rɑru bɑni u kɑ sikerenɑ, ǹ kun mɛ u yɔ̃rɑ kururu mi, u kɑ tem mɛ yinɑ n ku kɑ mu kɑm koosiɑ. Adɑmɑ nɑ ǹ ɡoo wɑ.

Dɑniɛli 9:11

Mɛyɑ bɛsɛ Isirelibɑ kpuro sɑ wunɛn woodɑbɑ sɑrɑ, sɑ ǹ wunɛn ɡere swɑɑ dɑki. Sɑ torɑ. Yen sɔ̃nɑ bɔ̃ri yi ɑ derɑ wunɛn sɔm kowo Mɔwisi u yoruɑ woodɑn tireru sɔɔ yi sun di.

Misee 7:2

Domi tem mɛ sɔɔ, ɡoo sɑri wi u Gusunɔ mɛm nɔɔwɑmmɛ. Goo kun mɔ̀ dee dee. Be kpuro bɑ bwisikumɔwɑ bu tɔmbu ɡo. Mɑ bɑ sɑ̃kiriɑnɑmmɛ.

Sofoni 3:7

Yerɑ u nɛɛ, bɛɛ Yerusɑlɛmuɡibu, ì n dɑɑ nùn nɑsie, mɑ i win sɛɛyɑsiɑbu wurɑmɔ, u ǹ dɑɑ bɛɛn wɑ̃ɑ yenu kɔsukumɔ. U ǹ dɑɑ mɑɑ bɛɛ sɛɛyɑsiɑmɔ nɡe mɛ u kuɑ, ɑdɑmɑ i rɑ n sɛndewɑ kɔ̃sɑn kobu sɔɔ.

Asee 1:5

Yen sɔ̃nɑ nɛ, wɔllu kɑ tem Yinni nɑ nɛɛ, i bwisikuo bɛɛn dɑɑ ye i mɔ̀n sɔ̃.

Asee 1:7

Yen sɔ̃, nɛ, Gusunɔ wɔllu kɑ tem Yinni nɑ nɛɛ, i bwisikuo bɛɛn dɑɑ ye i mɔ̀n sɔ̃.

Mɑlɑsi 3:16

Yerɑ be bɑ Yinni Gusunɔ nɑsie, bɑ ɡerunɑmɔ. Mɑ Yinni Gusunɔ u win lɑɑkɑri wesiɑ ben mi, u bu swɑɑ dɑki. Mɑ bɑ be bɑ nùn nɑsie mɑ bɑ nùn bɛɛrɛ wɛ̃ɛmɔn yĩsɑ yoruɑ tireru ɡɑru sɔɔ win wuswɑɑɔ.

Piɛɛ II 3:9

Gɑbɑ tɑmɑɑ Yinni u tɛɛmɔ u kɑ win nɔɔ mwɛɛru yibiɑ. Adɑmɑ u ǹ tɛɛmɔ. Ǹ n sɑ̃ɑre u tɛɛmɔ, u kɑ bɛɛ suuru sɑ̃ɑwɑ domi u ǹ kĩ bɑɑ tɔn turo u kɑm ko. U kĩwɑ tɔmbu kpuro bu ɡɔ̃ru ɡɔsiɑ.

Kɑ̃siru 9:20

Hɑnduniɑn tɔmbu be bɑ tie, be bɑ kun ɡu kɑ ɡɑ̃ɑ sɛ̃sɔɡii ni, bɑ ǹ ɡɔ̃ru ɡɔsie, bu ye bɑ kɑ nɔmɑ kuɑn sɑ̃ɑru deri, kɑ Setɑm bwɑ̃ɑbu kɑ bũu ni bɑ kuɑ kɑ wurɑ kɑ sii ɡeesu kɑ sii ɡɑndu kɑ kpenu kɑ dɑ̃ɑ, ni nu kun kpɛ̃ nu ɡɑri nɔ, nu ǹ mɑɑ kpɛ̃ nu yɑm wɑ, nu sere sĩ.