Yeremi 8:22 - Bibeli Gusunɔn Gari

²² Tibu sɑriwɑ Gɑlɑdiɔ? Dokotoro ɡoo sɑriwɑ mi? Nɡe mbɑn sɔ̃nɑ Isirelibɑn bosu kun kpeemɔ.

Yeremi 8:22 ပူးပေါင်းရင်းမြစ်များ

Torubu 37:25

Yen biru bɑ sinɑ bɑ dimɔ. Ye bɑ nɔni seeyɑ bɑ tenku wuuru ɡɑru wɑ be bɑ sɑ̃ɑ Isimɛɛlibɑ bɑ swĩinɛ bɑ wee Gɑlɑdin di bɑ ben yooyoosu turɑre kɑ ɡum sɑwɑrɑm kɑ tim mɛ bɑ rɑ soku miru sɔbi bɑ kɑ dɔɔ Eɡibiti ɡiɑ.

Torubu 43:11

Isireli u ɡeruɑ u nɛɛ, ǹ n mɛn nɑ, yɑ̀ n kuɑ tilɑsi, i ɡɑ̃ɑ burɑnu suo ni nu sɑ̃ɑ bɛsɛn tem miɡinu ni nu ǹ wɑ̃ɑ Eɡibitiɔ i kɑ durɔ wi dɑɑwɑ, nɡe ɡum sɑwɑrɑm kɑ tim fiiko kɑ turɑre fiiko kɑ dɑ̃ɑ mɑrum fiiko kɑ tii bi bɑ rɑ soku miru.

Yeremi 14:19

Yinni Gusunɔ, ɑ bɛsɛ Yudɑbɑ biru kisiwɑ mɑm mɑm? A sun bwɛ̃rɑ yɑrɑwɑ? Mbɑn sɔ̃nɑ ɑ sun sɛɛyɑsiɑmɔ ɑ mɛɛrɑ mɔ̀ ye yɑ ǹ bɛkurɑmɔ. Sɑ bɔri yɛndu mɑrɑ, ɑdɑmɑ sɑ ǹ tu wɑ. Sɑ mɑrɑ ɑ sun bɛkiɑ, ɑdɑmɑ nɔni swɑ̃ɑru sɔɔrɑ sɑ wɑ̃ɑ.

Yeremi 22:6

Wee ye nɑ mɑɑ ɡeruɑ Yudɑbɑn sinɑ kpɑɑrun sɔ̃. Nɑ nɛɛ, bɑɑ mɛ nɑ sinɑ kpɑɑ te wɑ tɑ wɑ̃ nɡe dɑ̃ɑ sɔ̃ɔ ɡe ɡɑ wɑ̃ɑ Gɑlɑdiɔ, ǹ kun mɛ, nɡe Libɑnin ɡuurun wii kpiiru, kɑ ɡem kon tu bɑnsu koosiɑ. Goo kun mɑɑ sinɑmɔ mi.

Yeremi 46:11

Bɛɛ Eɡibitiɡibun tɑbu kowobu, bɑɑ ì n seewɑ i dɑ Gɑlɑdiɔ i tim kɑsu, kɑmɑ. Bɛɛn mɛɛrɑ yɑ ǹ kpeemɔ.

Yeremi 51:8

Wee subɑru sɔɔ, Bɑbiloni yɑ wɔrumɑ yɑ kɔsikirɑ. I ɡɔɔ swĩiyɔ yen sɔ̃, kpɑ i kɑ tim nɑ i doke mi yɑ bosu wɑ. Sɔrɔkudo yɑ koo bɛkurɑ.

Yeremi 6:7

Nɡe mɛ dɔkɔ yɑ rɑ nim swĩ mu n kokumɔ, nɡe mɛyɑ Yerusɑlɛmuɡibun nuku kɔ̃suru tɑ rɑ n sɔ̃ɔsirɑmɔ. Dɑɑ bɔɔbɔyɑ kɑ kɑm kobun kookoosun ɡɑriyɑ yi rɑ n nɔɔrɑmɔ mi. Nɑ rɑ n wɑɑmɔ bɑɑdommɑ bɑ tɔmbu nɔni sɔ̃ɔmɔ bɑ bu mɛɛrɑ mɔ̀.

Yeremi 9:1

Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.

Yeremi 9:11

Wɑrɑ u bwisi mɔ u kɑ ye tubusiɑ. Yinni Gusunɔ ù n kɑ yɛ̃ro ɡɑri kuɑ, u ɡeruo yèn sɔ̃ tem mɛ, mu kuɑ bɑnsu mi ɡoo ku rɑ mɑɑ sɑre.

Swĩi 2:13

Yerusɑlɛmu, mbɑ kon nun sɔ̃. Mbɑ kon kɑ nun weesinɑ. Wɑrɑ u mɑɑ nɔni sɔ̃ɔre nɡe wunɛ, n kɑ kpĩ n nun nukuru yɛmiɑsiɑ. Domi wunɛn nɔni swɑ̃ɑrɑ kpɑ̃ nɡe nim wɔ̃kun nim. Goo sɑri wi u koo kpĩ u tu kpeesiɑ.

Esekiɛli 27:17

Wunɛ kɑ Yudɑbɑ kɑ Isirelibɑ i rɑ tenkuru koosinɛ. Bɑ rɑ kɑ nun ɑlikɑmɑ ye yɑ wee Minitin di kɑ pɛ̃ɛ bwese bwesekɑ kɑ tim kɑ ɡum kɑ sere ɡum sɑwɑrɑm kiɑru dweeri.

Gbɑburu 32:1

Rubɛnin bwese kɛrɑ kɑ Gɑdin bwese kɛrɑn tɔmbu bɑ yɑɑ sɑbenu mɔ nu dɑbi too. Mɑ bɑ wɑ mɑ Yɑsɛɛn tem kɑ Gɑlɑdin tem mu ɡeɑ sɑ̃ɑ ben yɑɑ sɑbenun sɔ̃.

Luku 8:43

N wee, kurɔ ɡoo u wɑ̃ɑ mi, wi u yɛm wĩibu bɑrɔ sɑɑ wɔ̃ɔ wɔkurɑ yirun di. [U win ɡobi di kpuro tim nɛmɔbun mi,] ben ɡoo kun mɑɑ kpĩɑ u nùn bɛkie.