Yeremi 8:19 - Bibeli Gusunɔn Gari

¹⁹ Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Yeremi 8:19 ပူးပေါင်းရင်းမြစ်များ

Womusu 135:21

Yinni Gusunɔ u wɑ̃ɑ Yerusɑlɛmuɔ. I nùn siɑro sɑɑ Siɔnin di. I Yinni Gusunɔ siɑro.

Womusu 137:1

Sɑ sɔ̃wɑ Bɑbilonin dɑɑrun ɡoorɔ mɑ sɑ sumɔ sɑ kɑ Siɔni yɑɑyɑmɔ.

Womusu 146:10

Yinni Gusunɔ, u ko n bɑndu diiwɑ sere kɑ bɑɑdommɑɔ. Gusunɔ Siɔnin Yinni, u ko n wɑ̃ɑwɑ sere kɑ bɑɑdommɑɔ. Yen sɔ̃, i Yinni Gusunɔ siɑro.

Womusu 149:2

Isireli, ɑ yɛ̃ɛrio wi u nun tɑkɑ kuɑ sɔɔ. Siɔniɡibu, i yɛ̃ɛrio bɛɛn sinɑ bokon sɔ̃.

Womusu 31:6

Nɑ nun nɛn wɑ̃ɑru nɔmu sɔndiɑ, domi wunɑ ɑ mɑn wɔrɑ Yinni Gusunɔ, wunɛ wi ɑ nɑɑnɛ mɔ.

Esɑi 1:4

Mɑ Esɑi u nɛɛ, bɛɛ Isirelibɑ, bɔ̃rurobɑ i sɑ̃ɑ, domi i durum mɔ̀wɑ. Torɑnu nu yibɑ bɛɛn suunu sɔɔ. Nuku kɔ̃surun wɑ̃ɑrɑ i wɑ̃ɑ. Bɛɛ kpuro i sɑnkirewɑ, domi i Yinni Gusunɔ deri. I nùn ɡɛmɑ, wi, wi u sɑ̃ɑ bɛɛn Yinni Dɛɛro, mɑ i nùn biru kisi.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 13:5

Be wee bɑ wee sɑnnu sɑɑ mi n tomɑn di bu kɑ tem mɛ kɑm koosiɑ, win mɔrun sɑɑbu.

Esɑi 33:22

Wee, sin wɛ̃ɛ yi koo kɑsikirɑ, kpɑ yi kun mɑɑ sin bekɑ nɛni ɡberebɑ sɔɔ woo ɡu kɑ su bɔriɑ. Yerɑ n koo de bu bu dukiɑ bɑkɑ ɡurɑri. Bɑɑ kɑ yɛmɔbɔ bɑ koo dɑ mi, bu kɑ yɑ̃ɑ ni ɡurɑ. Yinni Gusunɔwɑ u ko n sɑ̃ɑ bɛsɛn siri kowo, kpɑ u sun woodɑ wɛ̃. Wiyɑ u ko n sɑ̃ɑ bɛsɛn sinɑ boko. Kpɑ u sun fɑɑbɑ ko.

Esɑi 39:3

Yen biruwɑ Gusunɔn sɔmɔ Esɑi u nɑ u Esekiɑsi bikiɑ u nɛɛ, mɑn diyɑ tɔn beni bɑ nun nɑɑwɑ. Ye bɑ tunumɑ, mbɑ bɑ ɡeruɑ. Mɑ Esekiɑsi u nùn wisɑ u nɛɛ, bɑ nɑwɑ sɑɑ tem ton tonden di mɛ bɑ mɔ̀ Bɑbiloni.

Esɑi 52:1

Yerusɑlɛmu, wunɛ wi Yinni Gusunɔ u tii ɡɔsiɑ, ɑ dom yɑndo kpɑ wunɛn dɑm mu wurɑmɑ, kpɑ ɑ wunɛn burɑ yɑ̃nu doke. Domi be bɑ ǹ Yinni Gusunɔ sɑ̃ɑmɔ, ben ɡoo kun mɑɑ duɔ wunɛ sɔɔ.

Yeremi 10:15

Bɑ nu kuɑwɑ bu kɑ tɔmbu nɔni wɔ̃ke. Nu ǹ sɑ̃ɑ ɡɑ̃ɑnu. Nu koo kɑm ko sɔ̃ɔ teeru, dɔmɑ te Yinni Gusunɔ u koo nu siri.

Yeremi 14:19

Yinni Gusunɔ, ɑ bɛsɛ Yudɑbɑ biru kisiwɑ mɑm mɑm? A sun bwɛ̃rɑ yɑrɑwɑ? Mbɑn sɔ̃nɑ ɑ sun sɛɛyɑsiɑmɔ ɑ mɛɛrɑ mɔ̀ ye yɑ ǹ bɛkurɑmɔ. Sɑ bɔri yɛndu mɑrɑ, ɑdɑmɑ sɑ ǹ tu wɑ. Sɑ mɑrɑ ɑ sun bɛkiɑ, ɑdɑmɑ nɔni swɑ̃ɑru sɔɔrɑ sɑ wɑ̃ɑ.

Yeremi 14:9

Mbɑn sɔ̃nɑ kɑɑ n sɑ̃ɑ nɡe wi bɑ wɔri subɑru sɔɔ, ǹ kun mɛ nɡe tɑbu durɔ wi u kpɑnɑ u sun fɑɑbɑ ko, ɑ sere wɑ̃ɑ bɛsɛn suunu sɔɔ. Yinni Gusunɔ, mɑ sɑ wunɛn yĩsiru sɔɔwɑ, ɑ ku sun deri.

Yeremi 2:5

Yinni Gusunɔ u nɛɛ, torɑ terɑ̀ bɛɛn sikɑdobɑ bɑ nùn wɑɑsi bɑ kɑ nùn deri, bɑ dɑ bɑ kɑm swĩi, mɑ ben tii bɑ kɑm kuɑ.

Yeremi 27:10

Domi weesɑ bɑ ɡerumɔ, ye yɑ koo de n bɛɛ tondɑsiɑ bɛɛn tem di kpɑ n bɛɛ kpeerɑsiɑ.

Yeremi 31:6

Sɑɑ yɑ sisi yè sɔɔ wuun kɔ̃sobu bɑ koo nɔɔɡiru suɑ Efɑrɑimun ɡuuru wɔllun di bu nɛɛ, i seewo su dɑ Siɔniɔ mi Gusunɔ bɛsɛn Yinni u wɑ̃ɑ.

Yeremi 32:30

Wee kɔ̃sɑ Isirelibɑ kɑ Yudɑbɑ bɑ rɑ n mɔ̀ sɑɑ ben toren di. Ben ye bɑ mɔ̀ kpuro yɑ rɑ nɛn mɔru seeyewɑ. Nɛ, Yinni Gusunɔwɑ nɑ yeni ɡeruɑ.

Yeremi 7:19

Adɑmɑ kɑ ɡem, n ǹ nɛ bɑ torɑrimɔ, beyɑ bɑ tii sekuru dokemɔ.

Yeremi 8:20

Mɑ Yeremi u nɛɛ, sɑɑ ye sɑ rɑɑ yĩiyɔ su fɑɑbɑ wɑ, yɑ doonɑ nɡe ɡɛ̃ɛbun sɑɑ. Wee, sɑ ǹ fɑɑbɑ wɑ.

Yeremi 9:16

Nɛ, Gusunɔ wɔllu kɑ tem Yinniwɑ nɑ yeni ɡeruɑ. Yeremi u nɛɛ, i doo i tɔn kurɔ be bɑ rɑ ɡɔɔ swĩ kɑsumɑ. I doo i yen ɡonibɑ sokumɑ

Esekiɛli 48:35

Gɑnɑ ye yɑ koo wuu ɡe sikerenɑ kpuron dɛ̃ɛbu bu ko n sɑ̃ɑwɑ ɡɔm soonu nɔrɔbun subɑ yɛndu yiru sɑri (18.000). Sɑɑ dɔmɑ ten di, bɑ ko n dɑ wuu ɡe sokuwɑ Yinni Gusunɔ u wɑ̃ɑ mini.

Abudiɑsi 1:17

Sɑɑ ye sɔɔ, Siɔni koo mɑɑ ko nɛ Gusunɔn ɡuu dɛɛrɑru. Be bɑ yɑrɑ tɑbun di Yɑkɔbun bweseru sɔɔ bɑ koo fɑɑbɑ wɑ mi, kpɑ bu ben tem mwɑ be bɑ rɑɑ mu mwɑn nɔmɑn di.

Misee 4:9

Mbɑn sɔ̃nɑ i kuuki mɔ̀ bɛɛ Yerusɑlɛmuɡibu. Mbɑn sɔ̃nɑ i tii tɛ̃birimɔ nɡe tɔn kurɔ wi kĩ u mɑ. Mɑnɑ bɛɛn sunɔ u wɑ̃ɑ. Mɑnɑ bɛɛn bwisi kɛ̃ɔbu bɑ dɑ.

Sofoni 3:15

Yinni Gusunɔ u bɛɛn sɛɛyɑsiɑbu kpeesiɑ bi u koo rɑɑ bɛɛ ko. U bɛɛn yibɛrɛbɑ yɑrinɑsiɑ. Gusunɔ sinɑ boko, bɛɛ Isirelibɑn Yinni, u wɑ̃ɑ bɛɛn suunu sɔɔ. I ǹ mɑɑ kɔ̃sɑ ɡɑɑ wɑsi.

Sɑkɑri 2:9

Yinni Gusunɔ u mɑɑ nɛɛ, u ko n sɑ̃ɑ nɡe ɡbɑ̃rɑ dɔ̃ɔɡiru Yerusɑlɛmu yen sɔ̃. Mɛyɑ u ko n mɑɑ sɑ̃ɑ yen bɛɛrɛ.

Gɔrobun Kookoosu 14:15

durɔ bɛɛ, mbɑn sɔ̃nɑ i yeni mɔ̀. Bɛsɛn tii tɔmbɑ nɡe bɛɛ. Sɑ bɛɛ Lɑbɑɑri ɡeɑ tubusiɑmɔwɑ, kpɑ i kɑ ɡɔ̃ru ɡɔsiɑ sɑ̃ɑ kɑmɡirun di i wurɑ Gusunɔ Yinni wɑson mi, wi u wɔllu kɑ tem kɑ nim wɔ̃ku tɑkɑ kuɑ, kɑ yɑbu kpuro ye yɑ wɑ̃ɑ ye sɔɔ.

Sɔ̃ɔsiru 31:17

Yen tɔ̃ɔ te, kon kɑ bu mɔru ko kpɑ n bu biru kisi n bu deri. Bɑ koo kɑm kowɑ. Wɑhɑlɑ kɑ nɔni swɑ̃ɑ dɑbinu koo bu deemɑ. Sɑɑ ye sɔɔrɑ bɑ koo tii sɔ̃ bu nɛɛ, nɛ, Gusunɔ ben Yinni nɑ ǹ wɑ̃ɑ ben suunu sɔɔ, yen sɔ̃nɑ wɑhɑlɑ yeni yɑ bu deemɑmɔ.

Kɑ̃siru 2:1

Kirisi u Yohɑnu sɔ̃ɔwɑ u nɛɛ, ɑ Efesun Yesun yiɡbɛrun ɡɔrɑdo yoruo ɑ nɛɛ, nɛ wi nɑ kperi nɔɔbɑ yiru ye nɛni nɛn nɔm ɡeuɔ, mɑ nɑ sĩimɔ dɑbu wurɑɡinu nɔɔbɑ yiru yen suunu sɔɔ nɑ nɛɛ,