Yeremi 8:14 - Bibeli Gusunɔn Gari

¹⁴ Yudɑbɑ bɑ nɛɛ, mbɑn sɔ̃nɑ sɑ sɔ̃ mini. I de su mɛnnɑ kpɑ su dɑ wuu si su ɡbɑ̃rɑnu mɔn mi, sɑ n ɡɔɔ mɑrɑ. Domi Gusunɔ bɛsɛn Yinni u yiwɑ su ɡbi. U koo sun nim dɛ̃ɛɡim nɔrusiɑ, yèn sɔ̃ sɑ nùn torɑri.

Yeremi 8:14 ပူးပေါင်းရင်းမြစ်များ

Sɑmuɛli II 20:6

Mɑ Dɑfidi u Abisɑi sɔ̃ɔwɑ u nɛɛ, Sebɑ, Bikirin bii, u koo sun kɔ̃sɑ kuɑ yɑ n Abusɑlɔmuɡiɑ kere. Yen sɔ̃, ɑ wunɛn yinnin tɑbu kowobu suo kpɑ i nùn nɑɑ swĩi, u sere kuke wuu ɡe ɡɑ ɡbɑ̃rɑru mɔ sɔɔ.

Womusu 39:2

nɑ rɑɑ nɛɛ, kon nɛn sɑnu sɑnusu lɑɑkɑri ko kpɑ n ku durum ko nɛn ɡɑri ɡerubu sɔɔ. Kon nɛn nɔɔ kpĩ sɑnɑm mɛ nuku kɔ̃suruɡii wɑ̃ɑ nɛn bɔkuɔ.

Womusu 69:21

Sekurɑ mɑn nuki sɑnkɑ sere nɑ kom yɑɑ bie. Nɑ mɑrɑ ɡoo u mɑn wɔnwɔndu kuɑ, ɑdɑmɑ sɑri. Nɑ kɑsu wi u koo mɑn nukuru yɛmiɑsiɑ, nɑ ǹ wɑ bɑɑ turo.

Esɑi 47:5

Bɑbiloni, wunɛ wi ɑ sɑ̃ɑ nɡe Kɑlɑdebɑn wɔndiɑ, ɑ doo ɑ sinɑ yɑm wɔ̃kuru sɔɔ, ɑ mɑri. Bɑ ǹ mɑɑ nun sokumɔ sinɑmbun sinɑ boko.

Yeremi 14:20

Yinni Gusunɔ, sɑ durum kuɑ wunɛn mi. Sɑ tubɑ mɑ nuku kɔ̃surɑ sɑ kuɑ, bɛsɛ kɑ bɛsɛn bɑɑbɑbɑ.

Yeremi 14:7

Yudɑbɑ bɑ ɡerumɔ bɑ mɔ̀, bɑɑ mɛ sɑ tɑɑrɛ mɔ bɛsɛn durum sɔ̃, Yinni Gusunɔ, ɑ sun somiɔ wunɛn yĩsirun bɛɛrɛn sɔ̃. Wee sɑ kuɑ mɛm nɔɔ sɑribɑ, mɑ sɑ nun torɑri.

Yeremi 23:15

Yen sɔ̃nɑ nɛ Gusunɔ, wɔllu kɑ tem Yinni, nɑ nɛn sɔmɔbu Yerusɑlɛmuɔ sɔ̃ɔmɔ mɑ wee kon de bu dɑ̃ɑ kiku ɡɑɡu ɡe ɡɑ sosu di, kpɑ bu nim mɛ mu dɛ̃ɛ mɔ nɔ. Domi beyɑ bɑ derɑ tem mɛn tɔmbu kpuro bɑ ǹ mɑɑ mɑn bɛɛrɛ wɛ̃ɛmɔ.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 35:11

Adɑmɑ sɑnɑm mɛ Nɛbukɑnɛsɑɑ, Bɑbilonin sinɑ boko u tem mɛ wɔrimɑ, yerɑ sɑ nɛɛ, su se su dɑ Yerusɑlɛmuɔ, kpɑ su Bɑbilonin tɑbu kowobu kɑ Siriɡibu dukɑ suuri. Yen sɔ̃nɑ sɑ wɑ̃ɑ Yerusɑlɛmu mini ɡisɔ.

Yeremi 9:14

Yen sɔ̃nɑ nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ nɛɛ, wee, kon bu dɑ̃ɑ kiku ɡɑɡu ɡe ɡɑ sosu diisiɑ, kpɑ n bu nim mɛ mu dɛ̃ɛ mɔ nɔrusiɑ.

Yeremi 9:15

Kpɑ n de bu yɑrinɑ bu dɑ bwese tukunun suunu sɔɔ, mi be kɑ ben bɑɑbɑbɑ bɑ ǹ dɑɑ yɛ̃. Kon de bu bu ɡo kɑ tɑkobi, kpɑ bu bu kɑm koosiɑ mɑm mɑm.

Swĩi 3:19

Nɑ̀ n nɛn nɔni swɑ̃ɑru yɑɑyɑ, n dɑ n sɑ̃ɑrewɑ nɡe dɑ̃ɑ sosurɑrun nimɑ nɑ nɔrɑ kɑ dɛ̃ɛ.

Sɑ̃ɑrun Woodɑ 10:3

Mɑ Mɔwisi u Aroni sɔ̃ɔwɑ u nɛɛ, Yinni Gusunɔ u ǹ dɑɑ bɛɛ sɔ̃ɔwɑ u nɛɛ, u kĩwɑ be bɑ nùn susimɔ bu win dɛɛrɑru nɑsiɑ, kpɑ bu nùn bɛɛrɛ wɛ̃ tɔmbu kpuron wuswɑɑɔ? Mɑ Aroni u win nɔɔ mɑri.

Amɔsu 6:10

Goo ù n win tɔnun ɡoru suɑ yɛnun di u kɑ yɑrɑ u dɔɔ u dɔ̃ɔ mɛni, u koo wi u wɑ̃ɑ yɛnu sɔɔwɔ bikiɑ u nɛɛ, ɡoo mɑɑ tie u wɑ̃ɑ kɑ wunɛ? Kpɑ yɛ̃ro u nùn wisi u nɛɛ, ɡoo sɑri. Kpɑ wini u nɛɛ, ɑ mɑrio. N ǹ weenɛ su Gusunɔn yĩsiru siɑ sɑɑ yeni sɔɔ kpɑ u sun sĩiremɑ.

Hɑbɑkuku 2:20

Yinni Gusunɔ u wɑ̃ɑ win sɑ̃ɑ yee dɛɛrɑrɔ. Tɔmbu kpuro bu nɔɔ mɑrio win wuswɑɑɔ.

Sɑkɑri 2:13

Wee u koo nu nɔmɑ doke kpɑ nu ɡɔsiɑ bɛɛn yobu. Sɑɑ ye sɔɔrɑ nu koo ɡiɑ mɑ Gusunɔ, wɔllu kɑ tem Yinniwɑ u mɑn ɡɔrimɑ.

Mɑteu 27:34

miyɑ bɑ Yesu tɑm wɛ̃ u nɔ kɑ tim mɛ mu rɑ yɛm ɡo. Ye u mu dendɑ u ǹ wure u mwɛ.

Sɔ̃ɔsiru 29:18

Wi u ɑrukɑwɑni yen ɡɑri nuɑ ye bɑ bɔkuɑ kɑ bɔ̃ri mi, u ku tii suɑ win ɡɔ̃ruɔ u nɛɛ, u koo bɔri yɛndu wɑ bɑɑ ù n win tiin kĩru mɔ̀, kpɑ u de ɡoo u wɔri bũu sɑ̃ɑru sɔɔ.

Sɔ̃ɔsiru 32:32

Ben yibɛrɛ be, bɑ sɑnkirewɑ nɡe Sodomu kɑ Gomɔrɑɡibu. Bɑ sɑ̃ɑwɑ nɡe tɑm mɛ mu sosu, mɑ mu dɛ̃ɛ mɔ.