Yeremi 8:12 - Bibeli Gusunɔn Gari

¹² N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Yeremi 8:12 ပူးပေါင်းရင်းမြစ်များ

Torubu 19:34

Yen sisiru yerumɑ wi, u win wɔnɔ sɔ̃ɔwɑ u nɛɛ, wee, ɡĩɑ wɔ̃kuru nɑ derɑ bɛsɛn tundo kɑ mɑn kpunɑ. Su kpɑm nùn tɑm nɔrusiɑ wɔ̃ku te, kpɑ wunɛ ɑ mɑɑ dɑ u kɑ nun kpunɑ kpɑ win bweseru tu ku ɡbi.

Womusu 52:1

Dɑfidin womu ɡe u wom kowobun wiruɡii kuɑ.

Womusu 52:7

Yen sɔ̃, ɑ n yɛ̃ mɑ Gusunɔ u koo nun surɑ sere kɑ bɑɑdommɑɔ. U koo nun ɡɑwɑ u yɑrɑ sɑɑ wunɛn kuu bekuruɡirun di, kpɑ u nun wunɑ wɑsobun suunu sɔɔn di.

Esɑi 24:2

yɑ̃ku kowobu kɑ tɔn dirobu, yinnibu kɑ yobu, wi u dɔrɑmɔ kɑ wi u dwemɔ, wi u mɔ bɑ bɔkurɑmɔ kɑ wi u bɔkurɑmɔ, wìn dibu bɑ nɛni kɑ wi u dibu nɛni.

Esɑi 3:9

Ben kookoosu su ben dɑɑn seedɑ dimɔ. Ben dɑɑ kɔ̃sɑ kun beruɑ. Bɑ ye mɔ̀ bɑtumɑ sɔɔ nɡe Sodomuɡibu. Bɔ̃rurobɑ bɑ sɑ̃ɑ, domi bɔ̃riyɑ bɑ tii sɔɔru kuɑmmɛ mi.

Yeremi 10:15

Bɑ nu kuɑwɑ bu kɑ tɔmbu nɔni wɔ̃ke. Nu ǹ sɑ̃ɑ ɡɑ̃ɑnu. Nu koo kɑm ko sɔ̃ɔ teeru, dɔmɑ te Yinni Gusunɔ u koo nu siri.

Yeremi 14:15

Yen sɔ̃, sɔmɔ be nɑ ǹ ɡɔre mi, bɑ kɑ tɔmbu sɔ̃ɔmɔ bɑ mɔ̀, bɑ ǹ tɑbu wɑsi ben temɔ, ɡɔ̃ɔrɑ kun duɔ mi, kon de bu ɡbi tɑbu sɔɔ, kɑ ɡɔ̃ɔrun sɔ̃.

Yeremi 23:12

Yen sɔ̃nɑ ben swɑɑ yɑ koo wɔriɑ, kpɑ yu bu yɑm tĩre. U koo de bu bu bɔriɑ, kpɑ bu wɔruku sɑɑ ye u koo bu sɛɛyɑsiɑ u de wɑhɑlɑ yu bu deemɑ. Wi, Yinni Gusunɔwɑ u yeni ɡeruɑ.

Yeremi 3:3

Yen sɔ̃nɑ ɡurɑ kun tɑ̃rɑmɔ bu sere nɛɛ, yɑ koo nɛ. Adɑmɑ kɑ mɛ, i bũnu ɡɑsirimɔ i dɔɔwɑ. Sekurɑ kun bɛɛ mɔ̀.

Yeremi 44:10

Wee, sere kɑ tɛ̃ i ǹ tii kɑwe i ɡɔ̃ru ɡɔsie. I ǹ mɑn nɑsie, i ǹ mɑɑ nɛn woodɑbɑ swĩi ye nɑ bɛɛ kɑ bɛɛn bɑɑbɑbɑ wɛ̃.

Yeremi 6:15

N weenɛwɑ sekuru tɑ n bu mɔ̀, kɔ̃sɑ ye bɑ mɔ̀n sɔ̃, ɑdɑmɑ bɑ ǹ sekuru mɔ. Bɑ ǹ mɑm wure mɑ bɑ tore. Yen sɔ̃nɑ bɑ koo wɔrumɑ bu ɡbi. Bɑ koo fukurɑ bu wɔruku dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni kpuro ɡeruɑ.

Yeremi 6:21

Yen sɔ̃nɑ kon bu sokurɑtiɑ dokeɑ, kpɑ bɑɑbɑbɑ kɑ ben bibu, tɔnu mɑɑ kɑ win bɔrɔ bu sokurɑ mi bu ɡbi.

Esekiɛli 23:18

U win sɑkɑrɑ te sɔ̃ɔsi bɑtumɑ sɔɔ. Mɑ nɛn ɡɔ̃ru ɡɑ doonɑ win min di nɡe mɛ ɡɑ rɑɑ doonɑ win mɔɔn min di.

Osee 5:9

Gɑri ɡeeyɑ nɑ Isirelibɑ sɔ̃ɔmɔ. Dɔmɑ te kon bu sɛɛyɑsiɑ, bɑ koo kɑm kowɑ.

Sofoni 3:5

Adɑmɑ kɑ mɛ, Yinni Gusunɔ u wɑ̃ɑ kɑ bɛɛ. U sɑ̃ɑwɑ ɡemɡii, u ku rɑ weesu ko. U rɑ win ɡem terɑsiewɑ siribu sɔɔ bururu bɑɑtere. U ku rɑ tɔ̃ru bure. Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.

Sɔ̃ɔsiru 32:35

Wiyɑ u koo bu mɔru kɔsie u bu sɛɛyɑsiɑ. Tɔ̃ru ɡɑrɑ sisi tè sɔɔ bɑ koo wɔrumɑ. Tɔ̃ɔ te, nɔni swɑ̃ɑruɡirɑ, tɑ ǹ mɑɑ tɛɛmɔ.

Filipi 3:19

Kɑm kobɑ bɑ koo kɑ wiru ɡo, domi ben nukurɑ tɑ sɑ̃ɑ ben yinni. Ye n weenɛ n bu sekuru ko yerɑ bɑ kɑ woo kɑnɑmɔ. Hɑnduniɑ yen ɡɑ̃ɑnu tɔnɑwɑ bɑ bwisikumɔ.