Yeremi 7:34 - Bibeli Gusunɔn Gari

³⁴ Kon de Yerusɑlɛmu kɑ Yudɑbɑn wusu su mɑri sɔ̃ɔ sɔ̃ɔ, bɑ ǹ mɑɑ nuku dobun kuuki mɔ̀ wuu si sɔɔ. Mɛyɑ bɑ ǹ mɑɑ kurɔ kpɑɑrun womusu nɔɔmɔ mi. Domi tem mɛ, mu koo kowɑ bɑnsu.

Yeremi 7:34 ပူးပေါင်းရင်းမြစ်များ

Yoobu 3:7

U de tɔ̃ɔ te, tɑ n sɑ̃ɑ tɔ̃ɔ bɑrukɑ sɑriruɡiru, kpɑ ɡoo u ku rɑɑ nuku dobu ko te sɔɔ.

Womusu 78:63

U derɑ ɑluwɑɑsibɑ bɑ dɔ̃ɔ mwɑɑrɑ, mɑ wɔndiɑbɑ bɑ durɔbu biɑ.

Esɑi 1:7

Bɛɛn tem mu kuɑ bɑnsu. Mɛn wusu dɔ̃ɔ mwɑɑkirɑ. I tɔn tukobu mɛɛrɑ bɑ kɑ mɛn dĩɑnu ɡurɑ, bɑ ǹ ɡɑ̃ɑnu deri.

Esɑi 3:26

Tɔmbɑ koo wuri ko bu ɡɔɔ swĩ yen ɡbɑ̃rɑ kɔnnɔwɔ nɡe tɔn kurɔ wi bɑ wɔri bɑ win yɑ̃nu ɡurɑ mɑ u sɔ̃ temɔ.

Esɑi 6:11

Mɑ nɑ nɛɛ, Yinni, sere sɑɑ yerɑ̀ yɑ ko n sɑ̃ɑ mɛ. Mɑ u mɑn wisɑ u nɛɛ, sere wuu sinin tɔmbu bɑ̀ n ɡbisukɑ, kpɑ su ko bɑnsu, kpɑ tem mɛ kpuro mu kɑm ko.

Yeremi 16:9

Domi nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ kon yɑm min nuku dobu kpeerɑsiɑ bɛɛn nɔni biru. Bɑ ǹ mɑɑ nuku dobun womusu kɑ be bɑ suɑnɑmɔn nɔɔɡiru nɔɔmɔ mi.

Yeremi 22:6

Wee ye nɑ mɑɑ ɡeruɑ Yudɑbɑn sinɑ kpɑɑrun sɔ̃. Nɑ nɛɛ, bɑɑ mɛ nɑ sinɑ kpɑɑ te wɑ tɑ wɑ̃ nɡe dɑ̃ɑ sɔ̃ɔ ɡe ɡɑ wɑ̃ɑ Gɑlɑdiɔ, ǹ kun mɛ, nɡe Libɑnin ɡuurun wii kpiiru, kɑ ɡem kon tu bɑnsu koosiɑ. Goo kun mɑɑ sinɑmɔ mi.

Yeremi 25:10

Bɑ ǹ mɑɑ tɔ̃ɔ bɑkɑnun womusu nɔɔmɔ mi, kɑ sere kurɔ kpɑɑnun womusu. Mɛyɑ bɑ ǹ mɑɑ nɑmbun wɔkinu nɔɔmɔ. Bɑ ǹ mɑɑ fitilɑnu wɑsi mi.

Yeremi 27:17

I ku bu swɑɑ dɑki. I Bɑbilonin sinɑ boko wiru kpĩiyɔ, kpɑ i wɑ i n wɑ̃ɑ. Mbɑn sɔ̃nɑ i ko i de bɛsɛn wuu ɡeni ɡu ko bɑnsu.

Yeremi 33:10

Yinni Gusunɔ u nɛɛ, bɛɛ Yudɑbɑ, i nɛɛ, bɛɛn tem mu kuɑ bɑnsu. Tɔmbu kɑ yɛɛ mɑɑ sɑri mi. Mɑ Yerusɑlɛmu kɑ Yudɑbɑn wusun swɛɛ yi kuɑ swɛɛ ɡonu yi ɡoo ku rɑ mɑɑ sĩ.

Yeremi 33:11

Adɑmɑ bɑ koo wure bu nuku dobun kuuki nɔ kɑ tɔ̃ɔ bɑkɑruɡii. Bɑ koo kurɔ kpɑɑnun womusu nɔ. Bɑ koo mɑɑ wure bu womu ɡeni nɔ, ɡe ɡɑ nɛɛ, i Gusunɔ, wɔllu kɑ tem Yinni siɑro. Domi u sɑ̃ɑ tɔn ɡeo. Win kĩru tɑ ǹ nɔru mɔ. Mɛyɑ bɑ koo mɑɑ tɔn be bɑ kɑ yɑ̃kunu nɑ sɑ̃ɑ yerɔn womusu nɔ. Domi kon de tɔn be bɑ rɑɑ yoru mwɛɛrɑ mi, bu wurɑmɑ tem mɛ sɔɔ, kpɑ n bu wesiɑ nɡe yellu. Nɛ, Yinni Gusunɔwɑ nɑ yeni ɡeruɑ.

Yeremi 4:26

Nɑ tem mɛɛrɑ mɛ mu rɑɑ sɑ̃ɑ tem ɡem. Nɑ deemɑ wee, mu kuɑ tem sɑɑrɑm. Mɑ wuu si su wɑ̃ɑ mi, su wɔrukɑ. Yinni Gusunɔwɑ u ye kuɑ win mɔrun sɑɑbu.

Yeremi 4:27

Yinni Gusunɔ u nɛɛ, u koo tem mɛ ɡɔsiɑ tem sɑɑrɑm, ɑdɑmɑ u mɑɑ nɛɛ, u ǹ derimɔ mu n sɑ̃ɑ mɛ kɑ bɑɑdommɑɔ.

Yeremi 44:6

Mɑ nɑ kɑ bɛɛ mɔru kuɑ ɡem ɡem. Nɑ Yudɑn wusu kɑ Yerusɑlɛmun swɛɛ kpeerɑsiɑ mɑ ye kpuro yɑ kuɑ bɑnsu, nɡe mɛ i wɑɑmɔ ɡisɔ.

Swĩi 5:14

Bɛsɛn bukurobu bɑ ku rɑ mɑɑ sinɛ bu siribu ko siri yerɔ. Mɛyɑ bɛsɛn ɑluwɑɑsibɑ bɑ ku rɑ mɑɑ womusu ko.

Esekiɛli 26:13

U koo de ben womusu su nɔru ko. Bɑ ǹ mɑɑ mɔrɔkunun swĩi nɔɔmɔ mi.

Esekiɛli 7:11

Bɔbunu nu kuɑ nɡe dɛkɑ ye bɑ rɑ kɑ tɔmbu so. Gɑ̃ɑnu kun mɑɑ bɛɛ tiɑmmɛ. Tɔn dɑbiru tɑ koo ɡbi. Bɑɑ wɔkinu kun mɑɑ nɔɔrɑmɔ. Goo kun mɑɑ weeweenu mɔ̀ bɛɛn sɔ̃.

Osee 2:11

Yen sɔ̃, kon ɡɔsirɑmɑ n nɛn dobi mwɑ yin ɡɛ̃ɛbun sɑɑ sɔɔ, kɑ tɑm mɛn sɑɑ sɔɔ kɑ sere yɑ̃ɑ ni u sebuɑ u kɑ win tereru wukiri,

Osee 2:13

Kon win nuku dobu kpuro kpeerɑsiɑ kɑ tɔ̃ɔ bɑkɑ ni u rɑ ko suru kɑ suru kɑ tɔ̃ɔ wɛ̃rɑruɡiru kɑ sere mɛnnɔ si u rɑ ko sɑ̃ɑrun swɑɑ sɔɔ.

Sɑ̃ɑrun Woodɑ 26:33

Kon de bu bɛɛ tɑbu wɔri kpɑ i yɑrinɑ i dɑ tem tukumɔ. Kpɑ bɛɛn wusu su ko bɑnsu.

Misee 7:13

Kpɑ tem mɛ mu tie duniɑ sɔɔ mu ko bɑnsu, tɔn be bɑ wɑ̃ɑ min kom kɔ̃sum sɔ̃.

Kɑ̃siru 18:23

Bɑ ǹ mɑɑ fitilɑn yɑm bururɑm wɑsi mi, bɑ ǹ mɑɑ kurɔ kpɑɑ durɔbu kɑ kurɔ kpɑobun nɔɔ nɔɔmɔ. Wunɛn tenkubɑrɑ bɑ rɑɑ dɑm bo hɑnduniɑ ɡirɑ sɔɔ, mɑ ɑ kɑ wunɛn dobo dobo tem kpuroɡibu nɔni wɔ̃kuɑ.