Yeremi 7:25 - Bibeli Gusunɔn Gari

²⁵ Sɑɑ dɔmɑ tèn di bɛɛn bɑɑbɑbɑ bɑ yɑrɑ Eɡibitin di sere n kɑ ɡisɔ ɡirɑri, nɑ rɑ n bɛɛ nɛn sɔmɔbu ɡɔriɑmmɛwɑ sɑɑ bɑɑyere.

Yeremi 7:25 ပူးပေါင်းရင်းမြစ်များ

Bɑndun Gɑri II 24:19

Yinni Gusunɔ u bu win sɔmɔbu ɡɔriɑ bu wɑ bu kɑ ɡɔ̃ru ɡɔsiɑ bu wurɑmɑ win mi. Mɑ sɔmɔ be, bɑ kɑ bu ɡɑri kuɑ. Adɑmɑ bɑ ǹ swɑɑ dɑki.

Bɑndun Gɑri II 36:15

N deemɑ Gusunɔ ben bɑɑbɑbɑn Yinni wi, u bu kirɔ kuɑ yee yellun di sɑɑ win sɔmɔbun min di. Domi u kĩ u win tɔmbu kɑ win sɑ̃ɑ yee te fɑɑbɑ ko.

Ɛsidɑrɑsi 9:7

Sɑɑ bɛsɛn bɑɑbɑbɑn wɑɑtin diyɑ sɑ tore too sere kɑ ɡisɔ. Bɛsɛn torɑ nin sɔ̃nɑ wunɛ Yinni Gusunɔ ɑ sun bwese tukunu nɔmu bɛriɑ bɛsɛ kɑ bɛsɛn sinɑmbu kɑ bɛsɛn yɑ̃ku kowobu. Wee tɛ̃, tɑbu sun di mɑ sɑ wɑ̃ɑ yoru sɔɔ. Bɑ bɛsɛn yɑ̃nu ɡurɑ mɑ sɑ wɑ̃ɑ sekuru sɔɔ.

Nɛɛmi 9:26

Adɑmɑ kɑ mɛ, bɑ ǹ nun mɛm nɔɔwɛ. Bɑ nun seesiwɑ, bɑ wunɛn woodɑbɑ biru kisi. Mɑ bɑ wunɛn sɔmɔbu ɡo ɡo be bɑ bu kirɔ kuɑ bu kɑ ɡɔ̃ru ɡɔsiɑ bu ben dɑɑ kɔ̃sɑ deri kpɑ bu wurɑmɑ wunɛn mi. Adɑmɑ bɑ ben dɑɑ kɔ̃sɑ sosiwɑ.

Nɛɛmi 9:30

A kɑ bu tɛmɑnɑ wɔ̃ɔ dɑbinu. A wunɛn sɔmɔbu wunɛn Hunde wɛ̃ bɑ n kɑ bu kirɔ mɔ̀. Adɑmɑ bɑ ǹ swɑɑ dɑki. Mɑ ɑ bu bwese tukunu nɔmu bɛriɑ.

Esɑi 5:4

Mbɑ u tu bureɑ u ǹ kue. Mbɑn sɔ̃nɑ tɑ bii kɔ̃sunu mɑrɑ sɑnɑm mɛ u yĩiyɔ tu bii ɡeenu mɑ.

Yeremi 11:7

Sɑɑ dɔmɑ tèn di nɑ ben bɑɑbɑbɑ yɑrɑmɑ Eɡibitin di sere kɑ ɡisɔ, nɑ rɑ n bu sɔ̃ɔmɔwɑ bu de bu mɑn mɛm nɔɔwɑ.

Yeremi 25:3

sɑɑ Yosiɑsi, Amɔɔn biin bɑndun wɔ̃ɔ wɔkurɑ itɑsen di, n kɑ ɡisɔ ɡirɑri, yen wɔ̃ɔ yɛndɑ itɑwɑ mi. Sɑɑ min diyɑ nɑ rɑ n bɛɛ Gusunɔn ɡɑri sɔ̃ɔmɔ ɑdɑmɑ i ku rɑ mɑn swɑɑ dɑki.

Yeremi 25:4

Yinni Gusunɔ u rɑ n bɛɛ win sɔm kowobu ɡɔriɑmmɛ, berɑ win sɔmɔbu. U derɑ bɑ nɑ nɑ sɑɑ yee yellun di. Adɑmɑ i ǹ bu swɑɑ dɑki, i ǹ ben ɡɑri wure.

Yeremi 29:19

Domi bɑ ǹ wi, Yinni Gusunɔn ɡɑri swɑɑ sue bɑɑ mɛ u rɑ n bu yi sɔ̃ɔmɔ sɑɑ win sɔmɔbun nɔɔn di. Wi, Yinni Gusunɔwɑ u yeni ɡeruɑ.

Yeremi 35:14

Wee Rekɑbun bweseru tɑ Yonɑdɑbu, Rekɑbun biin ɡere mɛm nɔɔwɑ ye u nɛɛ, win bibu bu ku rɑɑ tɑm nɔ. Mɛyɑ bɑ ǹ mɑɑ tɑm mɛ nɔrɑ sere kɑ ɡisɔn ɡisɔ. Bɑ ben sikɑdo mɛm nɔɔwɑ. Adɑmɑ nɛ, nɑ kɑ be, Yudɑbɑ ɡɑri kuɑ sɑɑ yee yellun di, mɑ bɑ ǹ mɑn swɑɑ dɑki.

Yeremi 35:15

Nɑ bu nɛn sɔmɔbu ɡɔriɑmɑ sɑɑ yellun di, bu kɑ ben bɑɑwure sɔ̃ u win dɑɑ kɔ̃sɑ deri. Bu ku mɑɑ bũnu sɑ̃ kpɑ bu wɑ bɑ n wɑ̃ɑ tem mɛ sɔɔ, mɛ nɑ ben bɑɑbɑbɑ wɛ̃. Adɑmɑ bɑ ǹ sɔmɔ be swɑɑ dɑki, bu sere mɑn mɛm nɔɔwɑ.

Yeremi 44:4

Nɑ bɛɛ nɛn sɔmɔbu ɡɔriɑ sɑɑ yellun di bu kɑ bɛɛ sɔ̃, i ku sɑ̃ɑ kɔ̃su nini ko, ni nɛn tii nɑ tusɑ.

Yeremi 7:13

Tɛ̃, yèn sɔ̃ bɑ kookoo sinin bweseru kuɑ, mɑ nɑ bu ɡerusi kpeetim sɑri ɑdɑmɑ bɑ ǹ mɑn swɑɑ dɑki, nɑ bu sokɑ mɑ bɑ ǹ mɑn wurɑri,

Esekiɛli 2:3

U nɛɛ, tɔnun bii, nɑ nun ɡɔriɔ Isirelibɑn mi, be bɑ mɑn seesimɔ. Wee be, kɑ ben bɑɑbɑbɑ bɑ mɑn torɑ sere kɑ ɡisɔ.

Osee 11:7

Wee nɛn tɔmbu bɑ yɔ̃rɑri bu kɑ mɑn tondɑ. Bɑ bu sokɑ bu ɡɔ̃ru ɡɔsiɑ bu wurɑmɑ nɛ, Wɔrukoon mi. Adɑmɑ ben ɡoo kun wure.

Osee 12:10

Adɑmɑ nɛ, Gusunɔ nɑ sɑ̃ɑwɑ bɛɛn Yinni sɑɑ mìn di i wɑ̃ɑ Eɡibitiɔ. Kon mɑɑ de i wurɑ i n wɑ̃ɑ kuu bekuruɡinu sɔɔ nɡe sɑnɑm mɛ nɑ bɛɛ yɑrɑmɑ Eɡibitin di i wɑ̃ɑ ɡbɑburɔ.

Amɔsu 2:11

Nɑ sɔmɔbu seeyɑ bɛɛn bibu sɔɔ. Mɑ nɑ ɡɑbu ɡɔsɑ nɛn sɔ̃ bɛɛn ɑluwɑɑsibɑ sɔɔ, mɑ bɑ mɑn tii wɛ̃ bɑ bɔ̃ruɑ bu ku tɑm nɔ. Bɛɛ Isirelibɑ ɡeemɑ? Nɡe weesɑ. Nɛ, Yinni Gusunɔwɑ nɑ yeni bikiɑmɔ.

Mɑlɑsi 3:7

Sɑɑ bɛɛn bɑɑbɑbɑn wɑɑtin diyɑ i nɛn woodɑbɑ ɡɛrɑri. I ǹ ye mɛm nɔɔwɛ. Yen sɔ̃nɑ nɛ Gusunɔ wɔllu kɑ tem Yinni, nɑ nɛɛ, i ɡɔsirɑmɑ nɛn mi, kpɑ n mɑɑ ɡɔsirɑ bɛɛn mi. Adɑmɑ i ɡerumɔ i mɔ̀, ɑmɔnɑ sɑ ko koosinɑ su kɑ ɡɔsirɑ wunɛn mi.

Luku 11:49

Yeyɑ Gusunɔ u yɛ̃ u kɑ nɛɛ, wi, u koo bu Gusunɔn sɔmɔbu kɑ ɡɔrobu ɡɔriɑ. Bɑ koo ɡɑbu ɡo, bɑ koo mɑɑ ɡɑbu nɔni sɔ̃,

Sɔ̃ɔsiru 9:7

I yɑɑyo nɡe mɛ i Gusunɔ bɛsɛn Yinnin mɔru seeyɑ ɡbɑburɔ. Sɑɑ dɔmɑ tèn di i yɑrimɑ Eɡibitin di sere i kɑ tunumɑ mini, i rɑ n nùn seesimɔwɑ.