Yeremi 7:19 - Bibeli Gusunɔn Gari

¹⁹ Adɑmɑ kɑ ɡem, n ǹ nɛ bɑ torɑrimɔ, beyɑ bɑ tii sekuru dokemɔ.

Yeremi 7:19 ပူးပေါင်းရင်းမြစ်များ

Ɛsidɑrɑsi 9:7

Sɑɑ bɛsɛn bɑɑbɑbɑn wɑɑtin diyɑ sɑ tore too sere kɑ ɡisɔ. Bɛsɛn torɑ nin sɔ̃nɑ wunɛ Yinni Gusunɔ ɑ sun bwese tukunu nɔmu bɛriɑ bɛsɛ kɑ bɛsɛn sinɑmbu kɑ bɛsɛn yɑ̃ku kowobu. Wee tɛ̃, tɑbu sun di mɑ sɑ wɑ̃ɑ yoru sɔɔ. Bɑ bɛsɛn yɑ̃nu ɡurɑ mɑ sɑ wɑ̃ɑ sekuru sɔɔ.

Yoobu 35:6

À n durum kuɑ, tɑɑrɛ yerɑ̀ ɑ Gusunɔ kuɑ. À n mɑɑ wunɛn durum sosimɔ, mbɑ yɑ nùn kuɑmmɛ.

Esɑi 1:20

Adɑmɑ ì n yinɑ, mɑ i mɑn seesi, bɑ koo bɛɛ ɡowɑ tɑbu sɔɔ kɑ tɑkobi. Nɛ, Yinni Gusunɔwɑ nɑ yeni ɡeruɑ.

Esɑi 1:24

Yen sɔ̃, i swɑɑ dɑkio i nɔ ye nɛ Gusunɔ, wɔllu kɑ tem Yinni nɑ ɡerumɔ, nɛ wi nɑ sɑ̃ɑ bɛɛ Isirelibɑn dɑm. Nɑ nɛɛ, kon bɛɛ nɛn yibɛrɛbɑ mɔru kɔsie kpɑ nɛn mɔru yu wɑ yu sure.

Esɑi 45:16

Gusunɔ u Isirelibɑ fɑɑbɑ kuɑ ye yɑ ǹ nɔru mɔ. Bɑ ǹ sekuru wɑsi sere kɑ bɑɑdommɑɔ. Adɑmɑ be bɑ bwɑ̃ɑrokunu sekumɔ, bɑ koo tukɑ kɑ sekuru.

Yeremi 15:9

Wi bɑ rɑɑ bɛɛrɛ wɛ̃ɛmɔ yèn sɔ̃ u bii tɔn durɔbu nɔɔbɑ yiru mɑrɑ u wɑsikirɑmɔ. U koo mɑm ɡbiwɑ sɛkum kɑ seku bɑkɑru. Be bɑ tie, kon de yibɛrɛbɑ bu bu ɡowɑ tɑbu sɔɔ. Nɛ, Yinni Gusunɔwɑ nɑ yeni ɡeruɑ.

Yeremi 2:17

Yeni yɑ koo bɛɛ deemɑ, domi i Gusunɔ bɛɛn Yinni deri sɑnɑm mɛ u bɛɛ kpɑre swɑɑ ɡeɑ sɔɔ.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yeremi 20:11

Adɑmɑ nɑ yɛ̃ mɑ wunɛ Yinni Gusunɔ, ɑ wɑ̃ɑ kɑ nɛ nɡe tɑbu durɔ dɑmɡii. Yen sɔ̃nɑ be bɑ mɑn nɔni sɔ̃ɔmɔ bɑ koo sokurɑ. Bɑ ǹ kpɛ̃ bu mɑn kɑmiɑ. Yen sɔ̃nɑ bɑ koo sekuru wɑ kpɑ bɑ n tu yɑɑye sere kɑ bɑɑdommɑɔ.

Yeremi 22:22

Tɛ̃, bɛɛn kpɑrobu bɑ koo kɑ woo doonɑ kpɑ be i kɑ ɑrukɑwɑni bɔkuɑ bu bu yoru mwɛɛri bu kɑ dɑ tem tukumɔ. Sɑɑ ye sɔɔrɑ i ko i sekuru wɑ, bɛɛn kom kɔ̃sum sɔ̃.

Yeremi 25:7

Adɑmɑ Yinni Gusunɔn tii u nɛɛ, i ǹ nùn swɑɑ dɑki. I win mɔru seeyɑwɑ bɛɛn bwɑ̃ɑroku ni i kuɑn sɔ̃. Mɑ yɑ kɑ bɛɛ kɔ̃sɑ nɑɑwɑ.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 44:3

Domi bɑ kɔ̃sɑ kuɑ bɑ nɛn mɔru seeyɑ ye bɑ kɑ dɑ bɑ bũnu yɑ̃kunu kuɑmmɛ ni bɛɛ kɑ bɛɛn bɑɑbɑbɑ i ǹ dɑɑ yɛ̃.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Yeremi 9:19

Bɛɛ kurɔbu, i Yinni Gusunɔn ɡɑri nɔɔwɔ. Kpɑ i swɑɑ dɑki i nɔ ye u ɡerumɔ. I bɛɛn wɔndiɑbɑ wuri sɔ̃ɔsio, i ɡɔɔ wuri sɔ̃ɔsinɔ.

Esekiɛli 16:26

A kɑ wunɛn berusebu Eɡibitiɡibu be bɑ wɑsin dɑm mɔ mi, sɑkɑrɑru kuɑ. Mɑ ɑ wunɛn sɑkɑrɑru kpɛ̃ɑsiɑ ɑ kɑ nɛn mɔru seeyɑ.

Korinti I 10:22

Sɑ kĩ su Yinnin nisinu seeyɑwɑ? Sɑ nùn dɑm kere?

Sɔ̃ɔsiru 32:16

Bɑ win nisinu seeyɑ bɑ dɑ bɑ bũnu sɑ̃ɑmɔ. Bɑ win mɔru seeyɑ bɑ dɑ bɑ bũnu yiire