Yeremi 7:14 - Bibeli Gusunɔn Gari

¹⁴ yen sɔ̃nɑ kon nɛn sɑ̃ɑ yee tè sɔɔ bɑ ben nɑɑnɛ doke kɑ tem mɛ nɑ be kɑ ben bɑɑbɑbɑ wɛ̃ kɑm koosiɑ nɡe mɛ nɑ Silo kuɑ.

Yeremi 7:14 ပူးပေါင်းရင်းမြစ်များ

Sinɑmbu II 25:9

Mɑ u Yinni Gusunɔn sɑ̃ɑ yeru dɔ̃ɔ mɛni kɑ Isirelibɑn sinɑ kpɑɑru, kɑ diɑ ye yɑ ɡesi wɑ̃ kpuro. Ye yɑ sɑ̃ɑ dɑmɡibun diɑ u dɔ̃ɔ mɛniwɑ.

Bɑndun Gɑri II 7:21

Be bɑ rɑɑ ten kpɑ̃ɑru yɛ̃ yellu, bɑ̀ n sɑrɔ mi, biti koo bu mwɑ kpɑ bu bikiɑ bu nɛɛ, mbɑn sɔ̃nɑ Yinni Gusunɔ u wuu ɡeni kɑ dii teni kuɑ mɛ.

Womusu 78:60

U sɑ̃ɑ yee te deri te tɑ wɑ̃ɑ Siloɔ. U kuu bekuruɡii te deri tèn mi u rɑ kɑ bu yinnɛ.

Esɑi 64:11

Kɑɑ n yenibɑ kpuro mɛɛrɑwɑ ɑ n nɔɔ mɑɑri, kpɑ bɛsɛn nuki yi sɑnkirɑ n bɑndɑ?

Yeremi 12:7

Yinni Gusunɔ u nɛɛ, nɑ nɛn sɑ̃ɑ yeru deri. Nɑ nɛn tɔmbu biru kisi, be, be bɑ sɑ̃ɑ nɛn ɑrumɑni. Wee be, be nɑ kĩ mi, nɑ bu yibɛrɛbɑ nɔmu sɔndiɑ.

Yeremi 23:39

kon bu biru kisi kpɑ n bu duɑri, be kɑ ben wuu ɡe nɑ rɑɑ be kɑ ben bɑɑbɑbɑ wɛ̃.

Yeremi 26:18

Misee Mɔresɛtiɡii u rɑɑ Gusunɔn ɡɑri ɡeruɑ Yudɑn sinɑ boko Esekiɑsin wɑɑti u nɛɛ, ɑmɛniwɑ Gusunɔ, wɔllu kɑ tem Yinni u ɡeruɑ. U nɛɛ, bɑ koo Yerusɑlɛmu bwiiyɑ nɡe ɡberu, kpɑ yu ko nɡe kpee ni bɑ subɑ, kpɑ ɡuu tèn wɔllɔ bɑ Yinni Gusunɔn sɑ̃ɑ yee te bɑnɑ, tu dɑ̃nu kpi n ko dɑ̃ɑ sɔ̃ɔ bɔkɔ.

Yeremi 26:4

A bu sɔ̃ɔwɔ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, bu mɑn swɑɑ dɑkio bu nɛn woodɑbɑ swĩi ye nɑ bu wɛ̃,

Yeremi 7:10

Kɔ̃si yiniwɑ bɑ rɑ n mɔ̀, kpɑ bu sere nɑ bu yɔ̃rɑ dii tèn mi bɑ rɑ mɑn sɑ̃ bɑ n mɔ̀, sɑ yɑkiɑrɑ yibɛrɛbɑn nɔmɑn di.

Yeremi 7:12

Ǹ n mɛn nɑ, bu doo Siloɔ bu yɑm mi nɑ rɑɑ ɡɔsɑ bu kɑ mɑn sɑ̃ mɛɛri. Kpɑ bu wɑ nɡe mɛ nɑ mu kuɑ nɛn tɔmbu Isirelibɑn dɑɑ kɔ̃sɑn sɔ̃.

Yeremi 7:4

Bu ku ben nɑɑnɛ doke dii teni sɔɔ bɑ n mɔ̀, nɛ, Yinni Gusunɔn sɑ̃ɑ yerɑ mi!

Swĩi 2:7

U win sɑ̃ɑ yeru mi bɑ rɑ nùn yɑ̃kuru kue biru kisi. U yibɛrɛbɑ Yerusɑlɛmun dii ɡeenu nɔmu bɛriɑ. Mɑ wɔkinu nɔɔrɑ win sɑ̃ɑ yeru mi, nɡe tɔ̃ɔ bɑkɑnun sɑɑ.

Swĩi 4:1

Yinni Gusunɔn sɑ̃ɑ yerun wurɑ ɡeɑ ye, yɑ tĩrɑ. Ten kpenu nu yɑri swɛɛ kpuro sɔɔ.

Esekiɛli 23:31

A wunɛn mɔɔn yirɑ swĩi. Yen sɔ̃nɑ kon de ɑ nɛn mɔrun nɔrɑ ye nɔ nɡe wi.

Esekiɛli 24:21

u be Isirelibɑ ɡɑri yini sɔ̃ɔwɔ u nɛɛ, wi, Yinni Gusunɔ u koo de bu win sɑ̃ɑ yeru kɔsuku tèn sɔ̃ bɑ tii sue kɑ te bɑ̀ n mɛɛrɑ bɑ rɑ n nuku dobu mɔ̀ kɑ tè sɔɔ bɑ ben yĩiyɔbu doke. Bɑ koo ben bii be bɑ tie Yerusɑlɛmuɔ mwɛɛri bu ɡo.

Sɔ̃ɔsiru 12:5

Yɑm mi u koo ɡɔsi u win wɑ̃ɑ yeru ko, miyɑ bɛɛ kpuro i ko i dɑ i nùn sɑ̃ kpɑ u bɛɛ win tii sɔ̃ɔsi mi.

Sɔ̃ɔsiru 28:52

Bɑ koo bɛɛ tɑrusiwɑ bɑɑmɑ mi i wɑ̃ɑ kpuro sere bɛɛn ɡbɑ̃rɑ dɑmɡii ni i nɑɑnɛ sɑ̃ɑ nu kɑ wɔruku. Bɑ koo bɛɛ tɑrusiwɑ tem mɛ kpuro sɔɔ mɛ Yinni Gusunɔ u bɛɛ wɛ̃.