Yeremi 6:8 - Bibeli Gusunɔn Gari

⁸ Ǹ n mɛn nɑ, bɛɛ Yerusɑlɛmuɡibu, i nɛn sɔ̃ɔsiru lɑɑkɑri koowo, kpɑ n ku rɑ nɛn tii ɡɑwɑ sɑɑ bɛɛn min di n bɛɛn tem kɑm koosiɑ.

Yeremi 6:8 ပူးပေါင်းရင်းမြစ်များ

Womusu 2:10

Tɛ̃, bɛɛ sinɑmbu, bɛɛ be i tem kpɑre, i kirɔ yeni swɑɑ dɑkio. Bɛɛ sinɑmbu, bɛɛ be i tem kpɑre, i yɛ̃ru kɑsuo.

Womusu 50:17

wunɛ wi ɑ ku rɑ sɔ̃ɔsiru kɑ̃, mɑ ɑ nɛn ɡere ɑtɑfiiru sɑ̃ɑ.

Womusu 94:12

Yinni Gusunɔ, doo nɔɔruɡiiwɑ wi ɑ sɛɛyɑsiɑmɔ. Doo nɔɔruɡiiwɑ wi ɑ seeyɑ kɑ wunɛn woodɑ.

Mɔnnu 19:20

A bwisi swɑɑ dɑkio, ɑ de bu nun yi keu ko, kpɑ ɑ ko bwisiɡii wunɛn wɑ̃ɑrun tɔ̃ɔ ni nu tie sɔɔ.

Mɔnnu 4:13

Sɔ̃ɔsi te bɑ nun kuɑ mi, ɑ ku tu yɔ̃su. A tu nɛnuɔ kem kem, domi terɑ tɑ sɑ̃ɑ wunɛn wɑ̃ɑrun nuuru.

Yeremi 17:23

Geemɑ, ben bɑɑbɑ be, bɑ swɑɑ tɑɑyɑ. Bɑ ǹ mɑn swɑɑ dɑki. Bɑ nɛn sɔ̃ɔsinu yinɑ.

Yeremi 2:15

Wee bɑ bɛɛ kukirisi nɡe ɡbee sinɑnsu. Bɑ bɛɛn tem yɑ̃nu ɡurɑ, mɑ bɑ bɛɛn wusu dɔ̃ɔ mɛniki, ɡoo mɑɑ sɑri mi.

Yeremi 31:19

Ye ben lɑɑkɑri yɑ wurɑmɑ, mɑ bɑ tuubɑ kuɑ. Ye bɑ ben torɑnu ɡiɑ, mɑ bɑ tukɑ kɑ sekuru ye bɑ kuɑ sɑɑ ben ɑluwɑɑsirun din sɔ̃.

Yeremi 32:33

Bɑ yinɑ bu mɑn mɛɛri. Biruwɑ bɑ mɑn kisi. Nɑ bu keu kuɑ sɑɑ yee yellun di. Adɑmɑ bɑ yinɑ bu nɛn sɔ̃ɔsiru nɔ.

Yeremi 4:14

Yinni Gusunɔ u nɛɛ, bɛɛ Yerusɑlɛmuɡibu, sere sɑɑ yerɑ̀ i kĩ i n kɔ̃sɑ bwisikumɔ. I bɛɛn ɡɔ̃rusu dɛɛrɑsio, kpɑ i fɑɑbɑ wɑ.

Yeremi 7:20

Yen sɔ̃nɑ nɑ nɛɛ, kon de nɛn mɔru yu wɔri nɛn sɑ̃ɑ yee te sɔɔ, kɑ tɔmbu sɔɔ, kɑ yɑɑ sɑbenu sɔɔ, kɑ dɑ̃ɑɔ kɑ sere mɑɑ dĩɑnu sɔɔ. Nɛn mɔru ye, yɑ ko n ɡbisimɔwɑ, yɑ ǹ suremɔ.

Yeremi 7:28

Kɑ mɛ, ɑ bu sɔ̃ɔwɔ ɑ nɛɛ, bɑ sɑ̃ɑwɑ bwese te tɑ ku rɑ Gusunɔ ten Yinnin ɡɑri nɔ. Torɑ tee teyɑ bɑ rɑ n mɔ̀ bɑɑ ù n bu sɛɛyɑsiɑ. Gem ku rɑ n mɑɑ wɑ̃ɑ ben nɔsɔ.

Yeremi 7:34

Kon de Yerusɑlɛmu kɑ Yudɑbɑn wusu su mɑri sɔ̃ɔ sɔ̃ɔ, bɑ ǹ mɑɑ nuku dobun kuuki mɔ̀ wuu si sɔɔ. Mɛyɑ bɑ ǹ mɑɑ kurɔ kpɑɑrun womusu nɔɔmɔ mi. Domi tem mɛ, mu koo kowɑ bɑnsu.

Yeremi 9:11

Wɑrɑ u bwisi mɔ u kɑ ye tubusiɑ. Yinni Gusunɔ ù n kɑ yɛ̃ro ɡɑri kuɑ, u ɡeruo yèn sɔ̃ tem mɛ, mu kuɑ bɑnsu mi ɡoo ku rɑ mɑɑ sɑre.

Esekiɛli 23:18

U win sɑkɑrɑ te sɔ̃ɔsi bɑtumɑ sɔɔ. Mɑ nɛn ɡɔ̃ru ɡɑ doonɑ win min di nɡe mɛ ɡɑ rɑɑ doonɑ win mɔɔn min di.

Osee 2:5

Mɑ n kun mɛ, kon win yɑ̃nu potiri mɑm mɑm kpɑ n nùn yɔ̃su tereru nɡe mɛ bɑ kɑ nùn mɑrɑ. Kon de u n sɑ̃ɑ nɡe tem mi ɡɑ̃ɑnu ku rɑ kpi, kpɑ n de nim nɔru ɡu nùn ɡo.

Osee 9:12

Bɑ̀ n mɑɑ bibu seeyɑ, kon de bu ɡbiwɑ bu sere bukurɑ. Bɑ koo wɑhɑlɑ bɑkɑ wɑ nɑ̀ n bu biru kisi.

Sɑ̃ɑrun Woodɑ 26:34

Sɑɑ yè sɔɔ i ko i n wɑ̃ɑ tem tukum mi, bɛɛn tem mɛ, mu koo wɛ̃rɑ, wɛ̃rɑ bi i ǹ dɑɑ mu wɛ̃ɛre.

Sofoni 3:7

Yerɑ u nɛɛ, bɛɛ Yerusɑlɛmuɡibu, ì n dɑɑ nùn nɑsie, mɑ i win sɛɛyɑsiɑbu wurɑmɔ, u ǹ dɑɑ bɛɛn wɑ̃ɑ yenu kɔsukumɔ. U ǹ dɑɑ mɑɑ bɛɛ sɛɛyɑsiɑmɔ nɡe mɛ u kuɑ, ɑdɑmɑ i rɑ n sɛndewɑ kɔ̃sɑn kobu sɔɔ.

Sɔ̃ɔsiru 32:29

Bɑ̀ n dɑɑ bwisi mɔn nɑ, bɑ koo rɑɑ ɡiɑ ye yɑ koo bu deemɑ.