Yeremi 6:26 - Bibeli Gusunɔn Gari

²⁶ Yinni Gusunɔ u nɛɛ, bɛɛ nɛn tɔmbu, i sɑɑki pɔrɑ sɛ̃keo kpɑ i tii torom wisi nuku sɑnkirɑnun sɔ̃. Bɛɛn bɑɑwure u ɡɔɔ swĩiyɔ nɡe wi u win bii teereru biɑ. I wuri koowo kɑ nɔni yĩresu. Domi wi u koo bɛɛ kpeerɑsiɑ u koo bɛɛ wɔriwɑ subɑru sɔɔ.

Yeremi 6:26 ပူးပေါင်းရင်းမြစ်များ

Torubu 21:16

Mɑ u dɑ u sinɑ n dɛsire n turɑ mi bɑ̀ n sɛ̃u tobɑ ɡɑ koo wen sɑkɑ. Domi u nɛɛ, u ǹ kpɛ̃ u n win bii mɛɛrɑ u n ɡbimɔ. Mi u sɔ̃ mi, mɑ u wurɑ tɑkɑnɑ u swĩ.

Yoobu 15:21

Kpɑ u n ɡbɑ̃sukunu nɔɔmɔ ni nu koo nùn bɛrum mwɑ. Wi u koo nùn kɑm koosiɑ, u koo nùn wɔri subɑru sɔɔ.

Yoobu 2:8

Mɑ Yoobu u dɑ u sinɑ torom sɔɔ u siru kɛ̃kɑ suɑ u kɑ ɡɔ̃rɑmɔ.

Esɑi 22:12

Yen sɔ̃nɑ tɔ̃ɔ teni sɔɔ, Gusunɔ, wɔllu kɑ tem Yinni, u bɛɛ sokɑ i kɑ swĩ, kpɑ i weeweenu ko i bɛɛn winu kɔni, kpɑ i sɑɑkibɑ dewe nuku sɑnkirɑnun sɔ̃.

Esɑi 22:4

Yen sɔ̃, nɑ bɛɛ sɔ̃ɔmɔ, i ɡɛsiro nɛn bɔkun di, i mɑn derio n swĩ. I ku tii nɔwiɑ ko i nɛɛ, i ko i mɑn nukuru yɛmiɑsiɑ nɛn tɔmbun nɔni swɑ̃ɑrun sɔ̃.

Esɑi 3:24

Bɑ ǹ mɑɑ turɑren nuburu nɔɔmɔ mɑ n kun mɔ nubu kɔ̃suru. Bɑ ǹ mɑɑ sɛ̃kɑtii sɛ̃kemɔ mɑ n kun mɔ wɛ̃ɛ. Bɑ ǹ mɑɑ seri wɑsi wirɔ bu tɑri. Wii pɔnnɑ bɑ ko n mɔ. Bɑ ǹ mɑɑ yɑbe bɑkɑnu sebumɔ sere sɑɑkibɑ nuku sɑnkirɑnun sɔ̃. Ben burɑm kun mɑɑ sɔ̃ɔsirɑmɔ. Sekurɑ bɑ koo wɑ.

Esɑi 30:13

torɑ nini, nu koo bɛɛ ko dɑm sɑriruɡibu, kpɑ i wɔrumɑ subɑru sɔɔ, nɡe ɡɑnɑ ye yɑ beu mɔ.

Esɑi 32:11

I de i nɑndɑ bɛɛ be i ǹ bwisikunu mɔ bɛɛn wɑ̃ɑru sɔɔ. Bɛɛ ɡɑru koo sɑribɑ i diirio. I bɛɛn yɑ̃nu potirio i yɔ̃rɑ bɑsi, kpɑ i kĩɑsu dewe nuku sɑnkirɑnun sɔ̃.

Yeremi 12:12

Kɑ ɡuunun wii kpiirɔ kpuro yibɛrɛbɑ bɑ yɔɔwɑwɑ. Nɑ derɑ tɑbu bu tem mɛ kpuro wukiri. Goo sɑri wi u wɑ̃ɑ bɔri yɛndu sɔɔ.

Yeremi 13:17

Ì kun ɡɑri yi swɑɑ dɑki, kon dɑ n swĩ bɔkuɔ bɛɛn tii suɑ bin sɔ̃. Kon nɔni yĩresu yɑri n bɑndɑ. Domi bɑ koo bɛɛ Yinni Gusunɔn tɔmbu yoru mwɛɛri bu kɑ dɑ tem tukumɔ.

Yeremi 14:17

Yeremi u nɛɛ, Gusunɔ u mɑn sɔ̃ɔwɑ n tɔn be sɔ̃ n nɛɛ, nɛn nɔni yĩresu su kokumɔ bururu kɑ yokɑ, su ǹ yɔ̃re. Domi wɑhɑlɑ bɑkɑ yɑ nɛn tɔmbu deemɑ. Bɑ bu so bɑ mɛɛrɑ kuɑ.

Yeremi 15:8

Kon de ben ɡɔminibu bu yɑni sɛɛri dɑbiru kerɑ yi yi wɑ̃ɑ nim wɔ̃kun ɡoorɔ. Kon de yibɛrɛbɑ bu nɑ bu ben ɑluwɑɑsibɑn mɛrobu wɔri sɔ̃ɔ sɔɔ ɡbɑ̃ɑrɑ. Kpɑ nuku sɑnkirɑru kɑ bɛrum ben mɛro be deemɑ subɑru sɔɔ.

Yeremi 18:22

A de tɑbu kowo wuunu nu bu wɔri. Kpɑ wuri yi nɔɔrɑ ben yɛnusɔ. Domi bɑ dɔkɔ kpiriru ɡbɑ bu kɑ mɑn kpɛ̃ɛ te sɔɔ. Bɑ mɑn yinɑ bɛriɑ nɛn swɑɑ sɔɔ.

Yeremi 30:5

U nɛɛ, nɑ nɑndɑbun kuuki nɔɔmɔ. Tɔmbɑ bɛrum soore, bɑ ǹ bɔri yɛndu mɔ.

Yeremi 4:11

Sɑɑ ye sɔɔ, kon bu sɔ̃ n nɛɛ, wee, woo ɡɑ wee sɑɑ ɡbɑburun ɡuunun di, ɡu kɑ nɛn tɔmbu Yudɑbɑ swee. Woo ɡe, ɡɑ ǹ sɑ̃ɑ fɛrɛ fɛrɛ nɡe ɡe bɑ koo kɑ dobi sɑrɑ.

Yeremi 4:20

Bɑ sun nɔɔsiɑmɔ mɑ bɑ wuu dɑbinu kɔsukɑ. Tem mɛ kpuro mu kɑm kobu dɔɔwɑ. Subɑru sɔɔrɑ bɑ nɑ bɑ bɛsɛn tɑbu kowobun kuu bekuruɡinu wukurɑ. Mɑ bɑ nu ɡurɑ bɑ kɑ doonɑ.

Yeremi 4:8

I sɑɑki sebuo nuku sɑnkirɑnun sɔ̃ kpɑ i swĩ i weeweenu ko, domi Yinni Gusunɔn mɔru kun sun doonɑrimɔ.

Yeremi 6:14

Bɑ rɑ n nɛn tɔmbun wɑhɑlɑ ɑtɑfiiru sɑ̃ɑwɑ, bɑ n mɔ̀, ɑlɑfiɑ wɑ̃ɑ, ɑdɑmɑ ɑlɑfiɑ ɡɑɑ sɑri.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Yeremi 8:21

Nɛn tɔmbu bɑ nɔni sɔ̃ɔre. Ben nɔni swɑ̃ɑ te, tɑ mɑn bɔkɑnɑ. Nɑ nɑnde, nɑ nuki sɑnkire.

Yeremi 9:1

Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.

Yeremi 9:10

Yinni Gusunɔ u nɛɛ, u koo de Yerusɑlɛmu yu ko bɑnsu, kpɑ yu ko ɡbeeku bɔ̃nun wɑ̃ɑ yeru. Mɛyɑ u koo mɑɑ de Yudɑbɑn wusu su ko bɑnsu.

Swĩi 1:16

Yen sɔ̃nɑ nɑ wurɑ mɔ̀, nɑ nɔni yĩresu kokumɔ. Wi u koo mɑn nukuru yɛmiɑsiɑ u mɑn wɑ̃ɑru wesiɑ, u mɑn deri. Nɛn bibɑ nuki sɑnkire, domi yibɛrɛ u mɑn kɑmiɑ.

Swĩi 1:2

Yɑ wuri mɔ̀ wɔ̃ku ɡiriru mɑ yen nɔni yĩresu kokumɔ. Be bɑ rɑɑ sɑ̃ɑ yen kĩnɑsibu, ben ɡoo sɑri wi u ye nukuru yɛmiɑsiɑmɔ. Be kpuro bɑ kuɑwɑ nɑɑnɛ sɑribɑ, mɑ bɑ kuɑ yen yibɛrɛbɑ.

Swĩi 2:11

Nɛn nɔni yɑndɑmɔ wurin sɔ̃. Nɛn wɑsi ɡbisimɔ mɑ nɛn tororɑ kɑre. Domi nɛn tɔmbɑ kɑm kuɑ. Wee, bii wɛ̃ɛnu kɑ bibu bɑ wɑ̃ɑ Yerusɑlɛmun swɛɛ sɔɔ, bɑ ǹ mɑɑ dɑm mɔ.

Swĩi 3:16

U derɑ nɑ kpenu temɑ mɑ nɛn donnu bɔɔkirɑ. Mɑ u mɑn torom wisi.

Swĩi 3:48

Wee nɑ nɔni yĩresu kokumɔ yèn sɔ̃ nɛn tɔmbɑ kɑm kuɑ.

Swĩi 4:10

Bɑɑ mɛ bii mɛrobu bɑ ben bibu kĩ too, kɑ mɛ, bɑ bu yikumɔ bɑ dimɔ wɑhɑlɑ ye yɑ be, nɛn tɔmbu deemɑn sɔ̃.

Swĩi 4:3

Bɑɑ kɑ ɡbeeku bɔ̃nɔ, nu rɑ nin binu bom kɛ̃. Adɑmɑ nɛn tɔmbu bɑ ǹ ben bibun wɔnwɔndu mɔ. Bɑ sɑ̃ɑwɑ nɡe tɑɑtɑɑ niru te tɑ wɑ̃ɑ ɡbɑburɔ.

Swĩi 4:6

Nɛn tɔmbun sɛɛyɑsiɑbu bu kpɑ̃, bu Sodomuɡibu kere, wuu ɡe Yinni Gusunɔ u kpeerɑsiɑ nɔni kpɑki teeru ɡoon nɔmɑ sɑri mi sɔɔ.

Amɔsu 8:10

Kon bɛɛn tɔ̃ɔ bɑkɑnu ɡɔsiɑ nuku sɑnkirɑnu, kpɑ bɛɛn womusu su n sɑ̃ɑ weeweenu. Kpɑ bɛɛn bɑɑwure u sɑɑkibɑ doke u n wii pɔɔru pote nuku sɑnkirɑnun sɔ̃. Kon de tɔmbu bɑ n nuki sɑnkire tem mɛ sɔɔ nɡe be bɑ ben bii teereru bie. Tɔ̃ɔ te, tɑ ko n sɑ̃ɑwɑ nɔni swɑ̃ɑruɡiru.

Yonɑsi 3:6

Ye Ninifun sinɑ boko u ɡɑri yi nuɑ mɑ u seewɑ sɑɑ win sinɑ kitɑrun di u win yɑberu potɑ. Mɑ u sɑɑki sebuɑ, u tii torom wisi wirɔ nuku sɑnkirɑnun sɔ̃.

Sɑkɑri 12:10

Kon de Dɑfidin yɛnuɡibu kɑ Yerusɑlɛmuɡibu bɑ n wɔnwɔndu mɔ kpɑ bɑ n dɑ kɑnɑru ko, kpɑ bu ɡɔsirɑmɑ nɛn mi, nɛ wi bɑ yɑɑsɑ sɔkɑ. Bɑ koo mɑn swĩisi nɡe wìn bii teereru tɑ ɡu. Bɑ koo swĩwɑ kɑ nuku sɑnkirɑ bɑkɑnu nɡe wìn bii ɡbiikoo u ɡu.

Luku 7:12

Sɑɑ ye u wuu ɡen ɡbɑ̃rɑrun kɔnnɔ turuku kuɑ, u wɑ bɑ ɑluwɑɑsi ɡoon ɡoru sɔɔwɑ bɑ kɑ yɑriɔ bu sike. U sɑ̃ɑwɑ win mɛron bii teere te u mɔ. Win mɛro mɑɑ, ɡɔminiwɑ. Wuuɡibu dɑbirɑ wɑ̃ɑ kɑ wi.

Yɑkɔbu 4:9

I de i n nuki sɑnkire kpɑ i n ɡɔɔ wooru sɔ̃ kpɑ i swĩ. I de bɛɛn yɛ̃ɛsu su ɡɔsiɑ swĩi kpɑ bɛɛn nuku dobu bu ɡɔsiɑ nuku sɑnkirɑnu.

Yɑkɔbu 5:1

Tɛ̃ bɛɛ dukiɑɡibu, i mɑn swɑɑ dɑkio. I swĩiyɔ kpɑ i n ɑrɑru mɔ̀ wɑhɑlɑ ye yɑ bɛɛ sisien sɔ̃.