Yeremi 6:24 - Bibeli Gusunɔn Gari

²⁴ Yerusɑlɛmuɡibɑ nɛɛ, ye sɑ ben lɑbɑɑri nuɑ, yerɑ bɛsɛn ɡɔmɑ dwiiyɑ. Sɑ wururɑ nɡe tɔn kurɔ wi u yiire u kĩ u mɑ.

Yeremi 6:24 ပူးပေါင်းရင်းမြစ်များ

Womusu 48:6

Adɑmɑ ye bɑ nun wɑ, miyɑ bɛrum bu mwɑ, bɑ wururɑ nɡe tɔn kurɔ wi mɑrubun wɑhɑlɑ yɑ nɛnuɑ sɑnɑm mɛ u yiire. Yerɑ bɑ nɑndɑ bɑ duki suɑ.

Esɑi 21:3

Ye nɑ wɑ kɑ ye nɑ nuɑ kɑ̃si te sɔɔ, yɑ derɑ nɛn tororɑ kɑrɑ. Mɑ wuriribu mɑn wɔri nɡe tɔn kurɔ wi u yiire u kĩ u mɑ. Tirerɑbu derɑ nɑ ǹ mɑɑ ɡɑri nɔɔmɔ. Mɑ diiribu derɑ nɑ ǹ yɑm wɑɑmɔ.

Esɑi 28:19

Bɑ ko n bɛɛ tɑɑkumɔwɑ sɑɑ kpuro nɡe mɛ̀n nɔɔ bɑ sɑrɑmɔ. Domi bɑ ko n dɑ sɑrewɑ bururu bɑɑtere kɑ mɑɑ sɔ̃ɔ sɔɔ kɑ wɔ̃kuru, kpɑ i bɛrum soorɑ ì n ben lɑbɑɑri nuɑ.

Yeremi 13:21

Be bɑ rɑɑ nun sokumɔ yinni, bɑ̀ n nun sɛɛyɑsiɑbu nɑ, mbɑ kɑɑ ɡere. Sɑɑ ye sɔɔrɑ wuriribu bu koo nun deemɑ nɡe tɔn kurɔ wi u yiire u kĩ u mɑ.

Yeremi 22:23

Bɛɛ Yerusɑlɛmuɡibu, bɛɛ be i sɔ̃ sɛ̃ɛ bɛɛn dii burɑnu sɔɔ ni i kuɑ kɑ Libɑnin dɑ̃ɑ ɡeɑ, ɑmɔnɑ bɛɛn weeweenu ko n nɛ, sɑnɑm mɛ wuriribu koo bɛɛ deemɑ nɡe tɔn kurɔ wi u yiire u kĩ u mɑ.

Yeremi 30:6

I bikio kpɑ i nɔ tɔn durɔ ù n dɑ yiire u mɑ. Ǹ n mɛn nɑ, mbɑn sɔ̃nɑ nɑ tɔmbu wɑ bɑ ben ɡɑ̃ɑnu nɛni nɡe tɔn kurɔ wi u yiire u kĩ u mɑ. Mbɑn sɔ̃nɑ be kpuron wuswɑɑ burisinɛ.

Yeremi 4:31

Nɑ wuri kɑ weeweenu nɔɔmɔ nɡe tɔn kurɔ wi u yiire u kĩ u win bii ɡbiikoo mɑ. Ase Yerusɑlɛmun nɔɔwɑ ɡɑ nɔɔrɑmɔ mi. Yɑ wom ɡɑbɑmɔ, yɑ nɔmɑ dɛmiɛ yɑ mɔ̀, yɑ kɑm kuɑwɑ. Wee yen yibɛrɛbɑ bɑ ye sɛ̃re, yɑ ɡɔɔ dɔɔ.

Yeremi 48:41

Kpɑ bu wuu ɡe bɑ mɔ̀ Keriɔtu mwɑ, bu ɡen ɡbɑ̃rɑnu kɔsuku. Mɔɑbun tɑbu durɔ dɑmɡibu bɑ koo nɑndɑ nɡe tɔn kurɔ wi u yiire u kĩ u mɑ.

Yeremi 49:24

Dɑmɑsiɡibu bɑ mwiɑ kpɑnɑ bɑ ɡɔsirɑ bu kɑ duki su, ɑdɑmɑ bɑ bɛrum soore. Mɑ nuku sɑnkirɑnu kɑ wuriribu bu nɛni nɡe tɔn kurɔ wi u yiire u kĩ u mɑ.

Yeremi 50:43

Ye Bɑbilonin sinɑ boko u lɑbɑɑri ye nuɑ, yerɑ win ɡɔmɑ dwiiyɑ. Bɛrum kɑ wuriribu nùn mwɑ nɡe tɔn kurɔ wi u yiire u kĩ u mɑ.

Esekiɛli 7:17

Ben nɔmɑ ko n sɑ̃ɑre dɑm sɑrirun sɔ̃. Kpɑ ben dũɑ yu diiri.

Dɑniɛli 5:9

Mɑ yɑ sinɑ boko nɑndɑ too sere win wuswɑɑ burisinɑ. Mɑ win sinɑ ɑsɑkpɔbun tii bɑ biti soorɑ.

Hɑbɑkuku 3:16

Nɑ ɡen wɔkinu nɔɔmɔ too. Mɑ nɑ nɑndɑ ɡem ɡem, nɛn nɔɔ ɡɑ diirimɔ bɛrum sɔ̃. Mɑ nɛn wɑsi yi wɔkɔnu wɔrimɔ, nɑ yɔ̃ sɛ̃ɛ nɑ nuku sɑnkirɑnun tɔ̃ru mɑrɑ te tɑ wee bwese ni nu koo sun dɑm dɔren sɔ̃.

Tɛsɑlonikɑ I 5:3

Sɑnɑm mɛ tɔmbɑ kun kɑ ɡɛɛ nɑnde bɑ mɔ̀, ɑlɑfiɑ wɑ̃ɑ, sɑɑ yerɑ kpeerɑsiɑbu koo tunumɑ suɑru sɔɔ nɡe mɛ mɑru wuriribu bu rɑ ɡurɑɡii deemɛ, bɑ ǹ mɑɑ kpiki yeru wɑsi.