Yeremi 6:22 - Bibeli Gusunɔn Gari

²² Yinni Gusunɔ u nɛɛ, wee bweseru ɡɑrɑ sisi sɑɑ sɔ̃ɔ yɛ̃sɑn nɔm ɡeu ɡiɑn di mi n tomɑ. Bwese ten tɔmbu bɑ dɑm mɔ.

Yeremi 6:22 ပူးပေါင်းရင်းမြစ်များ

Nɛɛmi 1:9

Adɑmɑ ɑmɛn biru, sɑ̀ n ɡɔ̃ru ɡɔsiɑ sɑ wurɑmɑ wunɛn mi, mɑ sɑ wunɛn woodɑbɑ mɛm nɔɔwɑ, kɑɑ sun kɑsum dɑ bɑɑ sɑ̀ n tomɑn nɑ, kpɑ ɑ kɑ sun wurɑmɑ tem mɛ ɑ ɡɔsɑ sɔɔ mi ɑ nɛɛ, kɑɑ n wɑ̃ɑ.

Yeremi 10:22

Wee dɑmu ɡɑɡu ɡɑ nɔɔrɑmɔ. Tɔn dɑbirɑ wee sɑɑ sɔ̃ɔ yɛ̃sɑn nɔm ɡeu ɡiɑn di, bu kɑ Yudɑbɑn wusu kpeerɑsiɑ, kpɑ su ko ɡbeeku bɔ̃nun wɑ̃ɑ yeru.

Yeremi 13:20

Wunɛ Yerusɑlɛmu, ɑ nɔni seeyo ɑ wɑ, wee, wunɛn yibɛrɛbɑ bɑ wee sɔ̃ɔ yɛ̃sɑn nɔm ɡeu ɡiɑn di. Mɑnɑ tɔn be nɑ rɑɑ nun nɔmu sɔndiɑ bɑ wɑ̃ɑ, bèn sɔ̃ ɑ rɑɑ bɛɛrɛ mɔ.

Yeremi 25:32

Wi Gusunɔ, wɔllu kɑ tem Yinni, u mɑɑ nɛɛ, win siribu bu ko n sɑ̃ɑwɑ nɡe woo bɔkɔ ɡe ɡɑ bwesenu kpuro ɡɑsirimɔ, ɡɑ hɑnduniɑn ɡoonu nnɛ kpuro bukiɑnɛ.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 30:5

U nɛɛ, nɑ nɑndɑbun kuuki nɔɔmɔ. Tɔmbɑ bɛrum soore, bɑ ǹ bɔri yɛndu mɔ.

Yeremi 4:16

I ye bwesenu kpuro nɔɔsio. Kpɑ i ye Yerusɑlɛmuɡibu sɔ̃ i nɛɛ, yibɛrɛbɑ bɑ wee sɑɑ tontonden di. Bɑ koo Yudɑbɑn wusu tɑbun kuuki koosi.

Yeremi 4:6

Bu ɡidi bɔrɑ sueyo Siɔni ɡiɑ bu duki yɑkuro bu ku yɔ̃rɑ. Domi Gusunɔ u koo de kɔ̃sɑ yu nɑ sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 47:2

wee, yibɛrɛbɑ bɑ wee sɑɑ sɔ̃ɔ yɛ̃sɑn nɔm ɡeu ɡiɑn di, bɑ tɛriɑmɔ tem sɔɔ nɡe dɑɑ te tɑ nim yibumɔ tɑ bɔ̃ɔ sɑrɑmɔ. Mɑ bɑ tem kɑ ye yɑ wɑ̃ɑ mɛ sɔɔ wukiri kɑ mɛn wusu kɑ tɔn be bɑ wɑ̃ɑ si kpuro sɔɔ. Tɔn be kpuro bɑ kuuki mɔ̀, bɑ weeweenu mɔ̀.

Yeremi 5:15

Tɛ̃ bɛɛ nɛn tɔmbu, Isirelibɑ, kon bɛɛ bweseru ɡɑru suremɑ tontonden di. Bwese te, tɑ dɑm mɔ tɑ rɑɑ mɑɑ wɑ̃ɑwɑ sɑɑ yellun di. I ǹ mɑɑ ten bɑrum nɔɔmɔ.

Yeremi 5:16

Bɑ sɑ̃ɑwɑ tɑbu durɔbu be kpuro. Ben sɛ̃ɛnun sɑɑbu, ɡonu rɑ n yibɑwɑ sikɑɔ.

Yeremi 6:1

Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

Esekiɛli 21:31

Bɑ koo wunɛn sinɑ furɔ potɑ. Gɑ̃ɑnu koo kɔsi. Be bɑ tii kɑwe bɑ koo wɔlle suɑrɑ. Kpɑ be bɑ tii sue bu wɔrumɑ.

Esekiɛli 23:22

Wee ye nɛ, Yinni Gusunɔ nɑ ɡerumɔ. Kon de wunɛn yellun kĩnɑsi be ɑ tusɑ mi tɛ̃ bu nun seesi kpɑ bu nɑ bɑɑmɑ kpuron di bu nun wɔri.

Hɑbɑkuku 1:6

Wee, kon Bɑbiloniɡibu seeyɑmɑ. Tɔn be, bɑ nuki sum. Bɑ tem kpuro bukiɑnɑmɔ bu wɑ bu kɑ bwesenu ɡɑnun wɑ̃ɑ yenu mwɛɛri.

Sɔ̃ɔsiru 28:49

U koo bɛɛ bweseru ɡɑru suremɑ tontonden di, tu bɛɛ wukiri nɡe ɡunɔ bɑkeru. I ǹ ko i bwese ten bɑrum nɔ.