Yeremi 6:20 - Bibeli Gusunɔn Gari

²⁰ Nɑ ǹ ben turɑre ye yɑ wee Sebɑn di ǹ kun mɛ dɑ̃ɑ kiku nubu duroruɡuu ɡe bɑ kɑ nɑ sɑɑ tontonden din bukɑtɑ mɔ sɑ̃ɑrun sɔ̃. Nɑ ǹ ben yɑ̃ku dɔ̃ɔ mwɑɑrɑruɡinu kĩ. Mɛyɑ ben yɑ̃ku ni nu tie, nu ǹ mɑɑ mɑn wɛ̃remɔ.

Yeremi 6:20 ပူးပေါင်းရင်းမြစ်များ

Sɑmuɛli II 15:12

Sɑnɑm mɛ u yɑ̃kuru mɔ̀, yerɑ u derɑ bɑ dɑ Giloɔ bɑ Ahitofɛli, Dɑfidin bwisi kɛ̃ɔ kɑsumɑ. Yerɑ Abusɑlɔmun niɑ ye u sɑ̃ɑ mi, yɑ dɑm kuɑ. Tɔn be bɑ kɑ nùn yɔ̃rɑ bɑ dɑbiɑmɔ ɡem ɡem.

Sinɑmbu I 10:10

Mɑ u sinɑ boko wurɑ kɑ̃ tɔnnu itɑ kɑ bɔnu kɑ mɑɑ turɑre, kɑ kpee ɡobiɡinu. Sɑlomɔɔ kun mɑɑ turɑre wɑɑre ɡɑm ɡum di yɑ n kpɑ̃ɑru nɛ mɛ.

Womusu 40:6

Gusunɔ nɛn Yinni, wunɛn sɔm ɡeenu kɑ wunɛn himbɑ ye ɑ sun kuɑ yɑ dɑbi. Gusunɔ, ɑ kpɑ̃, ɑ ǹ sɑɑrɑ mɔ. Nɑ kĩ n ye kpuro kpɑrɑ n tɔmbu nɔɔsiɑ. Adɑmɑ yen ɡeerɑ kpɑ̃ sere nɑ ǹ kpɛ̃ n ye sɑɑri.

Womusu 66:3

kpɑ i nùn sɔ̃ mɑ win sɔmɑ yɑ nɑnum mɔ, domi win dɑm mu kpɑ̃. Yen sɔ̃nɑ win yibɛrɛbɑ bɑ nùn wiru kpĩiyɑmmɛ.

Yɑribu 30:23

ɑ turɑre bwese bwesekɑ ye yɑ nuburu do suo, miru kilo nɔɔbu, kɑ sinɑmɔmu kilo yiru kɑ bɔnu, kɑ kɑnɛli kilo yiru kɑ bɔnu

Mɔnnu 15:8

Yinni Gusunɔ u ku rɑ tɔn kɔ̃sobun yɑ̃kuru wɑɑbu kɑ̃, ɑdɑmɑ ɡemɡibun kɑnɑru tɑ rɑ nùn wɛ̃re.

Mɔnnu 21:27

Tɔn kɔ̃son yɑ̃kuru tɑ ku rɑ Gusunɔ wɛ̃re. Kɑɑ sere ɡere te u kɑ bwisiku kɔ̃sunu mɔ̀?

Esɑi 1:11

I tɑmɑɑ bɛɛn yɑ̃ku dɑbi ni, nu mɑn ɡɑ̃ɑnu sɑ̃ɑ? Bɛɛn yɑ̃ku yɑ̃ɑnu kɑ yɑ̃ku ɡum mɛ i rɑ kɑ mɑn yɑ̃ku dɔ̃ɔ mwɑɑrɑruɡinu kue, yɑ den mɑn tusɑ. Nɑ wɑsirɑ kɑ bɛɛn yɑɑ sɑbenun yɛm mɛ i rɑ yɛ̃ke nɛn sɑ̃ɑ yerɔ.

Esɑi 60:6

Bɑ koo nɑwɑ kɑ yooyoo dɑbi dɑbiru Mɑdiɑnin di kɑ Efɑn di. Gɑbɑ koo mɑɑ nɑ Sebɑn di, bɑ n wurɑ kɑ turɑre sɔɔwɑ, kpɑ bɑ n nɛ, Yinni Gusunɔ tɔmɑmɔ.

Esɑi 66:3

Adɑmɑ nɛn tɔmbun sɑ̃ɑru tɑ ǹ ɑrufɑɑni ɡɑɑ mɔ. Nɛn nɔni sɔɔ, wi u kɑ kɛtɛ yɑ̃kuru kuɑ kɑ wi u koo rɑɑ kɑ tɔnu yɑ̃kuru ko, bɑ sɑ̃ɑwɑ tiɑ. Wi u mɑɑ kɑ yɑ̃ɑru yɑ̃kuru mɔ̀ kɑ wi u koo rɑɑ kɑ bɔ̃ɔ yɑ̃kuru ko, bɑ sɑ̃ɑwɑ tiɑ. Wi u kɑ kɛ̃ru nɑɑmɔ te tɑ sɑ̃ɑ som, kɑ wi u koo rɑɑ kɑ kurusɔn yɛm nɑ, bɑ sɑ̃ɑwɑ tiɑ. Wi u turɑre dɔ̃ɔ dokemɔ nɛn yɑ̃ku yerɔ, kɑ wi u bũu sɑ̃ɑmɔ, bɑ sɑ̃ɑwɑ tiɑ. Tɔn ben bɑɑwure u nɛn swɑɑ deri u swɑɑ tukɑ mwɑ ye u kĩ, mɑ ben ɡɔ̃ru ɡɑ ǹ bu tɑɑrɛ wɛ̃ɛmɔ.

Yeremi 14:10

Wee ye Yinni Gusunɔ u ɡeruɑ win tɔmbun sɔ̃. U nɛɛ, bɑ rɑ kɑ̃ bɑ n yɑɑyɑɑre mɔ̀. Bɑ ku rɑ kpĩ bu sinɑ bu tii nɛnɛ. Bɑ ǹ mɑɑ nùn wɛ̃remɔ. U ben durum yɑɑye. Yen sɔ̃nɑ u bu sɛɛyɑsiɑmɔ.

Yeremi 14:12

Domi bɑɑ bɑ̀ n nɔɔ bɔkuɑ, nɑ ǹ ben kɑnɑru nɔɔmɔ. Bɑ̀ n mɑɑ yɑ̃ku dɔ̃ɔ mwɑɑrɑruɡinu kɑ kɛ̃nu ɡɑnu kuɑ, nɑ ǹ nu mwɑɑmɔ. Kon de bu ɡbiwɑ ɡɔ̃ɔrun sɔ̃ kɑ kɛ̃si kɛ̃si bɑrɑrun sɔ̃ kɑ mɑɑ tɑbu sɔɔ.

Esekiɛli 20:39

Tɛ̃, wee ye nɛ, Yinni Gusunɔ nɑ mɑɑ ɡeruɑ ben sɔ̃. Nɑ nɛɛ, bu doo bu ben bũnu sɑ̃. Adɑmɑ ɑmɛn biru, bɑ koo mɑn mɛm nɔɔwɑ. Bɑ ǹ mɑɑ nɛn yĩsiru sɑnkumɔ kɑ ben bũu sɑ̃ɑru.

Esekiɛli 27:22

Wunɛ kɑ Sebɑn tenkubɑ kɑ Rɑmɑɡibu i rɑ tenkuru koosinɛ. Bɑ rɑ kɑ turɑre ye yɑ ɡeɑ bo nɛ wunɛn yɑburɔ kɑ kpee ɡobiɡinu bwese bwesekɑ kɑ sere mɑɑ wurɑ.

Osee 8:13

Bɑ rɑ yɛɛ ɡo bu kɑ mɑn yɑ̃kuru kuɑ, kpɑ bu yin yɑɑ tem. Adɑmɑ ben yɑ̃ku ni, nu ǹ mɑn doremɔ. Nɑ ǹ ben torɑnu duɑri. Kon bu sɛɛyɑsiɑ. Yen sɔ̃nɑ bɑ koo ɡɔsirɑ bu dɑ Eɡibitiɔ.

Osee 9:4

Sɑɑ ye sɔɔ, bɑ ǹ mɑɑ kpɛ̃ bu yɑ̃kuru ko kɑ tɑm. Bɑɑ bɑ̀ n tu kuɑ, tɑ ǹ Gusunɔ wɛ̃remɔ. Ben yɑ̃ku dĩɑnu nu ko n sɑ̃ɑwɑ nɡe ɡɔɔ dĩɑnu. Wi u nu di, u koo disi duurɑwɑ. Dĩɑ ni, nu koo win ɡɔ̃ɔru kpeesiɑ. Adɑmɑ bɑ ǹ kɑ ye duɔ Yinni Gusunɔn sɑ̃ɑ yerɔ.

Mɑlɑsi 1:10

N burɑm bo bɛɛn turo u dɑ u nɛn sɑ̃ɑ yerun ɡɑmbobɑ kɛnɛ. Kpɑ i ku kɑ dɔ̃ɔ sɔ̃re kɑm sɔɔ nɛn yɑ̃ku yerɔ. Nɑ ǹ nuku dobu mɔ bɛɛ sɔɔ. Mɛyɑ yɑ̃ku ni i mɑɑ mɑn kuɑmmɛ nu ǹ mɑn wɛ̃remɔ.