Yeremi 6:19 - Bibeli Gusunɔn Gari

¹⁹ Bɛɛ temɡibu, i wɑɑwo. Wee kon nɛn tɔmbu kɔ̃sɑ sure. Yerɑ yɑ ko n sɑ̃ɑ ben bwisikunun ɑre. Domi bɑ ǹ nɛn ɡɑri swɑɑ dɑki, mɑ bɑ nɛn woodɑbɑ ɡɛmɑ.

Yeremi 6:19 ပူးပေါင်းရင်းမြစ်များ

Mɔnnu 15:26

Yinni Gusunɔ u bwisi kɔ̃si tusɑ, ɑdɑmɑ ɡɑri yi yi kĩru sɔ̃ɔsimɔ, yiyɑ yi rɑ nùn dore.

Mɔnnu 28:9

Wi u yinɑ u Gusunɔn woodɑ swɑɑ dɑki, Gusunɔ u rɑ yɛ̃ro yinɛwɑ sere kɑ win kɑnɑrɔ.

Esɑi 1:2

Yinni Gusunɔ u nɛɛ, wɔllu kɑ tem, i kɑ mɑn nɔɔwɔ. Nɑ nɛn bibu seeyɑ, nɑ bu swɑɑ sɔ̃ɔsi, ɑdɑmɑ bɑ mɑn seesi.

Esɑi 5:24

Yen sɔ̃nɑ Yinni Gusunɔ u koo de bu dɔ̃ɔ mwɑɑrɑ nɡe mɛ dɔ̃ɔ u rɑ doo ɡɑ̃ɑnu kɑ yɑkɑ ɡbebusu mwɛ, kpɑ ben ɡbini yi kɔ̃si, kpɑ ben wɛ̃su su kɑ woo doonɑ nɡe tuɑ, yèn sɔ̃ bɑ ǹ Gusunɔ wɔllu kɑ tem Yinnin woodɑbɑ ɡɑrisi ɡɑ̃ɑnu. Mɑ bɑ win ɡɑri ɑtɑfiiru kuɑ, wi, wi u sɑ̃ɑ ben Yinni dɛɛro.

Esɑi 59:7

I rɑ n sɛndewɑ i kɑ kɔ̃sɑ ko, kpɑ i n nɑɑsu sɑ̃u i kɑ tɔnun yɛm yɑri kɑm. I rɑ n bwisikumɔwɑ i kɑ tɔmbu kɔ̃sɑ kuɑ, kpɑ i n tɔmbu dɑm dɔremɔ i n ben yɑ̃nu ɡurɑmɔ mi i duɑ kpuro.

Yeremi 11:11

Yen sɔ̃nɑ nɛ, Yinni Gusunɔ, kon de kɔ̃sɑ yu bu wɔri. Bɑ ǹ yɑriɔ kɔ̃sɑ yen min di. Bɑ koo mɑn nɔɔɡiru sue ɑdɑmɑ nɑ ǹ bu swɑɑ dɑkimɔ.

Yeremi 15:6

Wee ɑ mɑn deri, mɑ ɑ biru wurɑ. Yen sɔ̃, kon nun nɔmɑ doke n nun kpeerɑsiɑ. Domi nɑ wɑsirɑ kɑ bɑɑdommɑn wɔnwɔn te nɑ nun kuɑmmɛ.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Yeremi 19:15

Gusunɔ Isirelibɑn Yinni wi u wɔllu kɑ tem mɔ u nɛɛ, wee u koo de kɔ̃sɑ ye u rɑɑ ɡeruɑ kpuro yu Yerusɑlɛmu kɑ yen wuu si su tie deemɑ. Domi sin tɔmbɑ swɑɑ tɑɑyɑ, bɑ ǹ win ɡere nuɑ.

Yeremi 19:3

Kɑɑ Yudɑbɑn sinɑmbu kɑ Yerusɑlɛmuɡibu sɔ̃ bu swɑɑ dɑkio bu nɔ ye nɛ Gusunɔ, Isirelibɑn Yinni, nɛ wi nɑ wɔllu kɑ tem mɔ nɑ ɡeruɑ. Kon de nɔni swɑ̃ɑru tu nɑ Yerusɑlɛmuɔ sere wi u ten ɡɑri nuɑ kpuro, win swɑsu su sikɑri.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Yeremi 22:29

Mɑ Yeremi u nɛɛ, nɛn temɡibu, i nɔɔwɔ ye Yinni Gusunɔ u ɡeruɑ.

Yeremi 29:19

Domi bɑ ǹ wi, Yinni Gusunɔn ɡɑri swɑɑ sue bɑɑ mɛ u rɑ n bu yi sɔ̃ɔmɔ sɑɑ win sɔmɔbun nɔɔn di. Wi, Yinni Gusunɔwɑ u yeni ɡeruɑ.

Yeremi 4:14

Yinni Gusunɔ u nɛɛ, bɛɛ Yerusɑlɛmuɡibu, sere sɑɑ yerɑ̀ i kĩ i n kɔ̃sɑ bwisikumɔ. I bɛɛn ɡɔ̃rusu dɛɛrɑsio, kpɑ i fɑɑbɑ wɑ.

Yeremi 4:16

I ye bwesenu kpuro nɔɔsio. Kpɑ i ye Yerusɑlɛmuɡibu sɔ̃ i nɛɛ, yibɛrɛbɑ bɑ wee sɑɑ tontonden di. Bɑ koo Yudɑbɑn wusu tɑbun kuuki koosi.

Yeremi 4:4

Geemɑ, i bɑnɡo sɑ̃ɑ wɑsi sɔɔ. Adɑmɑ n tiewɑ i mɑn tii wɛ̃, kpɑ nɛn mɔru yu ku rɑɑ yɑburɑ nɡe dɔ̃ɔ, wi ɡoo kun kpɛ̃ u ɡo, domi bɛɛn nuku kɔ̃suru tɑ kpɑ̃.

Yeremi 49:37

Kon de Elɑmuɡibu bu diiri ben yibɛrɛbɑ kɑ be bɑ kɑsu bu bu ɡon wuswɑɑɔ. Nɛn mɔrun sɑɑbu kon bu nɔni swɑ̃ɑ bɑkɑru kpɛ̃ɛ. Tɑbɑ kon kɑ bu ɡo n kpe,

Yeremi 6:10

Mɑ Yeremi u wisɑ u nɛɛ, wɑrɑ kon ɡɑri sɔ̃, kpɑ n nùn kirɔ ko. Wɑrɑ koo mɑn swɑɑ dɑki. Wee, bɑ swɑɑ tɑu. Bɑ ǹ kpɛ̃ bu lɑɑkɑri ko. Ben mi, wunɛ Yinni Gusunɔn ɡɑri yi rɑ bu sekuru kowɑ. Bɑ ku rɑ kɑ̃ bu yi nɔ.

Yeremi 6:18

Yen sɔ̃, u nɛɛ, bɛɛ bwese ni nu tie, i swɑɑ dɑkio i nɔ ye yɑ koo nɛn tɔmbu deemɑ.

Yeremi 8:5

Ǹ n mɛn nɑ, mbɑn sɔ̃nɑ nɛn tɔmbu Yudɑbɑ bɑ swɑɑ kɔ̃sɑ swĩi bɑ dɔɔ. Bɑ yɔ̃rɑriwɑ dim dim ben weesu sɔɔ bɑ n bũnu sɑ̃ɑmɔ. Bɑ ǹ kĩ bu ɡɔsirɑmɑ nɛn mi.

Yeremi 8:9

Wee bwisiɡibɑ nɛ, Yinni Gusunɔn ɡɑri ɡɛmɑ. Mɑ bɑ yibɛrɛbɑn yinɑ mwɑɑrɑ bɑ wɑ̃ɑ biti kɑ sekuru sɔɔ. Ǹ n mɛn nɑ, bwisi yirɑ̀ bɑ mɑɑ mɔ.

Dɑniɛli 9:11

Mɛyɑ bɛsɛ Isirelibɑ kpuro sɑ wunɛn woodɑbɑ sɑrɑ, sɑ ǹ wunɛn ɡere swɑɑ dɑki. Sɑ torɑ. Yen sɔ̃nɑ bɔ̃ri yi ɑ derɑ wunɛn sɔm kowo Mɔwisi u yoruɑ woodɑn tireru sɔɔ yi sun di.

Osee 10:13

Adɑmɑ bɛɛ, i kɔ̃sɑ duurɑ mɑ i kɔ̃sɑ ɡɑ̃. Mɑ i bɛɛn weesun ɑre di. I bɛɛn nɑɑnɛ doke bɛɛn tiin dɑm kɑ tɑbu kowo dɑbi dɑbiru sɔɔ.

Osee 4:6

Wee nɛn tɔmbɑ ɡbimɔ yèn sɔ̃ bɑ ǹ mɑn yɛ̃. Adɑmɑ wunɛn tii, ɑ yinɑ ɑ mɑn wurɑ. Yen sɔ̃, kon nun yinɑ kpɑ ɑ kun mɑɑ sɑ̃ɑ nɛn yɑ̃ku kowo tɔnwero. Nɡe mɛ ɑ nɛ, Yinni Gusunɔn woodɑbɑ duɑri, nɡe mɛyɑ kon mɑɑ wunɛn bibu duɑri.

Amɔsu 2:4

Nɛ, Yinni Gusunɔ nɑ nɛɛ, Yudɑbɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ nɛn woodɑbɑ yinɑ. Bɑ ǹ ye mɛm nɔɔwɛ. Mɑ bɑ bũnun weesu swĩi, ni ben bɑɑbɑbɑ bɑ rɑɑ swĩi. Mɑ nu derɑ bɑ ɡɛrɑ nɛn swɑɑn di.

Misee 1:2

Bɛɛ bwesenu kpuro, i swɑɑ dɑkio. Bɛɛ hɑnduniɑɡibu, i swɑɑ tem kpĩiyɔ i nɔ. Yinni Gusunɔ u koo nɑ sɑɑ win wɑ̃ɑ yee dɛɛrɑrun di u bɛɛ tɑɑrɛ wɛ̃.

Misee 6:2

Bɛɛ ɡuunu, i swɑɑ dɑkio. Bɛɛ tem kpɛɛkpɛɛku dɑmɡinu, nɛ, Yinni Gusunɔ nɑ nɛn tɔmbu tɑɑrɛ wɛ̃ɛmɔ. Nɑ kĩ n bu siribu soku.

Yohɑnu 12:48

Bɑɑwure wi u mɑn yinɑ, mɑ u ǹ nɛn ɡɑri wure, yɛ̃ro u mɔ ye n koo nùn tɑɑrɛ wɛ̃. Gɑri yi nɑ ɡeruɑ yiyɑ yi koo yɛ̃ro tɑɑrɛ wɛ̃ sɑnɑm dɑ̃ɑkim sɔɔ.

Gɔrobun Kookoosu 8:22

Yen sɔ̃, ɑ ɡɔ̃ru ɡɔsio wunɛn kom kɔ̃sum di, kpɑ ɑ Yinni kɑnɑ u nun wunɛn bwisiku kɔ̃sunu suuru kuɑ ǹ n koo koorɑ.

Sɔ̃ɔsiru 30:19

Wɔllu kɑ temɑ mu sɑ̃ɑ nɛn seedɑ ɡisɔ mɑ nɑ bɛɛ wɑ̃ɑru kɑ ɡɔɔ, kɑ mɑɑ domɑru kɑ bɔ̃ri yiiyɑmmɛ. Ǹ n mɛn nɑ, i wɑ̃ɑru ɡɔsio kpɑ i wɑ i n wɑ̃ɑ bɛɛ kɑ bɛɛn bibun bweserɔ.

Sɔ̃ɔsiru 32:1

Wɔllu, ɑ swɑɑ dɑkio ɑ nɛn ɡɑri nɔ. Tem, ɑ swɑɑ tem kpĩiyɔ ɑ nɛn nɔɔ nɔ.

Sɔ̃ɔsiru 4:26

Ì n torɑ ten bweseru kuɑ, nɑ bɛɛ sɔ̃ɔmɔ nɑ siremɔ ɡisɔ, wɔllu kɑ tem mu sɑ̃ɑ nɛn seedɑ mɑ i ko i ɡbiwɑ tem mɛ i ko i mwɑ mi sɔɔ Yuudɛnin ɡuru ɡiɔ. Bɛɛn wɑ̃ɑru tɑ ǹ dɑkɑɑ dɔɔ. Bɑ koo bɛɛ kpeerɑsiɑwɑ mɑm mɑm.

Sɑmuɛli I 15:23

Wi u ku rɑ Gusunɔ mɛm nɔɔwɛ u sɑ̃ɑwɑ tɑɑrɛɡii nɡe sɔro. Wi u ku rɑ nùn wiru kpĩiyɛ, u sɑ̃ɑwɑ nɡe bũu sɑ̃ɔ. Tɛ̃, yèn sɔ̃ ɑ Yinni Gusunɔn ɡere yinɑ, win tii u mɑɑ nun yinɑ, u nun bɑndu yɑrɑ.

Sɑmuɛli I 15:26

Mɑ Sɑmuɛli u nùn sɔ̃ɔwɑ u nɛɛ, nɑ ǹ mɑɑ kɑ nun wurɔ. Domi ɑ Yinni Gusunɔn ɡɑri yinɑ. Mɛyɑ u mɑɑ nun yinɑ, u nun bɑndu yɑrɑ.