Yeremi 6:12 - Bibeli Gusunɔn Gari

¹² Kpɑ ben yɛnusu su ko ɡɑbuɡisu kɑ ben ɡbeɑ kɑ ben kurɔbu. Domi kon tem mɛ kpuron tɔmbu nɛn dɑm sɔ̃ɔsi. Nɛ, Yinni Gusunɔwɑ nɑ yeni ɡeruɑ.

Yeremi 6:12 ပူးပေါင်းရင်းမြစ်များ

Bɑndun Gɑri I 21:16

Dɑfidi u nɔni seeyɑ u ɡɔrɑdo wi wɑ u wɑ̃ɑ wɔllu kɑ tem bɑɑ sɔɔ, u win tɑkobi sue Yerusɑlɛmun berɑ ɡiɑ. Yerɑ Dɑfidi kɑ win tɔmbun ɡuro ɡurobu bɑ sɑɑki dewɑ mɑ bɑ yiirɑ bɑ wuswɑɑ tem ɡirɑri nuku sɑnkirɑnun sɔ̃.

Esɑi 10:4

Bɑ koo ɡɑbu yoru mwɛɛri kpɑ bu ɡɑbu ɡo. Adɑmɑ kɑ mɛ, Yinni Gusunɔn mɔru kun suremɔ. U koo mɑɑ bu nɔmu doke u sɛɛyɑsiɑ.

Esɑi 5:25

Yen sɔ̃nɑ win mɔru yɑ wɔrimɔ be sɔɔ. U bu nɔmɑ dokemɔ u ɡoomɔ. Guunu diirumɔ. Mɑ tɔmbun ɡonu nu sweenɛ swɛɛ sɔɔ nɡe kubɑnu. Adɑmɑ kɑ mɛ, win mɔru kun sure, mɑ u bu nɔmɑ dokemɔ u sɛɛyɑsiɑmɔ.

Esɑi 9:12

Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

Esɑi 9:17

Domi nuku kɔ̃suru tɑ rɑ mɛniwɑ nɡe dɔ̃ɔ wi u rɑ yɑkɑsu kɑ sɑ̃ki mwɛ. Dɔ̃ɔ wi, u rɑ du u dɑ̃ɑ sɔ̃ɔ bɔkɔ mwɑ, kpɑ wiisu su se ɡe sɔɔn di.

Yeremi 15:6

Wee ɑ mɑn deri, mɑ ɑ biru wurɑ. Yen sɔ̃, kon nun nɔmɑ doke n nun kpeerɑsiɑ. Domi nɑ wɑsirɑ kɑ bɑɑdommɑn wɔnwɔn te nɑ nun kuɑmmɛ.

Yeremi 21:5

Kpɑ wi, Gusunɔn tii u kɑ be Yudɑbɑ sɑnnɑ kɑ mɔru u bu win dɑm sɔ̃ɔsi,

Yeremi 38:22

Nɑ wɑ bɑ wunɛ Yudɑn sinɑ bokon kurɔ be bɑ tie mwɛɛrɑ bɑ kɑ dɑ Bɑbilonin sunɔn tɑbu sinɑmbun mi. Mɑ kurɔ be, bɑ mɔ̀, wee, be bɑ rɑɑ nun ɡɑri sɔ̃ɔwɑ bɑ nɛɛ, kɑɑ n bɔri yɛndu mɔ mi, bɑ nun nɔni wɔ̃kuɑ mɑ bɑ nun kɑmiɑ. Ye bɑ deemɑ ɑ nummɔ pɔtɔkɔ sɔɔ, mɑ bɑ yɑrinɑ bɑ nun deri.

Yeremi 38:23

Wee bɑ koo wunɛn kurɔbu kɑ wunɛn bibu kpuro mwɛɛri bu kɑ dɑ Bɑbiloniɡibun mi. Wunɛn tii ɑ ǹ mɑɑ kisirɑmɔ ben nɔmɑn di. Ben sinɑ bokowɑ koo nun mwɑ kpɑ u wuu ɡe dɔ̃ɔ mɛni.

Yeremi 7:20

Yen sɔ̃nɑ nɑ nɛɛ, kon de nɛn mɔru yu wɔri nɛn sɑ̃ɑ yee te sɔɔ, kɑ tɔmbu sɔɔ, kɑ yɑɑ sɑbenu sɔɔ, kɑ dɑ̃ɑɔ kɑ sere mɑɑ dĩɑnu sɔɔ. Nɛn mɔru ye, yɑ ko n ɡbisimɔwɑ, yɑ ǹ suremɔ.

Yeremi 8:10

Yen sɔ̃nɑ nɛ, Yinni Gusunɔ, kon de yibɛrɛbɑ bu ben kurɔbu kɑ ben ɡbeɑ mwɛɛri. Domi sɑɑ ben bwɛ̃ɛbwɛ̃ɛbun di n kɑ ɡirɑri ben dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire kɑ tɑki. Nɛn sɔmɔbu kɑ yɑ̃ku kowobu, weesɑ bɑ rɑ n mɔ̀.

Swĩi 2:8

Yinni Gusunɔ u ɡɔ̃ru doke u Yerusɑlɛmun ɡbɑ̃rɑnu kɔsuku. Wee u nu kɔsukɑ kpuro mɑm mɑm. Yɑ kuɑ wɔnwɔndu bɑɑmɑ kpuro. Gbɑ̃rɑnu yiru ye kpuro yɑ kuɑ bɑnsu.

Swĩi 3:3

Nɛ turowɑ u nɔmɑ doke bururu kɑ yokɑ.

Swĩi 5:11

Bɑ tɔn kurɔbu kɑ wɔndiɑbɑ ɡɑbirimɔ Yudɑn tem kpuro sɔɔ kɑ sere Yerusɑlɛmuɔ.

Swĩi 5:2

Bɛsɛn tem mɛ ɑ sun wɛ̃ mu kuɑ ɡɑbuɡim. Tɔn tukobɑ bɑ wɑ̃ɑ bɛsɛn diɑɔ.

Swĩi 5:3

Bɛsɛn bɑɑbɑbɑ bɑ ɡu, mɑ bɛsɛn mɛrobu bɑ ɡɔminiru sɔ̃. Sɑ wɑ̃ɑ tundobu sɑri.

Esekiɛli 35:3

ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee kon tu wɔrimɑ. Kon tu nɛn nɔmu dɛmiɛ kpɑ n tu ko bɑnsu.

Esekiɛli 7:24

Kon bwesenu sokumɑ ni nu nuku kɔ̃suru bo, kpɑ nu bɛɛn yɛnusu mwɛɛri. Kon bɛɛn dɑmɡibun tii suɑbu kpeesiɑ. Kpɑ n de bu bɛɛn sɑ̃ɑ yenu disi doke.

Misee 2:4

Yen tɔ̃ɔ te, bɑ koo ɡɔɔ wurɑ yeni ko bu nɛɛ, wee! Bɑ bu ɡurɑ kpuro mɑm mɑm. Ben tɔmbu bɑ ǹ mɑɑ tem mɔ. Bɑ bu ɡirɑ ben ɡbeɑn di. Bɑ ye bɔnu kuɑ ben tii tiinɛ sɔɔ. Mbɑn sɔ̃nɑ bɑ bu ɡurɑ nɡe mɛ.

Sofoni 1:13

Bɑ koo ben ɑrumɑni ɡurɑ kpɑ ben yɛnusu su ko bɑnsu. Bɑ koo diɑ bɑni yè sɔɔ bɑ ǹ sinɑmɔ. Bɑ koo resɛm duure, ɑdɑmɑ bɑ ǹ yen tɑm nɔrumɔ.

Sofoni 1:4

Yinni Gusunɔ u mɑɑ nɛɛ, kon Yudɑbɑ kɑ Yerusɑlɛmuɡibu kpuro nɔmɑ doke. Kon bũu wi bɑ mɔ̀ Bɑɑlin sɑ̃ɑ yee ni nu tie kpeerɑsiɑ min di. Kon yen wiruɡibu kɑ yen yɑ̃ku kowobun yĩsɑ ɡo.