Yeremi 51:6 - Bibeli Gusunɔn Gari

⁶ I duki yɑrio Bɑbilonin di. Bɑɑwure u win wɑ̃ɑru wɔro, kpɑ u ku rɑɑ ɡbi Bɑbiloni ye sɔɔ, ye, ye yɑ koo ko bɑnsu mi. Domi Yinni Gusunɔn mɔrun tɔ̃rɑ tunumɑ. U koo Bɑbiloniɡibu ben kookoosun ɑre wɛ̃.

Yeremi 51:6 ပူးပေါင်းရင်းမြစ်များ

Womusu 94:1

Yinni Gusunɔ, wunɛ wi ɑ rɑ tɔnu mɔru kɔsie, ɑ wunɛn yiiko sɔ̃ɔsio.

Mɔnnu 13:20

Wi u rɑ bwisiɡii bere, u koo bwisi wɑ. Wi u rɑ n mɑɑ wɑ̃ɑ kɑ ɡɑri bɑkɑsu, u koo kɔ̃sɑ wɑ.

Esɑi 48:20

I yɑrio Bɑbilonin di i yen tɔmbu duki suurio. I nɑsɑrɑn womusu koowo, i kpɑrɑ hɑnduniɑn ɡoonu nnɛ sɔɔ i nɛɛ, wi, Yinni Gusunɔ u bɛɛ Yɑkɔbun bweseru yɑkiɑ, bɛɛ be i sɑ̃ɑ win sɔm kowobu.

Esɑi 63:4

Domi nɑ ɡɔ̃ru doke n kɑ mɔru kɔsiɑ. Tɔ̃rɑ mɑɑ turɑ n kɑ nɛn tɔmbu yɑkiɑ.

Yeremi 25:14

Domi bwese dɑmɡinu kɑ sinɑm dɑmɡibɑ koo bu yoru mwɛɛri. Nɡe mɛyɑ Gusunɔ u koo kɑ bu ben kɔ̃sɑ kɔsie ye bɑ rɑɑ kuɑ.

Yeremi 25:16

Bɑ̀ n wɑ mɑ u derɑ yibɛrɛbɑ bɑ bu wɔri bɑ ɡoomɔ, bɑ ko n bɑ̃ɑrimɔwɑ kpɑ bɑ n burisinɛ nɡe wiirobu.

Yeremi 27:7

Bwesenu kpuro nu koo wi kɑ win bibu, kɑ win debuminu sɑ̃. Adɑmɑ sɑɑ ɡɑɑ koo nɑ yè sɔɔ bwese dɑmɡinu ni nu sinɑm dɑmɡibu mɔ, nu koo rɑ win tii kɑ win temɡibu yoru mwɑ.

Yeremi 46:10

Adɑmɑ tɔ̃ɔ teni, tɑ ko n sɑ̃ɑwɑ Gusunɔ, wɔllu kɑ tem Yinniɡiru. Tɑ ko n sɑ̃ɑwɑ tè sɔɔ u win yibɛrɛbɑ mɔru kɔsiemɔ. Tɑkobi yɑ koo tɔmbu di, kpɑ yu yɛm debu. Tɔn dɑbi te yɑ koo ɡo, Gusunɔ wɔllu kɑ tem Yinnin sɔ̃, tɑ ko n kpĩ nɡe yɑ̃ku yɑɑ Efɑrɑtin dɑɑrun ɡoorɔ, sɔ̃ɔ yɛ̃sɑn nɔm ɡeu ɡiɑ.

Yeremi 48:6

Bɑ mɔ̀, i duki yɑkuro, i bɛɛn wɑ̃ɑru wɔrɑ, kpɑ i dɑ i n wɑ̃ɑ nɡe ɡbeeku kɛtɛkunu ɡbɑburɔ.

Yeremi 50:15

I tɑbun kuuki koowo bɑɑmɑ domi Bɑbilonin ɡɑni yi wɔrukɑ, yen ɡbɑ̃rɑrɑ subɑ. Wee yen tɔmbɑ nɔmɑ yiiye bɑ tii yibɛrɛbɑ wɛ̃. Nɛ, Yinni Gusunɔwɑ nɑ ye mɔru kɔsiemɔ, nɑ mɔ̀, i ye mɔru kɔsieyo. I ye kuo nɡe mɛ yɑ rɑɑ ɡɑbu kuɑ.

Yeremi 50:28

Yerɑ Isirelibɑ be bɑ kpikiru suumɑ bɑ nɑ Yerusɑlɛmuɔ bɑ mɔ̀, Yerusɑlɛmu, Yinni Gusunɔ u nun mɔru kɔsiɑ. U win sɑ̃ɑ yee dɛɛrɑru mɔru kɔsiɑ.

Yeremi 50:31

Nɛ, Gusunɔ, wɔllu kɑ tem Yinni, nɑ nɛɛ, wunɛ Bɑbiloni, wunɛ wi ɑ tii sue, nɑ kɑ nun mɔru sɑ̃ɑ. Wunɛn tɔ̃rɑ tunumɑ tè sɔɔ kon nun sɛɛyɑsiɑ.

Yeremi 50:8

Bɛɛ Isirelibɑ, i yɑrio i duki su Bɑbilonin di, nɡe boo ni nu ɡɔ̃ɔ ɡbiiye.

Yeremi 51:11

Yinni Gusunɔ u kĩ u Bɑbiloni kɑm koosiɑ, kpɑ u win sɑ̃ɑ yee dɛɛrɑru mɔru kɔsiɑ. Yen sɔ̃nɑ u Mɛdibɑn sinɑmbu dɑm kɛ̃mɔ bu kɑ ye wɔri. I bɛɛn sɛ̃ɛnun nɔsu sɔnwɔ, kpɑ i bɛɛn tɛrɛnu suɑ.

Yeremi 51:36

Wee ye Yinni Gusunɔ u ɡeruɑ Yerusɑlɛmuɡibun sɔ̃. U nɛɛ, wee, kon bɛɛ sɑnnɑ. Kon Bɑbilonin dɑɑnu kɑ yen bwii kpuro ɡberɑsiɑ.

Yeremi 51:45

Bɛɛ, nɛn tɔmbu Isirelibɑ, i yɑrio min di. Bɑɑwure u win wɑ̃ɑru wɔro nɛn mɔru bɑkɑ ye yɑ ween di.

Yeremi 51:50

Bɛɛ Isirelibɑ, bɛɛ be i kisirɑ ben nɔmɑn di, i ku mɑɑ yɔ̃rɑ mini. I doonɔ n tomɑ Bɑbilonin di. Sɑɑ min di, i Yinni Gusunɔ yɑɑyo kɑ bɛɛn wuu Yerusɑlɛmu.

Yeremi 51:56

Bɑ wee bu Bɑbiloniɡii be wɔri, kpɑ bu ben tɑbu kowo dɑmɡibu mwɛɛri bu ben tɛnnu bɔɔku. Domi Gusunɔ u sɑ̃ɑwɑ Yinni wi u rɑ bɑɑwure kɔsie ye u kuɑ.

Yeremi 51:9

Sɔɔ be bɑ wɑ̃ɑ mi, bɑ nɛɛ, sɑ Bɑbiloni tim kɑ̃, ɑdɑmɑ yɑ ǹ bɛkure. Su ye deri su ɡɔsirɑ bɛsɛn temɔ, domi yen sɛɛyɑsiɑ bi, bu kpɑ̃ sere bu nɔɔrɑ hɑnduniɑ kpuro sɔɔ.

Swĩi 3:64

Yinni Gusunɔ, nɑ yɛ̃ mɑ kɑɑ bu kɔsie nɡe mɛ ben kookoosu nɛ.

Gbɑburu 16:26

Sɑɑ yerɑ u Isirelibɑ sɔ̃ɔwɑ u nɛɛ, i tondo sɑɑ tɔn kɔ̃so ben kunun di. I ku mɑɑ ben ɡɑ̃ɑnu bɑbɑ. Ì n mɑɑ yinɑ i kuɑ mɛ, i ko i ɡbi ben torɑ nin sɔ̃.

Sɔ̃ɔsiru 32:25

Tɑbu koo bu ɡo swɛɛ sɔɔ kpɑ be bɑ wɑ̃ɑ yɛnusɔ bu bɛrum soorɑ. Aluwɑɑsibɑ kɑ wɔndiɑbɑ bɑ koo ɡbisuku, bɑɑ kɑ bii wɛ̃ɛnɔ kɑ tɔkɔnɔ bɑ ǹ derimɔ.

Sɔ̃ɔsiru 32:41

kon nɛn tɑkobi nɔɔ dɛ̃ɛri, kpɑ n tɔmbu siri. Kon nɛn yibɛrɛbɑ mɔru kɔsie kpɑ n bu sɛɛyɑsiɑ be, be bɑ mɑn tusɑ.

Sɔ̃ɔsiru 32:43

Bɛɛ bwese tukunu, i Yinni Gusunɔn tɔmbu tɔmɔ, domi u koo bu mɔru bɑrɑ, kpɑ u bu ben torɑnu suuru kuɑ u ben tem dɛɛrɑsiɑ.

Timɔte I 5:22

A ku mɑɑ sɛndɑ ɑ kɑ ɡoo nɔmɑ sɔndi. Mɛyɑ, ɑ ku mɑɑ de ɑ n bɔnu mɔ ɡɑbun torɑnu sɔɔ. A tii nɛnuɔ dɛɛrɑru sɔɔ.

Kɑ̃siru 16:19

Wuu bɔkɔ ɡe, ɡɑ kurɑnɑ wɑsi itɑ, mɑ tɔn tukobun wusu su wɔrukɑ. Gusunɔ u Bɑbiloni, wuu bɔkɔ ɡe yɑɑyɑ mɑ u ɡu win mɔru bɑkɑn nɔrɑn tɑm wɛ̃ ɡu nɔ.