Yeremi 51:48 - Bibeli Gusunɔn Gari

⁴⁸ Wɔllɔ kɑ temɔ kɑ yɑm kpuro, nuku dobun kuuki koo nɔɔrɑ Bɑbilonin sɔ̃. Domi yibɛrɛbɑ bɑ koo nɑ sɑɑ sɔ̃ɔ yɛ̃sɑn nɔm ɡeu ɡiɑn di, bu ye kpeerɑsiɑ.

Yeremi 51:48 ပူးပေါင်းရင်းမြစ်များ

Mɔnnu 11:10

Sɑnɑm mɛ ɡemɡibɑ kuurɑmɔ, wuuɡibu bɑ rɑ n nuku dobu mɔwɑ. Tɔn kɔ̃sobu bɑ̀ n mɑɑ biru wurɑ, bɑ rɑ n yɛ̃ɛrimɔwɑ.

Esɑi 44:23

Wɔllu, ɑ yɛ̃ɛrio ye Yinni Gusunɔ u kuɑn sɔ̃. Gɔribun wɑ̃ɑ yeru, ɑ ɡɔ̃ru doro. Bɛɛ ɡuunu i kuuki koowo kɑ nuku dobu. Bɛɛ mɑɑ dɑ̃ɑ sɔ̃su, i nuku dobu koowo. Domi Yinni Gusunɔ u win yiiko sɔ̃ɔsi Isireliɔ. U be, Yɑkɔbun bweseru yɑkiɑ.

Esɑi 48:20

I yɑrio Bɑbilonin di i yen tɔmbu duki suurio. I nɑsɑrɑn womusu koowo, i kpɑrɑ hɑnduniɑn ɡoonu nnɛ sɔɔ i nɛɛ, wi, Yinni Gusunɔ u bɛɛ Yɑkɔbun bweseru yɑkiɑ, bɛɛ be i sɑ̃ɑ win sɔm kowobu.

Esɑi 49:13

Wɔllu, ɑ yɛ̃ɛrio. Tem, ɑ nukuru doro. Bɛɛ mɑɑ ɡuunu, i dɛsiru kɑro. Domi Yinni Gusunɔ u win tɔmbu nukuru yɛmiɑsiɑmɔ. Be bɑ nɔni sɔ̃ɔre, u ben wɔnwɔndu mɔ.

Yeremi 50:3

Bweseru ɡɑrɑ ye wɔrim wee sɑɑ sɔ̃ɔ yɛ̃sɑn nɔm ɡeu ɡiɑn di. Tɑ koo tem mɛ ɡɔsiɑwɑ bɑnsu. Goo kun ko n mɑɑ wɑ̃ɑ mi. Tɔmbu kɑ yɛɛ kpuro koo yɑrinɑ min di.

Yeremi 50:41

Wee, bweseru ɡɑrɑ wee sɑɑ sɔ̃ɔ yɛ̃sɑn nɔm ɡeu ɡiɑn di. Bwese te, tɑ kpɑ̃. Ten sinɑmbu bɑ dɑm mɔ. Be wee, bɑ swɑɑ mɔ̀ bɑ wee sɑɑ tontonden di.

Yeremi 50:9

Domi wee, kon bwesenu seeyɑ wuu wuukɑ kpɑ n de nu Bɑbiloni wɔri. Bɑ koo nɑwɑ sɑɑ sɔ̃ɔ yɛ̃sɑn nɔm ɡeu ɡiɑn di, kpɑ bu ye tɑrusi bu mwɑ. Ben sɛ̃ɛnu nu ǹ kɑm wɔrimɔ. Bɑɑ ben tɑbu durɔ turo kun ɡɔsirɔ nɔm dirɑ.

Yeremi 51:56

Bɑ wee bu Bɑbiloniɡii be wɔri, kpɑ bu ben tɑbu kowo dɑmɡibu mwɛɛri bu ben tɛnnu bɔɔku. Domi Gusunɔ u sɑ̃ɑwɑ Yinni wi u rɑ bɑɑwure kɔsie ye u kuɑ.

Esekiɛli 35:14

Nɛ, Yinni Gusunɔ nɑ mɑɑ nɛɛ, sɑnɑm mɛ tem kpuro mu ko n wɑ̃ɑ nuku dobu sɔɔ, yen tem mu koo ko bɑnsu.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.