Yeremi 51:41 - Bibeli Gusunɔn Gari

⁴¹ Wee ye Yinni Gusunɔ u ɡeruɑ Bɑbilonin sɔ̃. U nɛɛ, ɑnnɑ ɑ wɑ mɑ Bɑbiloni, wuu bɔkɔ ɡe tɔmbɑ rɑɑ siɑrɑmɔ, yɑ wɔrumɑ. Wee, yɑ kuɑ bɑnsu bwesenu kpuron suunu sɔɔ.

Yeremi 51:41 ပူးပေါင်းရင်းမြစ်များ

Bɑndun Gɑri II 7:21

Be bɑ rɑɑ ten kpɑ̃ɑru yɛ̃ yellu, bɑ̀ n sɑrɔ mi, biti koo bu mwɑ kpɑ bu bikiɑ bu nɛɛ, mbɑn sɔ̃nɑ Yinni Gusunɔ u wuu ɡeni kɑ dii teni kuɑ mɛ.

Esɑi 13:19

Bɑbiloniwɑ sinɑmbu kpuro bɑ mɛɛrɑ wuu burɔ, mɑ yen tɔmbu bɑ tii sue. Adɑmɑ nɛ, Yinni Gusunɔ, kon ye kpeerɑsiɑ nɡe mɛ nɑ Sodomu kɑ Gomɔrɑ kuɑ.

Esɑi 14:4

Ù n kuɑ mɛ, womu ɡeniwɑ i ko i kɑ Bɑbilonin sinɑ boko yɛ̃ɛ i nɛɛ, wi u rɑɑ sun dɑm dɔremɔ, u ǹ mɑɑ wɑ̃ɑ. Dɑm dɔrebu kpɑ.

Yeremi 25:26

kɑ sinɑm be bɑ wɑ̃ɑ sɔ̃ɔ yɛ̃sɑn nɔm ɡeu ɡiɑ kpuro, be bɑ wɑ̃ɑ turuku kɑ be bɑ tomɑ. Bwese ni nu ɡesi wɑ̃ɑ hɑnduniɑ sɔɔ, ni kɑ nin sinɑmbu bɑ mɔru ye nɔrɑ mɑ Bɑbiloni ye bɑ mɑɑ mɔ̀ Sesɑki, yen sinɑ boko u ye dɑkurɑ.

Yeremi 49:25

Wuu ɡèn sɔ̃ nɑ rɑ n nuku dobu mɔ, mbɑn sɔ̃nɑ ɡen tɔmbu bɑ ǹ kpikiru suɑ. Wuu bɔkɔ ɡe, ɡe ɡɑ yĩsiru yɑrɑ mi, mbɑn sɔ̃nɑ ɡen tɔmbu bɑ ǹ ɡu deri.

Yeremi 50:23

Bɑbiloni ye yɑ hɑnduniɑ kpuro kɔsukɑ, nɡe mɑtɑlɑkɑ, yen tii wee, yɑ kɔsikirɑ, yɑ kuɑ bɑnsu bwesenu kpuron suunu sɔɔ.

Yeremi 50:46

Bɑbilonin kɑm koo bin wurenu sɔɔ, tem mu koo yĩiri, kpɑ wɔki bɑkɑnu nu se sɑɑ hɑnduniɑn bɑɑmɑ kpuron di.

Yeremi 51:37

Bɑbiloni koo kowɑ bɑnsu mi ɡbeeku bɔ̃nu nu ko n wɑ̃ɑ. Tɔnu kun ko n mɑɑ wɑ̃ɑ mi, kpɑ bu ye yɛ̃ɛ.

Esekiɛli 27:35

Be bɑ wɑ̃ɑ tem burenu sɔɔ bɑ nuki sɑnkire wunɛn sɔ̃. Mɑ ben sinɑmbu bɑ bɛrum soore bɑ wuswɑɑ burisinɛ.

Dɑniɛli 4:22

Bɑ koo nun ɡirɑ tɔmbun suunu sɔɔn di. Kpɑ ɑ n wɑ̃ɑ kɑ ɡbeeku yɛɛ sɑnnu. Kpɑ ɑ yɑkɑsu di nɡe nɑɑ, ɑ n dirum soore sere wɔ̃ɔ nɔɔbɑ yiru sere ɑ kɑ ɡiɑ mɑ Wɔrukoowɑ u bɑnnu kpuro nɛni. Wi u kĩwɑ u rɑ mɑɑ nu wɛ̃.

Dɑniɛli 4:30

Yɑnde ɡɑri yi, yi Nɛbukɑnɛsɑɑ deemɑ. Bɑ nùn ɡirɑ tɔmbun suunu sɔɔn di. Mɑ u yɑkɑsu dim wɔri nɡe nɑɑ u dirum soore. Mɑ win seri dɛnyɑ nɡe ɡunɔ bɑkerun sɑnsu. Mɑ win nii kɔkɔsu su dɛnyɑ nɡe ɡunɔɡisu.

Sɔ̃ɔsiru 28:37

Bwesenu kpuro nìn mi Yinni Gusunɔ u koo de i dɑ, nu ko n biti sɑ̃ɑwɑ ye yɑ bɛɛ deemɑ min sɔ̃. Sɑɑ yerɑ bɑ koo bɛɛ funɛ wunɑ kpɑ bu bɛɛ yɑɑkoru ko.