Yeremi 51:3 - Bibeli Gusunɔn Gari

³ Tɛn towobu bu wuu ɡen tɔmbu tweeyo. Bu yɛ̃ro tweeyo wi u win tɑrɑkpe nɑɑnɛ sɑ̃ɑ. Bu ku ɡen ɑluwɑɑsibɑ deri. Bu ɡen tɑbu kowobu kpuro ɡoowo.

Yeremi 51:3 ပူးပေါင်းရင်းမြစ်များ

Womusu 137:9

Doo nɔɔruɡiiwɑ wi u koo bɛɛn bibu sɛ̃re u kɔsuku kperu wɔllɔ.

Yeremi 46:4

I bɛɛn tɑbu kɛkɛ be dumi ɡɑwe sɔɔru koowo. Bɛɛ mɑɑsɔbu, i bɛɛn dumi yɔɔwo, kpɑ i bɛɛn tɑbu furɔsu doke. I bɛɛn yɑɑsi sunkuo yi bɑlli, kpɑ i bɛɛn tɑrɑkpenu sebe.

Yeremi 50:14

Bɛɛ be i rɑ tɛndu to, i nɑ i Bɑbiloni tɑrusi. I ye sɛ̃ɛnu tweeyo. I ku yen wɔnwɔndu ko. Domi yɑ nɛ, Yinni Gusunɔ torɑri.

Yeremi 50:21

Yinni Gusunɔ u nɛɛ, i Mɛrɑtɑimuɡibu kɑ Pekodiɡibu wɔrio. I bu ɡoowo i kɑm koosiɑ mɑm mɑm. I nɛn woodɑbɑ kpuro yibio.

Yeremi 50:27

I ben tɑbu durɔ dɑmɡibu ɡoowo. I bu sɑkirio nɡe yɑɑ sɑbenu. Bɑ kɑm kuɑ, domi ben tɔ̃rɑ tunumɑ, tè sɔɔ bɑ koo bu sɛɛyɑsiɑ.

Yeremi 51:53

Bɑɑ Bɑbiloniɡibu bɑ̀ n seewɑ bɑ dɑ wɔllɔ, bɑɑ bɑ̀ n ben ɡbɑ̃rɑnun dɑm sosi sere ɡoo kun kpɛ̃ u dɑ mi, kɑ mɛ, u koo de yibɛrɛbɑ bu bu wɔri bu kɑm koosiɑ.

Yeremi 9:21

Yinni Gusunɔ u nɛɛ, tɔmbɑ koo wɔruku bu ɡbisuku, kpɑ ben ɡonu nu n tɛrie yɑkɑsɔ nɡe nɑɑ bisu, ǹ kun mɛ nɡe dobi yi yi ɡeɑ yinɑ bɑ deri ɡberɔ. Bɑ ǹ mɑɑ yi suɑmɔ.

Sɔ̃ɔsiru 32:25

Tɑbu koo bu ɡo swɛɛ sɔɔ kpɑ be bɑ wɑ̃ɑ yɛnusɔ bu bɛrum soorɑ. Aluwɑɑsibɑ kɑ wɔndiɑbɑ bɑ koo ɡbisuku, bɑɑ kɑ bii wɛ̃ɛnɔ kɑ tɔkɔnɔ bɑ ǹ derimɔ.

Yɑkɔbu 2:13

Domi wi u kun wɔnwɔndu mɔ, wɔnwɔndu sɑriru sɔɔrɑ bɑ koo yɛ̃ro siri, ɑdɑmɑ wɔnwɔndɑ tɑ koo kpĩ tu woo kɑnɑ siribun wuswɑɑɔ.