Yeremi 51:29 - Bibeli Gusunɔn Gari

²⁹ Wee tem mu yĩirimɔ. Yinni Gusunɔn himbɑ yɑ koo koorɑ Bɑbiloni sɔɔ. U koo de yu ko bɑnsu.

Yeremi 51:29 ပူးပေါင်းရင်းမြစ်များ

Esɑi 14:16

Be bɑ nun wɑ kpɑ bɑ n nun mɛɛrɑ tii kɑ lɑɑkɑri bɑ n mɔ̀, n ǹ durɔ wiyɑ mi, wi u rɑ rɑɑ de tɔmbu bu burisinɑ? Kpɑ u bɑndu suriri?

Esɑi 24:20

Mu ko n bɑ̃ɑrimɔ nɡe tɑm nɔro, kpɑ mu n yĩirumɔ nɡe kuu te woo ɡɑ sweemɔ. Mɛn durum yɑ ko n mu buniɛ, kpɑ mu wɔrumɑ mu kpɑnɑ mu se.

Yeremi 10:10

Adɑmɑ wunɛ Yinni Gusunɔ, ɑ sɑ̃ɑwɑ Yinni, wunɑ n weenɛ bu sɑ̃. A wɑ̃ɑwɑ. Kɑɑ n mɑɑ bɑndu diiwɑ sere kɑ bɑɑdommɑɔ. Wunɛn mɔru yɑ̀ n seewɑ, tem mu rɑ yĩiriwɑ, kpɑ bwesenu kpuro nu kpɑnɑ nu yɔ̃rɑ wunɛn wuswɑɑɔ.

Yeremi 50:13

Yinni Gusunɔn mɔrun sɑɑbu, mu kuɑ bɑnsu. Be bɑ koo sɑrɑ Bɑbilonin tem mi, biti koo bu mwɑ kpɑ bu wiɑ ko.

Yeremi 50:36

I ben sɔmɔ tii suo be tɑbu wɔrio kpɑ bu ɡɔsirɑ wiirobu. I ben tɑbu durɔ dɑmɡibu wɔrio kpɑ bu nɑndɑ.

Yeremi 50:43

Ye Bɑbilonin sinɑ boko u lɑbɑɑri ye nuɑ, yerɑ win ɡɔmɑ dwiiyɑ. Bɛrum kɑ wuriribu nùn mwɑ nɡe tɔn kurɔ wi u yiire u kĩ u mɑ.

Yeremi 50:45

Yen sɔ̃, i swɑɑ dɑkio i nɔ himbɑ ye nɑ yi Bɑbiloni kɑ yen tɔmbun sɔ̃. Nɑ nɛɛ, kɑm kɑm kon de bu be kpuro ɡurɑ nɡe yɑ̃ɑnu bu kɑ dɑ tem tukumɔ. Bɑ koo ben wɑ̃ɑ yeru kpuro kɑm koosiɑwɑ.

Yeremi 50:46

Bɑbilonin kɑm koo bin wurenu sɔɔ, tem mu koo yĩiri, kpɑ wɔki bɑkɑnu nu se sɑɑ hɑnduniɑn bɑɑmɑ kpuron di.

Yeremi 51:26

Bɑɑ wunɛn kperu ɡɑru, bɑ ǹ mɑɑ suɑmɔ bu kɑ dirun koru swĩi. Kɑɑ kowɑ bɑnsu sere kɑ bɑɑdommɑɔ. Nɛ, Yinni Gusunɔwɑ nɑ yeni ɡeruɑ.

Yeremi 51:28

I bwesenu kpuro sɔɔru koosio n mɑm nɛɛre Mɛdibɑn sinɑmbu kɑ ben berɑ kɑ berɑn wiruɡibu kɑ sere tɔn be bɑ wɑ̃ɑ ben tem sɔɔ kpuro.

Yeremi 51:37

Bɑbiloni koo kowɑ bɑnsu mi ɡbeeku bɔ̃nu nu ko n wɑ̃ɑ. Tɔnu kun ko n mɑɑ wɑ̃ɑ mi, kpɑ bu ye yɛ̃ɛ.

Yeremi 51:43

Yen bɑru kpɑɑnu nu kuɑ bɑnsu, mɑ tem mu ɡberɑ mu kuɑ tem sɑɑrɑm. Goo kun mɑɑ wɑ̃ɑ mi. Goo ku rɑ mɑɑ sɑre mi.

Yeremi 8:16

Wee sɑ yibɛrɛbɑn dumin wɔkinu nɔɔmɔ Dɑnun berɑ ɡiɑ. Mɑ yi wuri mɔ̀, yi tem kpuro nɛni mu diirimɔ. Yibɛrɛ be, bɑ dĩɑnu ɡurɑmɔ bɑ ɡbeɑ mwɑɑmɔ, kɑ sere Yerusɑlɛmu kɑ yen tɔmbu.

Yoɛli 2:10

Mi yi duɑ, tem mu rɑ diiriwɑ, kpɑ n sɑ̃ɑre wɔllɑ koo wɔrumɑ, kpɑ suru kɑ sɔ̃ɔ yɑm tĩrɑ, kpɑ kperin bɑllibu kpe.

Amɔsu 8:8

Bɛɛn tem mu koo yĩiri, kpɑ bɛɛ nɛn tɔmbu i n ɡɔɔ wooru sɔ̃. Tem mɛ kpuro mu koo kuke kpɑ mu sure nɡe Eɡibitin dɑɑrun nim.

Kɑ̃siru 18:2

U nɔɔɡiru suɑ u nɛɛ, yɑ wɔrumɑ, Bɑbiloni bɑkɑ ye, yɑ wɔrumɑ. Yɑ tɛ̃ kuɑ Setɑm bwɑ̃ɑbun wɑ̃ɑ yeru kɑ wɛrɛku kɔ̃su bɑɑɡeren kuku yeru kɑ ɡunɔ bɔrɔnuɡisu kɑ si su ɡɔbun wɑ̃ɑ yeru.