Yeremi 51:24 - Bibeli Gusunɔn Gari

²⁴ Adɑmɑ nɛ, Yinni Gusunɔ nɑ nɛɛ, kon wunɛ Bɑbiloni kɑ wunɛn tem tɔmbu kɔsie wunɛn nɔni biru kɔ̃sɑ ye i kuɑ Siɔniɔ.

Yeremi 51:24 ပူးပေါင်းရင်းမြစ်များ

Womusu 79:10

Mbɑn sɔ̃nɑ kɑɑ de bwesenu nu n mɔ̀, mɑnɑ bɛsɛn Yinni u wɑ̃ɑ. A be bɑ wunɛn tɔmbun yɛm yɑri mɔru kɔsieyo bwesenun suunu sɔɔ bɛsɛn wuswɑɑɔ.

Esɑi 48:14

Bɛɛ kpuro i mɛnnɑmɑ, kpɑ i mɑn swɑɑ dɑki. Nɑ ɡoo mɔ wi nɑ kĩ. Wiyɑ u koo nɛn kĩru ko u Bɑbiloni wɔri. Kpɑ u nɔmɑ dɛmiɑ u yen tɔmbu nɛn dɑm sɔ̃ɔsi. Bɛɛn ɡoo kun yen ɡɑri ɡerure.

Esɑi 61:2

N kpɑrɑ sɑɑ ye Yinni Gusunɔ u koo tɔmbu durom kuɑ, n ɡere sɑɑ ye u koo win yibɛrɛbɑ mɔru kɔsie, kpɑ n mɑɑ be bɑ ɡɔɔ sɔ̃ kpuro nukuru yɛmiɑsiɑ.

Esɑi 66:6

I mɑɑ nɔɔ dɑmɡuu swɑɑ dɑkio ɡe ɡɑ nɔɔrɑmɔ wuuɔ. Yinni Gusunɔn nɔɔwɑ ɡɑ nɑɑmɔ sɑ̃ɑ yerun di. U win yibɛrɛbɑ ben ɑre kɔsiɑmɔ.

Yeremi 25:14

Domi bwese dɑmɡinu kɑ sinɑm dɑmɡibɑ koo bu yoru mwɛɛri. Nɡe mɛyɑ Gusunɔ u koo kɑ bu ben kɔ̃sɑ kɔsie ye bɑ rɑɑ kuɑ.

Yeremi 50:10

Bɑbiloniɡibu bɑ ǹ kisirɑmɔ kɑm koo bin di. Be bɑ koo ben yɑ̃nu ɡurɑ kpuro, bɑ koo nu ɡurɑwɑ kɑ nuku tiɑ. Nɛ, Yinni Gusunɔwɑ nɑ yeni ɡeruɑ.

Yeremi 50:15

I tɑbun kuuki koowo bɑɑmɑ domi Bɑbilonin ɡɑni yi wɔrukɑ, yen ɡbɑ̃rɑrɑ subɑ. Wee yen tɔmbɑ nɔmɑ yiiye bɑ tii yibɛrɛbɑ wɛ̃. Nɛ, Yinni Gusunɔwɑ nɑ ye mɔru kɔsiemɔ, nɑ mɔ̀, i ye mɔru kɔsieyo. I ye kuo nɡe mɛ yɑ rɑɑ ɡɑbu kuɑ.

Yeremi 51:11

Yinni Gusunɔ u kĩ u Bɑbiloni kɑm koosiɑ, kpɑ u win sɑ̃ɑ yee dɛɛrɑru mɔru kɔsiɑ. Yen sɔ̃nɑ u Mɛdibɑn sinɑmbu dɑm kɛ̃mɔ bu kɑ ye wɔri. I bɛɛn sɛ̃ɛnun nɔsu sɔnwɔ, kpɑ i bɛɛn tɛrɛnu suɑ.

Yeremi 51:23

Wunɑ nɑ mɑɑ dendɑ nɑ kɑ yɑ̃ɑ kpɑrobu kɑ ben yɑ̃ɑnu kɔsukɑ kɑ ɡbɑɑ wukobu kɑ ben nɑɑ wukubɑ kɑ sinɑmbu kɑ ben sinɑ ɑsɑkpɔbu.

Yeremi 51:35

Yen sɔ̃, Bɑbiloniɡii be, bu nɔni sɔ̃ɔro dɑm mɛ bɑ mɑn dɔren sɔ̃, kpɑ yɛm mɛ bɑ yɑri mi, mu wɔri ben wiru wɔllɔ.

Yeremi 51:49

Yen tɔmbɑ tɔn dɑbinu ɡo hɑnduniɑ kpuro sɔɔ. Tɛ̃ yen tiin sɑɑ yɑ tunumɑ yu kɑ wɔrumɑ. Domi bɑ Isirelibɑ dɑbinu ɡo.

Yeremi 51:56

Bɑ wee bu Bɑbiloniɡii be wɔri, kpɑ bu ben tɑbu kowo dɑmɡibu mwɛɛri bu ben tɛnnu bɔɔku. Domi Gusunɔ u sɑ̃ɑwɑ Yinni wi u rɑ bɑɑwure kɔsie ye u kuɑ.

Swĩi 3:64

Yinni Gusunɔ, nɑ yɛ̃ mɑ kɑɑ bu kɔsie nɡe mɛ ben kookoosu nɛ.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.

Kɑ̃siru 18:24

Bɑ mɑɑ Gusunɔn sɔmɔbun yɛm kɑ nɑɑnɛ dokeobuɡum wɑ wunɛ sɔɔ kɑ be kpuron yɛm ɡesi be bɑ ɡo hɑnduniɑ kpuro sɔɔ.

Kɑ̃siru 6:10

Tɔmbun hunde beyɑ bɑ ɡbɑ̃rɑ bɑ nɛɛ, Yinni dɛɛro, ɡemɡii, sere sɑɑ yerɑ̀ ɑ mɑrɑ ɑ kɑ hɑnduniɑn tɔmbu siri kpɑ ɑ bu sɛɛyɑsiɑ yèn sɔ̃ bɑ sun ɡo.