Yeremi 51:22 - Bibeli Gusunɔn Gari

²² kɑ durɔbu kɑ kurɔbu, tɔkɔnu kɑ bibu, ɑluwɑɑsibɑ kɑ wɔndiɑbɑ.

Yeremi 51:22 ပူးပေါင်းရင်းမြစ်များ

Bɑndun Gɑri II 36:17

Yerɑ Yinni Gusunɔ u derɑ Nɛbukɑnɛsɑɑ, Bɑbilonin sinɑ boko u bu tɑbu wɔri, mɑ u ben ɑluwɑɑsibɑ tɑkobinu sɔkurɑ u ɡo ben sɑ̃ɑ yerɔ. U ǹ ɡoo deri, ɑluwɑɑsibɑ kɑ wɔndiɑbɑ kɑ durɔ tɔkɔnu. Be kpurowɑ Yinni Gusunɔ u bɛri win nɔmɑɔ.

Esɑi 13:15

Ben wi bɑ nɔmɑ turɑ kpuro wuu ɡe sɔɔ, bɑ koo nùn tweewɑ bu ɡo. Wi bɑ mɑɑ nɑɑ ɡirɑ bɑ mwɑ, bɑ koo nùn ɡowɑ kɑ tɑkobi.

Esɑi 13:16

Bɑ koo ɑrumɑni ɡurɑ ben yɛnusɔ bu ben bibu munku ben wuswɑɑɔ. Kpɑ bu kɑ ben kurɔbu kpunɑ kɑ dɑm.

Esɑi 13:18

Bɑ koo ɑluwɑɑsibɑ tweewɑ bu ɡo. Mɛyɑ bɑ ǹ bii wɛ̃ɛnu buremɔ. Bɑ ǹ mɑɑ bibun wɔnwɔndu mɔ̀.

Esɑi 20:4

Asirin sinɑ boko u koo Eɡibitiɡibu kɑ Etiopiɡibun ɑluwɑɑsibɑ kɑ ben durɔ tɔkɔnu yoru mwɛɛri kpɑ bu yɔ̃rɑ bɑsi bɑ n sĩimɔ kɑ nɑɑ dirisu, kpɑ yu ko seku bɑkɑru Eɡibitiɔ.

Yeremi 44:7

Yen sɔ̃ tɛ̃, ɑmɛniwɑ nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ ɡeruɑ. Nɑ nɛɛ, mbɑn sɔ̃nɑ i tii durum bɑkɑ yeni sɔbimɔ ye i kɑ derɑ bɑ kurɔbu kɑ durɔbu kɑ bibu kɑ bii wɛ̃ɛnu ɡo sere ɡoo kun mɑɑ tie.

Yeremi 50:37

I ben dumi kɑ ben tɑbu kɛkɛ yi dumi ɡɑwe tɑbu wɔrio. I tɔn be bɑ kɑnɑ bɑ bu somimɔ tɑbu sɔɔ, tɑbu wɔrio, kpɑ bu bɛrum soorɑ nɡe tɔn kurɔbu. I ben dukiɑ wɔrio i ɡurɑ.

Yeremi 51:23

Wunɑ nɑ mɑɑ dendɑ nɑ kɑ yɑ̃ɑ kpɑrobu kɑ ben yɑ̃ɑnu kɔsukɑ kɑ ɡbɑɑ wukobu kɑ ben nɑɑ wukubɑ kɑ sinɑmbu kɑ ben sinɑ ɑsɑkpɔbu.

Yeremi 6:11

Yinni Gusunɔ, wee, nɑ kɑ tɔn be mɔru mɔ̀ wunɛn sɔ̃. Nɑ kpɑnɑ n tii nɛnɛ. Mɑ Yinni Gusunɔ u nɛɛ, ɑ de mɔru ye ɑ mɑn kuɑmmɛ mi, yu wɔri bibu sɔɔ be bɑ dweemɔ dɑ̃ɑ sɑɑnɔ, kɑ sere mɑɑ ɑluwɑɑsibɑn wuunu sɔɔ. Domi kurɔbu kɑ durɔbu kɑ tɔkɔnu, kpurowɑ bɑ koo ɡurɑ bu kɑ doonɑ.

Swĩi 2:11

Nɛn nɔni yɑndɑmɔ wurin sɔ̃. Nɛn wɑsi ɡbisimɔ mɑ nɛn tororɑ kɑre. Domi nɛn tɔmbɑ kɑm kuɑ. Wee, bii wɛ̃ɛnu kɑ bibu bɑ wɑ̃ɑ Yerusɑlɛmun swɛɛ sɔɔ, bɑ ǹ mɑɑ dɑm mɔ.

Swĩi 2:21

Wee bukurobu kɑ bibun ɡonu nu kpĩ swɛɛ sɔɔ. Bɑ nɛn wɔndiɑbɑ kɑ ɑluwɑɑsibɑ ɡo tɑbu sɔɔ. A derɑ bɑ bu sɑkirɑ wɔnwɔndu sɑri, wunɛn mɔrun sɑɑ.

Esekiɛli 9:6

I bu ɡoowo mɑm mɑm tɔkɔnu kɑ ɑluwɑɑsibɑ kɑ wɔndiɑbɑ kɑ tɔn kurɔbu kɑ bibu. Adɑmɑ i ku be bɑ yĩreru koosi mi bɑbɑ. I toruo sɑɑ nɛn sɑ̃ɑ yerun di. Mɑ bɑ toruɑ kɑ Isirelibɑn ɡuro ɡurobu be bɑ wɑ̃ɑ dii ten kɔnnɔwɔ.

Sɔ̃ɔsiru 32:25

Tɑbu koo bu ɡo swɛɛ sɔɔ kpɑ be bɑ wɑ̃ɑ yɛnusɔ bu bɛrum soorɑ. Aluwɑɑsibɑ kɑ wɔndiɑbɑ bɑ koo ɡbisuku, bɑɑ kɑ bii wɛ̃ɛnɔ kɑ tɔkɔnɔ bɑ ǹ derimɔ.

Sɑmuɛli I 15:3

Yen sɔ̃, ɑ doo ɑ bu wɔri kpɑ ɑ ye bɑ mɔ kpuro kpeerɑsiɑ mɑm mɑm. A ku de bu tiɑrɑ. A bu ɡoowo kpuro tɔn durɔbu kɑ tɔn kurɔbu kɑ bibu sere kɑ bii wɛ̃ɛnɔ, kɑ mɑɑ ben yɑɑ sɑbenu.