Yeremi 51:20 - Bibeli Gusunɔn Gari

²⁰ Yinni Gusunɔ u nɛɛ, Bɑbiloni, ɑ rɑɑ sɑ̃ɑwɑ nɡe nɛn mɑtɑlɑkɑ bɑkɑ tɑbu sɔɔ. Wunɑ nɑ dendɑ nɑ kɑ bwese dɑbinu kɔsukɑ, mɑ nɑ nin bɑnnu sururɑ.

Yeremi 51:20 ပူးပေါင်းရင်းမြစ်များ

Esɑi 10:15

ɡbɑ̃ɑ, yɑ rɑ tii bɛɛrɛ wɛ̃ wi u kɑ ye sɔmburu mɔ̀n wuswɑɑɔ? Sii, yɑ rɑ tii sue wi u kɑ ye sɔmburu mɔ̀n wuswɑɑɔ? Asirin sinɑ boko wi, u sɑ̃ɑ nɡe dɛkɑ ye tɔnu u suɑ mɑ yɑ nùn sĩikiɑmɔ, ǹ kun mɛ bokuru te tɔnu u nɛni, mɑ tɑ nùn fĩɑmɔ.

Esɑi 10:5

Yinni Gusunɔ u nɛɛ, bɔ̃rurobɑ bɛɛ Asiriɡibu. Kon bɛɛ kowɑ nɡe nɛn bokuru te kon kɑ Isirelibɑ sɛɛyɑsiɑ nɛn mɔru yɑ̀ n seewɑ.

Esɑi 13:5

Be wee bɑ wee sɑnnu sɑɑ mi n tomɑn di bu kɑ tem mɛ kɑm koosiɑ, win mɔrun sɑɑbu.

Esɑi 37:26

Adɑmɑ Sɑnkeribu u ǹ yɛ̃ mɑ wi, Yinni Gusunɔn tiiwɑ u yenibɑn himbɑ yi sɑɑ yellun di? Wee tɛ̃ himbɑ ye, yɑ koorɑ, mɑ wi, Asirin sinɑ boko u wuu si su dɑm mɔ bɑnsu koosiɑ.

Esɑi 45:1

Yinni Gusunɔ u Sirusi ɡɔsɑ u nùn nɛni kɑ win dɑm. U koo bwesenu kpuro tɑɑre win wuswɑɑɔ, kpɑ u sinɑmbun dɑm wunɑ. U koo nùn wusun kɔnnɔsu wukiɑ su n kɛniɑre. U nùn sɔ̃ɔwɑ u nɛɛ,

Esɑi 8:9

Bɛɛ bwese ni nu tie, bɛɛ be i wɑ̃ɑ n tomɑ, i swɑɑ dɑkio. Bɑɑ ì n mɛnnɑ sɑnsɑniɔ i tɑbun kuuki kuɑ, bɑ koo bɛɛ kɔsukuwɑ. Bɑɑ ì n tɑbun sɔɔru kuɑ, kɑ mɛ, bɑ koo bɛɛ kɑmiɑ.

Yeremi 25:11

Tem mɛ kpuro mu koo kowɑ bɑnsu, kpɑ bɛɛ, win tɔmbu, i Bɑbilonin sinɑ boko yoru diiyɑ wɔ̃ɔ wɑtɑ kɑ wɔkuru.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 50:23

Bɑbiloni ye yɑ hɑnduniɑ kpuro kɔsukɑ, nɡe mɑtɑlɑkɑ, yen tii wee, yɑ kɔsikirɑ, yɑ kuɑ bɑnsu bwesenu kpuron suunu sɔɔ.

Esekiɛli 21:11

Yen sɔ̃, wunɛ tɔnun bii, ɑ yɑ̃ɑro ɑ weeweenu ko nɡe wìn ɡɑbu ɡɑ bɔɔrɑ.

Esekiɛli 21:31

Bɑ koo wunɛn sinɑ furɔ potɑ. Gɑ̃ɑnu koo kɔsi. Be bɑ tii kɑwe bɑ koo wɔlle suɑrɑ. Kpɑ be bɑ tii sue bu wɔrumɑ.

Misee 4:12

Adɑmɑ tɔn be, bɑ ǹ yɛ̃ himbɑ ye Yinni Gusunɔ u yi win tɔmbun sɔ̃. Bɑ ǹ win bwisikunu yɛ̃. U kĩ u bu mɛnnɑ nɡe ɑlikɑmɑ ye bɑ subɑ mi bɑ rɑ ye so.

Misee 4:13

Yinni Gusunɔ u nɛɛ, bɛɛ Yerusɑlɛmuɡibu, i seewo i bɛɛn yibɛrɛbɑ so nɡe ɑlikɑmɑ. Kon de i n dɑm mɔ nɡe kɛtɛn kɔbɑ ye yɑ dɑm mɔ nɡe sisu. Mɑ yen nɑɑ konnu nu dɑm mɔ nɡe sii ɡɑndu. I ko i bwese dɑbinu munkuwɑ. Kpɑ i ben ɑrumɑni ɡeɑ mwɑ i nɛ Gusunɔ tem kpuron Yinni yiiyɑ.

Nɑhumu 2:1

Bɛɛ Yudɑbɑ, wee ɡoo u nɑ ɡuunu wɔllɔ u bɔri yɛndun lɑbɑɑri ɡeɑ kpɑrɑmɔ. Yen sɔ̃, i bɛɛn tɔ̃ɔ bɑkɑ ni i rɑ rɑɑ di Yinni Gusunɔn sɔ̃ dio. I bɛɛn nɔɔ mwɛɛnu yibio. Domi tɔn kɔ̃so wi, u ǹ mɑɑ wee bɛɛn suunu sɔɔ. Nɑ nùn kpeerɑsiɑwɑ mɑm mɑm.

Sɑkɑri 10:4

Ben min diyɑ sinɑmbu bɑ koo yɑri. Kpɑ bɑ n dɑm mɔ nɡe ɡɑni ɡɔmburun kperu, ǹ kun mɛ nɡe kuu bekuruɡirun ɡbere, ǹ kun mɛ nɡe tɛn te bɑ rɑ kɑ tɑbu de.

Mɑteu 22:7

Sunɔ wi, u mɔru bɛsirɑ u win tɑbu kowobu ɡɔrɑ bu kɑ tɔn ɡowo be ɡo kpɑ bu ben wuu dɔ̃ɔ sɔku.