Yeremi 51:12 - Bibeli Gusunɔn Gari

¹² I yĩreru koowo kpɑ i Bɑbiloni wɔri. Wuun kɔ̃sobu, bu wureo bu yɔ̃rɔ sɔmɛ ben kɔ̃su yerɔ. I Bɑbiloni yɔɔru bwɛ̃ɛyɔ. Domi ye Yinni Gusunɔ u yɔ̃rɑri u ko ye sɔɔ, u koo ye kowɑ.

Yeremi 51:12 ပူးပေါင်းရင်းမြစ်များ

Mɔnnu 21:30

Tɔnun bwisi kɑ win lɑɑkɑri kɑ win bwisikunu, yen ɡɑɑ kun kpɛ̃ yu Gusunɔn himbɑ sĩiyɑ.

Esɑi 11:12

U koo ɡidi bɔrɑ ɡirɑ u kɑ sɔ̃ɔsi mɑ u koo Isirelibɑ mɛnnɑ be bɑ rɑɑ yoru mwɛɛrɑ, kpɑ u Yudɑ be bɑ rɑɑ yɑrinɛ hɑnduniɑn ɡoonu nnɛ sɔɔ mɛnnɑ.

Esɑi 13:2

U nɛɛ, i ɡidi bɔrɑ yɔ̃rɑsio ɡuuru wɔllɔ mi ɡɑ̃ɑnu sɑri. I tɑbu kowobu nɔɔɡiru sueyo, kpɑ i bu yĩreru kuɑ kɑ nɔmɑ, kpɑ bu duki nɑ bu du Bɑbilonin kɔnnɔsun di.

Yeremi 23:20

Win mɔru ye, yɑ ǹ suremɔ, mɑ n kun mɔ u win himbɑ yibiɑ. Amɛn biru, yɑ koo bɛɛ nɛn tɔmbu yeeri.

Yeremi 4:28

Yen sɔ̃, tem mu ko n ɡɔɔ wooru sɔ̃, kpɑ wɔllu tu yɑm tĩrɑ. Domi u himbɑ yi kɔ, u ǹ mɑɑ biru wurɔ.

Yeremi 50:2

i bwesenu lɑbɑɑri yeni nɔɔsio. I yĩrenu koowo nu kɑ ye ɡiɑ. I ye kpɑro i nɛɛ, Bɑbiloni yɑ wɔrumɑ. Yen bũnu nu sekuru suɑ. Bũu ni bɑ mɔ̀ Bɛli kɑ Mɛrodɑki nu wɑ̃ɑ sekuru sɔɔ. Nin bwɑ̃ɑrokunu nu bɛrum soorɑ.

Yeremi 50:25

Mɑ nɑ nɛn tɑbu yɑ̃nun beru yeru wukiɑ. Mɑ nɑ nɛn mɔru sɔ̃ɔsi kɑ tɑbu yɑ̃ɑ ni. Domi nɛ Gusunɔ, wɔllu kɑ tem Yinni, nɑ sɔmburu mɔ te kon ko Bɑbiloniɔ.

Yeremi 51:11

Yinni Gusunɔ u kĩ u Bɑbiloni kɑm koosiɑ, kpɑ u win sɑ̃ɑ yee dɛɛrɑru mɔru kɔsiɑ. Yen sɔ̃nɑ u Mɛdibɑn sinɑmbu dɑm kɛ̃mɔ bu kɑ ye wɔri. I bɛɛn sɛ̃ɛnun nɔsu sɔnwɔ, kpɑ i bɛɛn tɛrɛnu suɑ.

Yeremi 51:27

I tɑbun ɡidi bɔrɑ yɔ̃rɑsio i Bɑbiloni wɔri. I kɔbɑ soowo kpɑ bwesenu nu mɛnnɑ. I nu sɔɔru koosio. I sinɑm be bɑ wɑ̃ɑ Arɑrɑtiɔ kɑ Miniɔ kɑ Asikenɑsiɔ mɛnnɑmɑ bu Bɑbiloni tɑbu wɔri. I tɑbu sinɑmbu ɡɔsio kpɑ i de dumi yi se nɡe twee yi bu wɔri.

Yeremi 51:29

Wee tem mu yĩirimɔ. Yinni Gusunɔn himbɑ yɑ koo koorɑ Bɑbiloni sɔɔ. U koo de yu ko bɑnsu.

Swĩi 2:17

Yinni Gusunɔ u kuɑ ye u ɡɔ̃ru doke. U yibiɑ ye u ɡeruɑ sɑɑ yellun di u nɛɛ, u koo ko. Wee u wunɛ Yerusɑlɛmu kɑm kuɑ. U ǹ wunɛn wɔnwɔndu wɑ. U derɑ yibɛrɛbɑn nukurɑ dorɑ wunɛn sɔ̃, domi u bu dɑm kɑ̃.

Yoɛli 3:2

Bɑɑ kɑ yobɔ, kon bu nɛn Hunde wɛ̃wɑ tɔ̃ɔ te.

Nɑhumu 2:1

Bɛɛ Yudɑbɑ, wee ɡoo u nɑ ɡuunu wɔllɔ u bɔri yɛndun lɑbɑɑri ɡeɑ kpɑrɑmɔ. Yen sɔ̃, i bɛɛn tɔ̃ɔ bɑkɑ ni i rɑ rɑɑ di Yinni Gusunɔn sɔ̃ dio. I bɛɛn nɔɔ mwɛɛnu yibio. Domi tɔn kɔ̃so wi, u ǹ mɑɑ wee bɛɛn suunu sɔɔ. Nɑ nùn kpeerɑsiɑwɑ mɑm mɑm.

Yosue 8:14

Ye n kuɑ buru buru yellu, yerɑ Ayin sunɔ u Isirelibɑ wɑ. Mɑ wi kɑ win tɑbu kowobu bɑ seewɑ kɑ sɛndɑru bu kɑ Isirelibɑ wɔri Yuudɛnin wɔwɑ mi, mi bɑ rɑɑ bu kɑmiɑ. Adɑmɑ bɑ ǹ yɛ̃ mɑ Isirelibɑn sukum mu kukuɑ wuun biruɔ.