Yeremi 51:11 - Bibeli Gusunɔn Gari

¹¹ Yinni Gusunɔ u kĩ u Bɑbiloni kɑm koosiɑ, kpɑ u win sɑ̃ɑ yee dɛɛrɑru mɔru kɔsiɑ. Yen sɔ̃nɑ u Mɛdibɑn sinɑmbu dɑm kɛ̃mɔ bu kɑ ye wɔri. I bɛɛn sɛ̃ɛnun nɔsu sɔnwɔ, kpɑ i bɛɛn tɛrɛnu suɑ.

Yeremi 51:11 ပူးပေါင်းရင်းမြစ်များ

Sinɑmbu I 11:14

Yinni Gusunɔ u derɑ Hɑdɑdi wi u sɑ̃ɑ Edɔmun bweserun sinɑ bii u kuɑ Sɑlomɔɔn wɛrɔ.

Sinɑmbu I 11:23

Yinni Gusunɔ u mɑɑ Resoni Eliɑdɑn bii seeyɑ u kɑ Sɑlomɔɔ seesi. Resoni wi, u rɑɑ kpikiru suɑwɑ win yinni Hɑdɑdesɛɛ Sobɑn sunɔn min di.

Bɑndun Gɑri I 5:26

Yen sɔ̃nɑ wi, Gusunɔ Isirelibɑn Yinni u derɑ Asirin sinɑm beni, Pulu kɑ Tiɡilɑti Pilesɛɛ bɑ Rubɛnibɑ, kɑ Gɑdibɑ, kɑ Mɑnɑsen bwese kɛrɑn sukum yoru mwɛɛrɑ bɑ kɑ dɑ Sɑlɑsiɔ, kɑ Sɑboriɔ, kɑ Hɑrɑɔ, kɑ sere Gosɑnin dɑɑrun bɔkuɔ. Miyɑ bɑ wɑ̃ɑ sere kɑ ɡisɔ.

Bɑndun Gɑri II 36:22

Sirusi, Pɛɛsin sinɑ bokon bɑndun wɔ̃ɔ ɡbiikuu sɔɔ, yerɑ Yinni Gusunɔ u ɡɔ̃ru doke u win ɡɑri yibiɑ yi u rɑɑ ɡeruɑ sɑɑ win ɡɔro Yeremin nɔɔn di. Mɑ u doke Sirusin ɡɔ̃ruɔ bu kɑ ɡɑri yini yore. Mɑ bɑ yi kpɑrɑ win tem kpuro sɔɔ.

Ɛsidɑrɑsi 1:1

Sirusi Pɛɛsin sinɑ bokon bɑndun wɔ̃ɔ ɡbiikuu sɔɔ, Yinni Gusunɔ u ɡɔ̃ru doke u win ɡɑri yibiɑ yi u rɑɑ ɡeruɑ sɑɑ win sɔmɔ Yeremin nɔɔn di. Mɑ u doke Sirusin ɡɔ̃ruɔ bu kɑ ɡɑri yini yore. Mɑ bɑ yi kpɑrɑ win tem kpuro sɔɔ.

Esɑi 10:26

Nɛ Gusunɔ, wɔllu kɑ tem Yinni, kon ɡoo dendi nɡe bokuru u bɛɛ sɛɛyɑsiɑ nɡe mɛ nɑ Mɑdiɑnibɑ kuɑ Horɛbun ɡuurɔ. Kon nɛn dɛkɑ tĩi nim wɔ̃kun berɑ ɡiɑ n bu sɛɛyɑsiɑ nɡe mɛ nɑ Eɡibitiɡibu kuɑ.

Esɑi 21:5

Kɑ̃si te sɔɔ, nɑ mɑɑ wɑ bɑ dĩɑnu yii bɑ kɔnnɔ kɔsu, bɑ dimɔ bɑ nɔrumɔ. Yerɑ ɡoo u nɛɛ, i seewo tɑbu sinɑmbu, i bɛɛn tɛrɛnu ɡum tɛɛni.

Esɑi 41:25

Wee nɑ ɡoo seeyɑ sɑɑ sɔ̃ɔ yɛ̃sɑn nɔm ɡeun di, mɑ u nɑ sɑɑ sɔ̃ɔ yɑri yerun di u sĩimɔ kɑ nɛn yĩsiru. U wiruɡibu tɑɑkumɔ nɡe pɔtɔkɔ, nɡe mɛ weke kowo u rɑ sɔndu suni.

Esɑi 45:1

Yinni Gusunɔ u Sirusi ɡɔsɑ u nùn nɛni kɑ win dɑm. U koo bwesenu kpuro tɑɑre win wuswɑɑɔ, kpɑ u sinɑmbun dɑm wunɑ. U koo nùn wusun kɔnnɔsu wukiɑ su n kɛniɑre. U nùn sɔ̃ɔwɑ u nɛɛ,

Esɑi 45:5

Nɛnɑ Yinni Gusunɔ, ɡoo mɑɑ sɑri nɡe nɛ. Yen sɔ̃nɑ nɑ nun dɑm wɛ̃ bɑɑ mɛ ɑ ǹ mɑn yɛ̃.

Esɑi 46:11

Nɛnɑ nɑ durɔ ɡoo sokɑ sɑɑ sɔ̃ɔ yɑri yerun di mi n tomɑ. U koo nɑ nɡe kɑsɑ u nɛn himbɑ yibiɑ. Ye nɑ ɡeruɑ, kon ye ko. Himbɑ ye nɑ yi, kon mɑɑ ye yibiɑ.

Yeremi 25:25

kɑ Simirin sinɑmbu kɑ Elɑmun sinɑmbu kɑ sere Mɛdibɑn sinɑmbu,

Yeremi 46:3

wee Eɡibitin tɑbu sinɑmbu bɑ kuuki mɔ̀ bɑ mɔ̀, i tɛrɛnu sɔɔru koowo, bɑkɑnu kɑ piiminu, kpɑ i se i tɑbu dɑ.

Yeremi 46:4

I bɛɛn tɑbu kɛkɛ be dumi ɡɑwe sɔɔru koowo. Bɛɛ mɑɑsɔbu, i bɛɛn dumi yɔɔwo, kpɑ i bɛɛn tɑbu furɔsu doke. I bɛɛn yɑɑsi sunkuo yi bɑlli, kpɑ i bɛɛn tɑrɑkpenu sebe.

Yeremi 46:9

Wee bɑ mɔ̀, ben mɑɑsɔbu bu seewo fuuku. Be bɑ tɑbu kɛkɛ be dumi ɡɑwe duɑ, bu duki doo. Ben tɑbu durɔbu bu seewo. Puti kɑ Kusin tɑbu durɔbu be bɑ tɛrɛ piiminu nɛni, kɑ sere Ludibɑ be bɑ sɑ̃ɑ tɛn towobu, bu seewo.

Yeremi 50:25

Mɑ nɑ nɛn tɑbu yɑ̃nun beru yeru wukiɑ. Mɑ nɑ nɛn mɔru sɔ̃ɔsi kɑ tɑbu yɑ̃ɑ ni. Domi nɛ Gusunɔ, wɔllu kɑ tem Yinni, nɑ sɔmburu mɔ te kon ko Bɑbiloniɔ.

Yeremi 50:3

Bweseru ɡɑrɑ ye wɔrim wee sɑɑ sɔ̃ɔ yɛ̃sɑn nɔm ɡeu ɡiɑn di. Tɑ koo tem mɛ ɡɔsiɑwɑ bɑnsu. Goo kun ko n mɑɑ wɑ̃ɑ mi. Tɔmbu kɑ yɛɛ kpuro koo yɑrinɑ min di.

Yeremi 50:45

Yen sɔ̃, i swɑɑ dɑkio i nɔ himbɑ ye nɑ yi Bɑbiloni kɑ yen tɔmbun sɔ̃. Nɑ nɛɛ, kɑm kɑm kon de bu be kpuro ɡurɑ nɡe yɑ̃ɑnu bu kɑ dɑ tem tukumɔ. Bɑ koo ben wɑ̃ɑ yeru kpuro kɑm koosiɑwɑ.

Yeremi 50:9

Domi wee, kon bwesenu seeyɑ wuu wuukɑ kpɑ n de nu Bɑbiloni wɔri. Bɑ koo nɑwɑ sɑɑ sɔ̃ɔ yɛ̃sɑn nɔm ɡeu ɡiɑn di, kpɑ bu ye tɑrusi bu mwɑ. Ben sɛ̃ɛnu nu ǹ kɑm wɔrimɔ. Bɑɑ ben tɑbu durɔ turo kun ɡɔsirɔ nɔm dirɑ.

Yeremi 51:12

I yĩreru koowo kpɑ i Bɑbiloni wɔri. Wuun kɔ̃sobu, bu wureo bu yɔ̃rɔ sɔmɛ ben kɔ̃su yerɔ. I Bɑbiloni yɔɔru bwɛ̃ɛyɔ. Domi ye Yinni Gusunɔ u yɔ̃rɑri u ko ye sɔɔ, u koo ye kowɑ.

Yeremi 51:24

Adɑmɑ nɛ, Yinni Gusunɔ nɑ nɛɛ, kon wunɛ Bɑbiloni kɑ wunɛn tem tɔmbu kɔsie wunɛn nɔni biru kɔ̃sɑ ye i kuɑ Siɔniɔ.

Yeremi 51:35

Yen sɔ̃, Bɑbiloniɡii be, bu nɔni sɔ̃ɔro dɑm mɛ bɑ mɑn dɔren sɔ̃, kpɑ yɛm mɛ bɑ yɑri mi, mu wɔri ben wiru wɔllɔ.

Yeremi 51:36

Wee ye Yinni Gusunɔ u ɡeruɑ Yerusɑlɛmuɡibun sɔ̃. U nɛɛ, wee, kon bɛɛ sɑnnɑ. Kon Bɑbilonin dɑɑnu kɑ yen bwii kpuro ɡberɑsiɑ.

Dɑniɛli 5:30

Dɔmɑ ten wɔ̃kurɑ bɑ Bɛɛsɑsɑɑ Bɑbilonin sinɑ boko wi ɡo.

Sɑ̃ɑrun Woodɑ 26:25

Kon de tɑbu bu bɛɛ wɔri yèn sɔ̃ i nɛn ɑrukɑwɑni kusiɑ. Ì n mɛnnɑ i kukuɑ bɛɛn wusɔ, kon de bɑrɑru tu bɛɛ wɔri kpɑ yibɛrɛbɑ bu bɛɛ nɔmɑ turi.

Sɑkɑri 14:12

Wee nɔni swɑ̃ɑ te Yinni Gusunɔ u koo tɔmbu kpɛ̃ɛ be bɑ Yerusɑlɛmu tɑbu wɔri. Ben wɑsi koo kɔ̃siwɑ bɑ n kɑ sĩimɔ. Ben nɔni yi koo kɔ̃si ben nɔni wɔrusu sɔɔ, kpɑ ben yɑri yi kɔ̃si ben nɔsɔ.

Sɑkɑri 14:2

U koo bwesenu kpuro mɛnnɑ nu kɑ Yerusɑlɛmu wɔri. Bɑ koo ye mwɑ kpɑ bu yen yɛnusu dɔ̃ɔ sɔku. Bɑ koo kɑ yen tɔn kurɔbu kpunɑ kɑ dɑm. Kpɑ bu yen tɔmbun bɔnu yoru mwɛɛri bu kɑ doonɑ. Adɑmɑ bɑ ǹ be bɑ tie ɡoomɔ.