Yeremi 50:6 - Bibeli Gusunɔn Gari

⁶ Be, nɛn tɔmbu, wee bɑ sɑ̃ɑ nɡe yɑ̃ɑ ɡɔ̃ɔ ɡe ɡɑ rɑɑ kɔ̃ɔre. Ben kpɑrobɑ rɑɑ bu kɔ̃ bɑ derɑ bɑ sirenɛ ɡuunu wɔllɔ bɑ ɡɑsirimɔ ɡee kɑ ɡiɔ, sere bɑ ben wɑ̃ɑ yeru duɑri.

Yeremi 50:6 ပူးပေါင်းရင်းမြစ်များ

Womusu 116:7

Nɛn bwɛ̃rɑ, ɑ wɛ̃ro, domi Yinni Gusunɔ u mɑn ɡeɑ kuɑ.

Womusu 119:176

Wee nɑ sirenɛ nɡe yɑ̃ɑ te tɑ kɔ̃ɔre. A nɛ, wunɛn sɔm kowo kɑsuo, nɑ ǹ wunɛn woodɑbɑ duɑrimɔ.

Womusu 23:2

Wunɑ ɑ rɑ kɑ mɑn de mi yɑkɑ bekusu wɑ̃ɑ. Wunɑ ɑ rɑ kɑ mɑn de mi nim mu mɑɑri. Kpɑ ɑ mɑn wɛ̃rɑsiɑ mi.

Womusu 32:7

Wunɑ sɑ̃ɑ nɛn kuku yeru, ɑ rɑ mɑn ɡbɑre wɑhɑlɑn di. A derɑ nɑ womusu mɔ̀ wunɛn fɑɑbɑn sɔ̃.

Womusu 90:1

Mɔwisi Gusunɔn sɔm kowo u kɑnɑru kuɑ u nɛɛ, Yinni, sɑɑ yellun di, wunɑ ɑ sɑ̃ɑ bɛsɛn kuku yeru.

Womusu 91:1

Wunɛ wi Wɔrukoo u kɔ̃su, ɑ wɛ̃rewɑ Dɑm kpuroɡiin tɔbuɔ.

Esɑi 1:3

Nɑɑ kinɛnu nu rɑ n nin kpɑro yɛ̃. Kɛtɛkunu nu rɑ n mɑɑ yɛ̃ mi nin yinni u rɑ nu dĩɑnu yiiye. Adɑmɑ nɛn tɔmbu Isirelibɑ bɑ ǹ mɑm kĩ bu ɡɑ̃ɑnu ɡiɑ. Bɑ ku rɑ ɡɑ̃ɑnu tubu.

Esɑi 30:15

Adɑmɑ u wure u nɛɛ, ì n ɡɔ̃ru ɡɔsiɑ i wurɑmɑ win mi lɑɑkɑri sɔɔ, i ko fɑɑbɑ wɑ. Mɛyɑ ì n kuɑ tɛɛru i nùn nɑɑnɛ doke, i ko dɑm wɑ. Adɑmɑ i ǹ mɛ kĩɛ.

Esɑi 32:2

Ben bɑɑwure u ko n sɑ̃ɑwɑ nɡe kuku yeru woo bɔkɔn sɔ̃, ǹ kun mɛ nɡe dɑɑru mi kɑkoru sɑri, ǹ kun mɛ nɡe kpee bɑkɑrun sɑɑru mi dɑ̃ru ɡɑru sɑri.

Esɑi 53:6

Sɑ rɑɑ yɑrinɛwɑ bɛsɛ kpuro nɡe yɑ̃ɑ ni nu kɔ̃ɔre. Bɑɑwure u win swɑɑ swĩi ye u kĩ. Mɑ Gusunɔ u nùn sɛɛyɑsiɑ bɛsɛn torɑnun sɔ̃.

Yeremi 10:21

Yerɑ Yeremi u nɛɛ, bɛɛn kpɑrobu bɑ kuɑ ɡɑri bɑkɑsu. Bɑ ǹ Yinni Gusunɔ kɑsu. Yen sɔ̃nɑ bɑ ǹ kuure, mɑ bɛɛ kpuro i yɑrinɑ.

Yeremi 13:16

I Gusunɔ bɛɛn Yinni bɛɛrɛ wɛ̃ɛyɔ u sere kɑ yɑm wɔ̃kuru nɑ te tɑ koo de i sokukirɑ ɡuunu wɔllɔ. Mɛyɑ i yɑm bururɑm mɑrɑ, ɑdɑmɑ u koo de mu tĩrɑ mɑm mɑm kpɑ mu ɡɔsiɑ yɑm wɔ̃ku bɑkɑru nɡe te tɑ wɑ̃ɑ ɡɔribun wɑ̃ɑ yerɔ.

Yeremi 2:20

Yinni Gusunɔ u nɛɛ, sɑɑ yellun di, i tii yoru yɑrɑ, i suɡu kɑ yɔni yi bɑ rɑɑ bɛɛ doke kɑsukɑ. Mɑ i nɛɛ, i ǹ mɑɑ kĩ i mɑn yoru diiyɑ. Mɑ i dɑ ɡunɡunu wɔllɔ kɑ dɑ̃ɑ kubenɔ i bũnu ɡɑsirimɔ i sɑ̃ɑmɔ.

Yeremi 2:32

Wɔndiɑ u rɑ win burɑ yɑ̃nu duɑri ro? Kurɔ kpɑo u rɑ win sɔnditiɑ duɑri? Amɔnɑ bɛɛ nɛn tɔmbu i kɑ mɑn duɑri n kɑ tɛ mɛ, nɑ ǹ mɑm yen tɔ̃nun ɡeeru yɛ̃.

Yeremi 23:1

Gusunɔ Isirelibɑn Yinni u nɛɛ, bɔ̃rurobɑ kpɑro be bɑ nɛn tɔmbu ɡoomɔ, mɑ bɑ bu yɑrinɑsiɑmɔ nɡe yɑ̃ɑ kpɑro kɔ̃sobu. Nɑ mɑɑ nɛɛ, wee bɑ nɛn tɔmbu ɡirɑ, bɑ bu yɑrinɑsiɑ bɑ yinɑ bu bu nɔɔri. Yen sɔ̃, kon bu sɛɛyɑsiɑ ben nuku kɔ̃su ten sɑɑbu.

Yeremi 3:23

Geemɑ bũu ni sɑ rɑɑ sɑ̃ɑmɔ ɡuunu wɔllɔ sɑ kuuki mɔ̀, nu sɑ̃ɑwɑ weesu. Adɑmɑ Gusunɔ bɛsɛn Yinni, wunɑ ɑ sɑ̃ɑ bɛsɛ Isirelibɑn fɑɑbɑ kowo.

Yeremi 3:6

Yudɑbɑn sinɑ boko Yosiɑsin wɑɑti sɔɔ, Yinni Gusunɔ u Yeremi sɔ̃ɔwɑ u nɛɛ, ɑ wɑ ye Isirelibɑ bɑ mɔ̀? Bɑ sɑ̃ɑwɑ mɛm nɔɔ sɑribɑ. Wee, bɑ dɑ mi ɡunɡunu kɑ dɑ̃ɑ kubenu wɑ̃ɑ kpuro, bɑ bũnu sɑ̃ɑmɔ.

Yeremi 33:12

Yinni Gusunɔ u mɑɑ Yeremi sɔ̃ɔwɑ u nɛɛ, tem mɛ, mu rɑɑ kuɑ bɑnsu mi ɡoo sɑri, yɑɑ sɑbenu sɑri mɛn wusu kpuro sɔɔ. Adɑmɑ tɛ̃, yɑ̃ɑ kpɑrobu bɑ koo wɑ̃ɑ yeru wɑ mi, kpɑ ben yɑɑ sɑbenu nu wɛ̃rɑ.

Yeremi 50:17

Yinni Gusunɔ u nɛɛ, Isirelibɑ bɑ sɑ̃ɑwɑ nɡe yɑ̃ɑ ni nu kɔ̃ɔrɑ mɑ ɡbee sinɑnsu su nu nɑɑ swĩi. Asirin sinɑ bokowɑ u ɡbiɑ u nu wɔri u ɡurɑ, mɑ Bɑbilonin sinɑ boko u mɑɑ nɑ u nu wɔri u kɔsukɑ.

Yeremi 50:19

Adɑmɑ kon de Isirelibɑ bu wurɑmɑ ben wɑ̃ɑ yerɔ, kpɑ bu ben dĩɑnu yewe ɡuu te bɑ mɔ̀ Kɑɑmɛliɔ kɑ Bɑsɑniɔ kɑ ɡuu te bɑ mɔ̀ Efɑrɑimuɔ, kɑ sere mɑɑ Gɑlɑdin temɔ. Bɑ ǹ mɑɑ ɡɑ̃ɑnun yɑ̃ɑru mɔ̀.

Esekiɛli 13:10

Wee bɑ nɛn tɔmbu nɔni wɔ̃kumɔ bɑ mɔ̀, bɔri yɛndɑ wɑ̃ɑ. Adɑmɑ bɔri yɛndu ɡɑru sɑri. Nɛn tɔmbɑ ɡɑni seeyɑmɔ. Mɑ sɔmɔ be, bɑ ye soo tɛɛnimɔ.

Esekiɛli 34:14

Kon kɑ nu dɑ kpɑrɑ yee ɡeeru sɔɔ. Kpɑ nu di nu wɛ̃rɑ. Nu koo yɔ Isirelibɑn ɡuunɔ kpɑ nu yɑkɑ ɡeesu wɑ nu di.

Esekiɛli 34:15

Nɛn tiiwɑ kon nu kpɑrɑ kpɑ n de nu wɛ̃rɑ. Nɛ, Yinni Gusunɔwɑ nɑ yeni ɡeruɑ.

Esekiɛli 34:16

Kon ni nu kɔ̃ɔrɑ kɑsumɑ n kɑ nɑ. Kpɑ n ni nu mɛɛrɑ wɑn bosu tim doke. Kpɑ n mɑɑ ni nu bɑrɔ nɔɔri nu dɑm ko. Adɑmɑ kon ni nu bɔɔru ɡo. Nɛn tiiwɑ kon nɛn yɑ̃ɑnu kpɑrɑ ɡem sɔɔ.

Mɑteu 10:6

Adɑmɑ i doo Isirelibɑn mi, be bɑ kɔ̃ɔrɑ nɡe yɑ̃ɑnu.

Mɑteu 15:24

U bu wisɑ u nɛɛ, Isirelibɑ tɔnɑn miyɑ bɑ mɑn ɡɔrimɑ be, be bɑ kɔ̃ɔre nɡe yɑ̃ɑnu.

Mɑteu 9:36

Ye u tɔn wɔrusu wɑ ben wɔnwɔndɑ nùn mwɑ yèn sɔ̃ bɑ wurure mɑ bɑ yɑrinɛ nɡe yɑ̃ɑ ni nu kun kpɑro mɔ.

Piɛɛ I 2:25

Domi i rɑɑ sɑ̃ɑwɑ nɡe yɑ̃ɑ ni nu kɔ̃ɔre, ɑdɑmɑ tɛ̃ i wurɑmɑ bɛɛn hunden kpɑron mi, wi u bɛɛ kɔ̃su.