Yeremi 50:34 - Bibeli Gusunɔn Gari

³⁴ Adɑmɑ nɛ, ben yɑkio, nɑ dɑm mɔ. Nɛn yĩsirɑ Gusunɔ, wɔllu kɑ tem Yinni. Kon kɑ bu yinɑ kpɑ n ben tem bɔri yɛndu wɛ̃, kpɑ n Bɑbiloniɡibu burisinɑ.

Yeremi 50:34 ပူးပေါင်းရင်းမြစ်များ

Bɑndun Gɑri II 6:39

ɑ bu swɑɑ dɑkio sɑɑ wɔllun di mi ɑ wɑ̃ɑ kpɑ ɑ bu kuɑ dee dee, kpɑ ɑ bu ben torɑnu kpuron suuru kuɑ.

Yoobu 19:25

Adɑmɑ nɑ yɛ̃ mɑ nɛn yɑkio u wɑsi wi u koo rɑ se u kɑ mɑn yinɑ.

Womusu 35:1

Dɑfidin womu. Yinni Gusunɔ, be bɑ mɑn wɔrim wee, ɑ bu wɔrio. Be bɑ kɑ mɑn sɑnnɑmɔ, ɑ kɑ bu sɑnnɔ.

Womusu 43:1

A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Yɑribu 6:6

Yen sɔ̃, ɑ Isirelibɑ sɔ̃ɔwɔ ɑ nɛɛ, nɛnɑ Wi u rɑ n wɑ̃ɑ, nɑ kon mɑɑ bu wɔrɑ sɑɑ wɑhɑlɑ ye Eɡibitiɡibɑ bu koosiɑmɔn di. Kon bu yɑkiɑ ben yorun di, kpɑ n nɛn dɑm sɔ̃ɔsi n Eɡibitiɡibu wɑhɑlɑ doke, kpɑ n nɛn tɔmbu fɑɑbɑ ko.

Mɔnnu 22:23

Domi Yinni Gusunɔ u koo kɑ bu yinɑ, kpɑ u be bɑ ben yɑ̃nu ɡurɑ ɡo.

Mɔnnu 23:11

Domi wi u koo bu mɔru kɔsiɑ u dɑm mɔ, u koo mɑɑ bu sɑnnɑ.

Esɑi 41:14

Yɑkɔbun bweseru, bɛɛ be i tie i ǹ dɑm mɔ mɑ bɑ bɛɛ ɡɑrisi nɡe kɔkɔminu, i ku nɑndɑ. Nɛ, Gusunɔ Isirelibɑn Yinni Dɛɛro, nɑ bɛɛ somiru wee. Nɑ sɑ̃ɑwɑ bɛɛn fɑɑbɑ kowo.

Esɑi 43:14

Yinni Gusunɔ u nɛɛ, bɛɛ Isirelibɑ, ɑmɛniwɑ nɛ Gusunɔ, bɛɛn Yinni Dɛɛro, nɛ wi nɑ bɛɛ yɑrɑ, nɑ ɡeruɑ nɑ nɛɛ, kon Bɑbiloniɡibu bɛri yibɛrɛbɑn nɔmɑɔ bɛɛn sɔ̃, kpɑ n ben wuun ɡɑmbobɑ kɔsuku, kpɑ ben nuku dobun kuuki yi ɡɔsirɑ nuku sɑnkirɑnun wuri.

Esɑi 44:6

Nɛ, Yinni Gusunɔ Dɑm kpuroɡii, nɛ wi nɑ Isirelibɑ yɑkiɑ nɑ sɑ̃ɑ ben sinɑ boko nɑ nɛɛ, nɛnɑ nɑ sɑ̃ɑ ɡbiikoo kɑ dɑ̃ɑko. Goo mɑɑ sɑri wi u sɑ̃ɑ Gusunɔ nɛ bɑɑsi.

Esɑi 47:4

Nɛn yĩsirɑ Gusunɔ, wɔllu kɑ tem Yinni. Nɑ mɑɑ sɑ̃ɑ Isirelibɑn Yinni dɛɛro, wi u bu fɑɑbɑ mɔ̀.

Esɑi 49:25

Yinni Gusunɔ u nɛɛ, oo, mɛyɑ, kon dɑmɡiin yobu yɑkiɑ, kpɑ n tɑbu durɔn yɑ̃ɑ ni u rɑɑ ɡurɑ wɔrɑ. Domi kon kɑ wunɛn yibɛrɛbɑ sɑnnɑ, kpɑ n wunɛn bibu fɑɑbɑ ko.

Esɑi 51:22

Amɛniwɑ nɛ Gusunɔ, wunɛn Yinni, nɛ wi nɑ nɛn tɔmbu fɑɑbɑ mɔ̀, nɑ ɡeruɑ. Nɑ nɛɛ, kon nɔrɑ ye mwɑ wunɛn nɔmun di, ye yɑ nɛn mɔru yibɑ mɑ yɑ derɑ ɑ bɑ̃ɑrimɔ. A ǹ mɑɑ ye nɔrumɔ.

Esɑi 54:5

Domi nɛ, wunɛn tɑkɑ kowo nɑ sɑ̃ɑwɑ nɡe wunɛn durɔ. Nɛn yĩsirɑ Gusunɔ, wɔllu kɑ tem Yinni, kɑ Isirelibɑn Yinni Dɛɛro, kɑ hɑnduniɑ kpuron Yinni. Nɛnɑ nɑ nun yɑkiɑ.

Yeremi 10:16

Gusunɔ, Isirelibɑn Yinni u ǹ sɑ̃ɑ nɡe ni. Domi wiyɑ u kpuro tɑkɑ kuɑ. Wiyɑ u sɑ̃ɑ win tɔmbun ɑrumɑni. Win yĩsirɑ Gusunɔ, wɔllu kɑ tem Yinni.

Yeremi 15:21

Kon nun yɑkiɑ tɔn kɔ̃sobun nɔmɑn di. Kpɑ n nun wɔrɑ be bɑ nuki sosun nɔmɑn di. Nɛ, Yinni Gusunɔwɑ nɑ yeni ɡeruɑ.

Yeremi 30:20

I ko i n sɑ̃ɑwɑ nɡe yellu, kpɑ i n dɑ bɛɛn mɛnnɔsu ko nɛn wuswɑɑɔ. Kpɑ n be bɑ bɛɛ dɑm dɔremɔ kpuro sɛɛyɑsiɑ.

Yeremi 31:11

Domi nɛ, Yinni Gusunɔ nɑ Yɑkɔbun bweseru yɑkiɑ, nɑ tu wɔrɑ sɑɑ wi u tu dɑm keren nɔmun di.

Yeremi 31:35

Yinni Gusunɔwɑ u sɔ̃ɔ kuɑ u kɑ yɑm dɛɛrɑsiɑ sɔ̃ɔ sɔɔ. Mɑ u suru kɑ kperi yi yi, yi kɑ yɑm dɛɛrɑsiɑ wɔ̃kuru. U rɑ mɑɑ de nim kurenu nu se nim wɔ̃kun di, kpɑ nu wɔki. Win yĩsirɑ Yinni Gusunɔ wi u wɔllu kɑ tem mɔ. Wiyɑ u ɡeruɑ u nɛɛ,

Yeremi 32:18

A rɑ bwesenu durom kue sere kɑ nin bibun bibɔ. Adɑmɑ bɑɑbɑbɑ bɑ̀ n torɑ, ɑ rɑ ben bibu sɛɛyɑsie torɑ nin sɔ̃. Gusunɔ, ɑ sɑ̃ɑwɑ Yinni boko, mɑ ɑ dɑm mɔ. Wunɛn yĩsirɑ wɔllu kɑ tem Yinni.

Yeremi 48:15

Domi wee, i kɑm kuɑ. Bɛɛn wusu su dɔ̃ɔ mwɑɑrɑ. Mɑ yibɛrɛbɑ bɑ bɛɛn ɑluwɑɑsi dɑmɡibu mwɛɛrɑ bɑ sɑkirɑ. Yeniwɑ sinɑ boko u ɡeruɑ. Win yĩsirɑ Gusunɔ, wɔllu kɑ tem Yinni. U nɛɛ,

Yeremi 51:19

Adɑmɑ Gusunɔ u ǹ sɑ̃ɑ nɡe bwɑ̃ɑroku ni. U sɑ̃ɑwɑ Isirelibɑn ɑrumɑni. Wiyɑ u kpuro tɑkɑ kuɑ, wiyɑ u mɑɑ Isirelibɑ mɔ. Win yĩsirɑ Gusunɔ, wɔllu kɑ tem Yinni.

Yeremi 51:36

Wee ye Yinni Gusunɔ u ɡeruɑ Yerusɑlɛmuɡibun sɔ̃. U nɛɛ, wee, kon bɛɛ sɑnnɑ. Kon Bɑbilonin dɑɑnu kɑ yen bwii kpuro ɡberɑsiɑ.

Swĩi 3:58

Yinni ɑ mɑn siriɑ mɑ ɑ nɛn wɑ̃ɑru yɑkiɑ.

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Misee 4:10

Bɛɛ Yerusɑlɛmuɡibu, i wuri koowo nɡe tɔn kurɔ wi u yiire u kĩ u mɑ. Domi tɛ̃, i ko i yɑri Yerusɑlɛmun di. Kpɑ i dɑ i n wɑ̃ɑ yɑkɑsɔ. Bɑ koo kɑ bɛɛ dɑ sere Bɑbiloniɔ. Adɑmɑ Yinni Gusunɔ u koo rɑ bɛɛ yɑkiɑmɑ min di. Kpɑ u bɛɛ wɔrɑ bɛɛn yibɛrɛbɑn nɔmɑn di.

Misee 7:9

Sɑ ko Yinni Gusunɔn mɔru sɔbe, domi sɑ nùn torɑ. Adɑmɑ sɑɑ ɡɑɑ sisi yè sɔɔ u koo kɑ sun yinɑ, kpɑ u sun ɡem wɛ̃. U koo kɑ sun nɑ yɑm bururɑm sɔɔ kpɑ u sun durom kuɑ.

Kɑ̃siru 18:8

Yen sɔ̃, yen ɡbee swɑ̃ɑrɑ koo ye deemɑ sɔ̃ɔ teerun sɔ̃ɔ, bɑrɑnu kɑ nuku sɑnkirɑnu kɑ mɑɑ ɡɔ̃ɔru, kpɑ yu dɔ̃ɔ mwɑɑrɑ muku muku. Domi Yinni Gusunɔ wi u ye siri u sɑ̃ɑ dɑmɡii.