Yeremi 50:32 - Bibeli Gusunɔn Gari

³² Wunɛ wi ɑ tii sue mi, kɑɑ fukurɑ ɑ wɔrumɑ. Goo sɑri wi u koo nun seeyɑ. Kon wuu si su kɑ nun sikerenɛ dɔ̃ɔ doke kpɑ u sin tem kpuro di.

Yeremi 50:32 ပူးပေါင်းရင်းမြစ်များ

Womusu 119:78

A be bɑ tii sue sekuru dokeo, wee bɑ mɑn dɑm dɔremɔ kɑm sɔɔ. Adɑmɑ nɛ, wunɛn woodɑbɑrɑ nɑ rɑ n bwisikumɔ.

Mɔnnu 16:18

Fɑɑri yɑ rɑ tɔmbu surewɑ. Tii suɑbu bu rɑ kɑ kɑm kobu nɛwɑ.

Mɔnnu 18:12

Tii suɑbu bu rɑ kɑ tɔnu kɑm kobu nɑɑwɛwɑ, ɑdɑmɑ tii kɑwɑbu bu rɑ dewɑ bu tɔnu bɛɛrɛ wɛ̃.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Yeremi 51:26

Bɑɑ wunɛn kperu ɡɑru, bɑ ǹ mɑɑ suɑmɔ bu kɑ dirun koru swĩi. Kɑɑ kowɑ bɑnsu sere kɑ bɑɑdommɑɔ. Nɛ, Yinni Gusunɔwɑ nɑ yeni ɡeruɑ.

Yeremi 51:64

kpɑ ɑ nɛɛ, nɡe mɛ tire te, tɑ numɑ mi, nɡe mɛyɑ Bɑbiloni yɑ koo kɑm ko. Yɑ ǹ mɑɑ seemɔ, kɔ̃sɑ ye Yinni Gusunɔ u ye suremɔn sɔ̃. Yɑ koo wɔrumɑwɑ kpɑ yɑ kun mɑɑ dɑm mɔ. Yeremin ɡɑrin kpurowɑ mi.

Dɑniɛli 5:20

Adɑmɑ sɑɑ ye sɔɔ, u tii suɑ u ɡɔ̃ru bɔbiɑ, yerɑ Gusunɔ u nùn yɑrɑ bɑndun di mɑ u ɡinɑ nùn yiiko ye mwɑɑri.

Amɔsu 1:10

Yen sɔ̃, kon de bu ben wuu Tiri dɔ̃ɔ sɔku, kpɑ u yen dii ɡeenu di.

Amɔsu 1:12

Yen sɔ̃, kon de bu ben wuu Temɑ dɔ̃ɔ sɔku kpɑ u Botisirɑn dii ɡeenu di.

Amɔsu 1:14

Yen sɔ̃, kon de bu ben wuu Rɑbɑ tɑbu wɔri bu ye dɔ̃ɔ sɔku, kpɑ u yen dii ɡeenu di mɑm mɑm. Sɑɑ ye sɔɔ, tɑbun wurenu koo nɔɔrɑ nɡe woo bɔkɔ.

Amɔsu 1:4

Tɛ̃, kon de dɔ̃ɔ u nɑ u sinɑ boko Hɑsɑɛlin yɛnu wɔri, kpɑ u Bɛni Hɑdɑdin sinɑ kpɑɑru di mɑm mɑm.

Amɔsu 1:7

Mɛyɑ kon de bu ben wuu Gɑsɑ dɔ̃ɔ sɔku, kpɑ u yen dii ɡeenu di.

Amɔsu 2:2

Yen sɔ̃, kon de bu Mɔɑbubɑn tem dɔ̃ɔ mɛni kpɑ u ben wuu Keriɔtun dii ɡeenu di mɑm mɑm. Kpɑ Mɔɑbu be, bu kɑm ko tɑbu ɡberɔ, sɑnɑm mɛ tɑbu swĩɑ bɑ kɔbi soomɔ, bɑ kuuki mɔ̀.

Amɔsu 2:5

Yen sɔ̃, kon de bu ben tem dɔ̃ɔ mɛni. Kpɑ u ben wuu Yerusɑlɛmun dii ɡeenu di mɑm mɑm.

Amɔsu 5:2

Bɛɛ be i wɔrumɛ temɔ nɡe wɔndiɑ be bɑ ɡu, i ǹ mɑɑ seemɔ. Goo sɑri wi u koo bɛɛ seeyɑ.

Sɔ̃ɔsiru 32:22

Win mɔru koo se nɡe dɔ̃ɔ yɑrɑ kpɑ yi ɡɑ̃ɑnu kpuro dɔ̃ɔ mɛni tem sɔɔ, kpɑ yu mɑɑ dɑ sere tem sɔɔ sɔɔwɔ. Kpɑ yu ɡuunun kpɛɛkpɛɛkunu dɔ̃ɔ mɛni.

Kɑ̃siru 18:8

Yen sɔ̃, yen ɡbee swɑ̃ɑrɑ koo ye deemɑ sɔ̃ɔ teerun sɔ̃ɔ, bɑrɑnu kɑ nuku sɑnkirɑnu kɑ mɑɑ ɡɔ̃ɔru, kpɑ yu dɔ̃ɔ mwɑɑrɑ muku muku. Domi Yinni Gusunɔ wi u ye siri u sɑ̃ɑ dɑmɡii.