Yeremi 50:3 - Bibeli Gusunɔn Gari

³ Bweseru ɡɑrɑ ye wɔrim wee sɑɑ sɔ̃ɔ yɛ̃sɑn nɔm ɡeu ɡiɑn di. Tɑ koo tem mɛ ɡɔsiɑwɑ bɑnsu. Goo kun ko n mɑɑ wɑ̃ɑ mi. Tɔmbu kɑ yɛɛ kpuro koo yɑrinɑ min di.

Yeremi 50:3 ပူးပေါင်းရင်းမြစ်များ

Torubu 6:7

Mɑ u nɛɛ, wi, u koo kpuro kpeerɑsiɑwɑ hɑnduniɑ sɔɔn di, sɑɑ tɔnun min di n kɑ ɡirɑri yɛɛyɔ yi yi rɑ sĩ kɑ yi yi rɑ kɑbiri kɑ ɡunɔsu. Domi win nukurɑ sɑnkirɑ yèn sɔ̃ u yebɑ kpuro tɑkɑ kuɑ.

Yɑribu 12:12

Wɔ̃ku terɑ kon Eɡibitin tem bukiɑnɑ kpɑ n bii tɔn durɔ ɡbiikoo bɑɑwure ɡo, tɔmbun bibu kɑ yɑɑ sɑbenun binu. Mɛyɑ kon kɑ sɔ̃ɔsi mɑ Eɡibitiɡibun bũnu nu ǹ dɑm mɔ. Nɛ, Yinni Gusunɔwɑ kon ye ko.

Esɑi 41:25

Wee nɑ ɡoo seeyɑ sɑɑ sɔ̃ɔ yɛ̃sɑn nɔm ɡeun di, mɑ u nɑ sɑɑ sɔ̃ɔ yɑri yerun di u sĩimɔ kɑ nɛn yĩsiru. U wiruɡibu tɑɑkumɔ nɡe pɔtɔkɔ, nɡe mɛ weke kowo u rɑ sɔndu suni.

Esɑi 45:1

Yinni Gusunɔ u Sirusi ɡɔsɑ u nùn nɛni kɑ win dɑm. U koo bwesenu kpuro tɑɑre win wuswɑɑɔ, kpɑ u sinɑmbun dɑm wunɑ. U koo nùn wusun kɔnnɔsu wukiɑ su n kɛniɑre. U nùn sɔ̃ɔwɑ u nɛɛ,

Yeremi 21:6

u de bɑrɑ kɔ̃suru tu hunde konibɑ kpuro wɔri tu ɡo wuu ɡe sɔɔ, tɔmbu kɑ yɑɑ sɑbenu.

Yeremi 50:9

Domi wee, kon bwesenu seeyɑ wuu wuukɑ kpɑ n de nu Bɑbiloni wɔri. Bɑ koo nɑwɑ sɑɑ sɔ̃ɔ yɛ̃sɑn nɔm ɡeu ɡiɑn di, kpɑ bu ye tɑrusi bu mwɑ. Ben sɛ̃ɛnu nu ǹ kɑm wɔrimɔ. Bɑɑ ben tɑbu durɔ turo kun ɡɔsirɔ nɔm dirɑ.

Yeremi 51:11

Yinni Gusunɔ u kĩ u Bɑbiloni kɑm koosiɑ, kpɑ u win sɑ̃ɑ yee dɛɛrɑru mɔru kɔsiɑ. Yen sɔ̃nɑ u Mɛdibɑn sinɑmbu dɑm kɛ̃mɔ bu kɑ ye wɔri. I bɛɛn sɛ̃ɛnun nɔsu sɔnwɔ, kpɑ i bɛɛn tɛrɛnu suɑ.

Yeremi 51:48

Wɔllɔ kɑ temɔ kɑ yɑm kpuro, nuku dobun kuuki koo nɔɔrɑ Bɑbilonin sɔ̃. Domi yibɛrɛbɑ bɑ koo nɑ sɑɑ sɔ̃ɔ yɛ̃sɑn nɔm ɡeu ɡiɑn di, bu ye kpeerɑsiɑ.

Yeremi 51:62

Kpɑ ɑ kɑnɑru ko ɑ nɛɛ, Yinni Gusunɔ, wunɑ ɑ ɡeruɑ ɑ nɛɛ, ɡoo kun mɑɑ sinɑmɔ Bɑbiloniɔ sere kɑ yɛɛyɔ. Yɑ koo kowɑ bɑnsu sere kɑ bɑɑdommɑɔ.

Yeremi 7:20

Yen sɔ̃nɑ nɑ nɛɛ, kon de nɛn mɔru yu wɔri nɛn sɑ̃ɑ yee te sɔɔ, kɑ tɔmbu sɔɔ, kɑ yɑɑ sɑbenu sɔɔ, kɑ dɑ̃ɑɔ kɑ sere mɑɑ dĩɑnu sɔɔ. Nɛn mɔru ye, yɑ ko n ɡbisimɔwɑ, yɑ ǹ suremɔ.

Yeremi 9:10

Yinni Gusunɔ u nɛɛ, u koo de Yerusɑlɛmu yu ko bɑnsu, kpɑ yu ko ɡbeeku bɔ̃nun wɑ̃ɑ yeru. Mɛyɑ u koo mɑɑ de Yudɑbɑn wusu su ko bɑnsu.

Yeremi 9:11

Wɑrɑ u bwisi mɔ u kɑ ye tubusiɑ. Yinni Gusunɔ ù n kɑ yɛ̃ro ɡɑri kuɑ, u ɡeruo yèn sɔ̃ tem mɛ, mu kuɑ bɑnsu mi ɡoo ku rɑ mɑɑ sɑre.

Sofoni 1:3

Kon tɔmbu kɑ yɛɛ kɑ ɡunɔsu kɑ swɛ̃ɛ kpeerɑsiɑ kɑ sere mɑɑ tɔn kɔ̃sobu kɑ ye yɑ rɑ bu sokurɑsie. Kon tɔmbu kpuro kpeerɑsiɑ hɑnduniɑ sɔɔ. Nɛ, Yinni Gusunɔwɑ nɑ yeni ɡeruɑ.