Yeremi 50:2 - Bibeli Gusunɔn Gari

² i bwesenu lɑbɑɑri yeni nɔɔsio. I yĩrenu koowo nu kɑ ye ɡiɑ. I ye kpɑro i nɛɛ, Bɑbiloni yɑ wɔrumɑ. Yen bũnu nu sekuru suɑ. Bũu ni bɑ mɔ̀ Bɛli kɑ Mɛrodɑki nu wɑ̃ɑ sekuru sɔɔ. Nin bwɑ̃ɑrokunu nu bɛrum soorɑ.

Yeremi 50:2 ပူးပေါင်းရင်းမြစ်များ

Womusu 64:9

U bu mwɑ kɑ ben tii tiin ɡɑri. Be bɑ bu wɑ kpuro bɑ rɑ wii ɡimɑnu kowɑ.

Womusu 96:3

I bwesenu win yiikon fɑɑɡi kuo. Kpɑ i win mɑɑmɑɑkin ɡɑri ɡere.

Womusu 97:7

Be bɑ bwɑ̃ɑrokunu sɑ̃ɑmɔ, bɑ koo sekuru wɑ. Be bɑ bũnu siɑrɑmɔ, bɑ koo yɔ̃rɑ kɑ dukiri. Bũnu kpuro nu koo yiirɑ win wuswɑɑɔ.

Esɑi 12:4

kpɑ tɔ̃ɔ te sɔɔ, bu ɡere bu nɛɛ, i Yinni Gusunɔ siɑro, i win yĩsiru wɔlle suo. I win sɔm bɑkɑ ni u kuɑ kpɑro bwesenu kpuro sɔɔ. I tɔmbu yɑɑyɑsio mɑ win yĩsirɑ kpɑ̃.

Esɑi 13:2

U nɛɛ, i ɡidi bɔrɑ yɔ̃rɑsio ɡuuru wɔllɔ mi ɡɑ̃ɑnu sɑri. I tɑbu kowobu nɔɔɡiru sueyo, kpɑ i bu yĩreru kuɑ kɑ nɔmɑ, kpɑ bu duki nɑ bu du Bɑbilonin kɔnnɔsun di.

Esɑi 21:9

Mɑ u mɑɑsɔbu wɑ bɑ sĩimɔ yiru yiru. Mɑ u wɑ Bɑbiloni yɑ wɔrumɑ birem. Mɑ bwɑ̃ɑroku ni bɑ kuɑ ben bũnun sɔ̃ nu wɔrukɑ temɔ nu bɔɔkirɑ.

Esɑi 37:19

bɑ nin bwɑ̃ɑrokunu dɔ̃ɔ mɛniki. Domi nu ǹ Gusunɔ. Nu sɑ̃ɑwɑ tɔmbun sɔmɑ ye bɑ kuɑ kɑ dɑ̃ɑ kɑ kpenu. Yen sɔ̃nɑ bɑ kpĩɑ bɑ nu kpeerɑsiɑ.

Esɑi 39:1

Yenibɑn biru Mɛrodɑki Bɑlɑdɑni, Bɑlɑdɑnin bii, Bɑbilonin sinɑ boko, u Esekiɑsi sɔmɔbu ɡɔriɑ kɑ tireru kɑ kɛ̃nu. Domi u nuɑ Esekiɑsi u bɑrɑ mɑ u bɛkurɑ.

Esɑi 46:1

Bũu wi bɑ mɔ̀ Bɛli, win dɑm kpeemɔ. Wi bɑ mɑɑ mɔ̀ Nɛbo, u ǹ mɑɑ do. Bɑ rɑ rɑɑ nu sɑ̃, ɑdɑmɑ tɛ̃, nu kuɑ kubɑ ni yɑɑ sɑbenu sɔɔwɑ. Yɑɑ sɑbe ni, nu mɑɑ wɑsirɑ sɔmu nin sɔ̃.

Esɑi 48:20

I yɑrio Bɑbilonin di i yen tɔmbu duki suurio. I nɑsɑrɑn womusu koowo, i kpɑrɑ hɑnduniɑn ɡoonu nnɛ sɔɔ i nɛɛ, wi, Yinni Gusunɔ u bɛɛ Yɑkɔbun bweseru yɑkiɑ, bɛɛ be i sɑ̃ɑ win sɔm kowobu.

Esɑi 48:6

I nuɑ ye nɑ rɑɑ ɡeruɑ. I mɑɑ wɑ ye kpuro yɑ koorɑ. I ǹ ko i ye wurɑ? Wee, tɛ̃ nɑ bɛɛ ɡɑ̃ɑ kpɑɑnu nɔɔsiɑmɔ ni nu beruɑ i ǹ nu yɛ̃.

Yeremi 10:11

Bɛɛ bwese tukunu, i swɑɑ dɑkio i nɔ, bɛɛn bũu ni, nu ǹ wɔllu kɑ tem tɑkɑ kue. Nin tii nu koo kɑm kowɑ mɑm mɑm.

Yeremi 10:15

Bɑ nu kuɑwɑ bu kɑ tɔmbu nɔni wɔ̃ke. Nu ǹ sɑ̃ɑ ɡɑ̃ɑnu. Nu koo kɑm ko sɔ̃ɔ teeru, dɔmɑ te Yinni Gusunɔ u koo nu siri.

Yeremi 31:10

Bɛɛ bwese tukunu, i nɛ, Yinni Gusunɔn ɡɑri swɑɑ dɑkio, kpɑ i yi kpɑrɑ i kɑ dɑ sere mi n tomɑ. I nɛɛ, nɛ wi nɑ Isirelibɑn bweseru yɑrinɑsiɑ, nɑ kon mɑɑ tu mɛnnɑ, kpɑ n tu kɔ̃su nɡe mɛ yɑ̃ɑ kpɑro u rɑ win yɑ̃ɑnu kɔ̃su.

Yeremi 4:16

I ye bwesenu kpuro nɔɔsio. Kpɑ i ye Yerusɑlɛmuɡibu sɔ̃ i nɛɛ, yibɛrɛbɑ bɑ wee sɑɑ tontonden di. Bɑ koo Yudɑbɑn wusu tɑbun kuuki koosi.

Yeremi 4:6

Bu ɡidi bɔrɑ sueyo Siɔni ɡiɑ bu duki yɑkuro bu ku yɔ̃rɑ. Domi Gusunɔ u koo de kɔ̃sɑ yu nɑ sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 46:14

ɑ Eɡibitiɡibu nɔɔsio kɑ be bɑ wɑ̃ɑ yen wuu si bɑ mɔ̀ Miɡidoli, kɑ Mɛnfisi, kɑ Tɑpɑnɛsi sɔɔ, ɑ nɛɛ, ben bɑɑwure u seewo u sɔɔru ko. Domi bɑ bu tɑbu wɔrimɑ bɑɑmɑn di.

Yeremi 50:46

Bɑbilonin kɑm koo bin wurenu sɔɔ, tem mu koo yĩiri, kpɑ wɔki bɑkɑnu nu se sɑɑ hɑnduniɑn bɑɑmɑ kpuron di.

Yeremi 51:12

I yĩreru koowo kpɑ i Bɑbiloni wɔri. Wuun kɔ̃sobu, bu wureo bu yɔ̃rɔ sɔmɛ ben kɔ̃su yerɔ. I Bɑbiloni yɔɔru bwɛ̃ɛyɔ. Domi ye Yinni Gusunɔ u yɔ̃rɑri u ko ye sɔɔ, u koo ye kowɑ.

Yeremi 51:27

I tɑbun ɡidi bɔrɑ yɔ̃rɑsio i Bɑbiloni wɔri. I kɔbɑ soowo kpɑ bwesenu nu mɛnnɑ. I nu sɔɔru koosio. I sinɑm be bɑ wɑ̃ɑ Arɑrɑtiɔ kɑ Miniɔ kɑ Asikenɑsiɔ mɛnnɑmɑ bu Bɑbiloni tɑbu wɔri. I tɑbu sinɑmbu ɡɔsio kpɑ i de dumi yi se nɡe twee yi bu wɔri.

Yeremi 51:31

Sɔmɔbu bɑ ko n dɑɑmɔ bɑ n wurɑmɑmɔ bu kɑ Bɑbilonin sinɑ boko sɔ̃ mɑ bɑ win wuu mwɑ beri berikɑ.

Yeremi 51:44

Yinni Gusunɔ u mɑɑ nɛɛ, kon Bɑbilonin bũu wi bɑ mɔ̀ Bɛli seesi. Kon nùn siɑsiɑ ye u rɑɑ mwɛ, kpɑ tɔmbu bu ku mɑɑ nɑ win mi. Wee Bɑbilonin ɡbɑ̃rɑrɑ wɔrumɑ.

Yeremi 51:47

Adɑmɑ sɔ̃ɔ teeru kon Bɑbilonin bũnu seesi, kpɑ yen tem kpuron tɔmbu bu sekuru wɑ. Gonu nu ko n tɛriewɑ bɑɑmɑ kpuro.

Yeremi 51:52

Adɑmɑ wi, Yinni Gusunɔ u nɛɛ, wee, tɔ̃nu sisi nì sɔɔ u koo Bɑbilonin bũnu seesi, kpɑ be bɑ mɛɛrɑ wɑn wuri yi nɔɔrɑ tem kpuro sɔɔ.

Yeremi 51:8

Wee subɑru sɔɔ, Bɑbiloni yɑ wɔrumɑ yɑ kɔsikirɑ. I ɡɔɔ swĩiyɔ yen sɔ̃, kpɑ i kɑ tim nɑ i doke mi yɑ bosu wɑ. Sɔrɔkudo yɑ koo bɛkurɑ.

Yeremi 52:31

Efili Mɛrodɑki Bɑbilonin sinɑ boko, win bɑndun wɔ̃ɔ ɡbiikuu sɔɔ, yerɑ u Yoyɑkini Yudɑbɑn sinɑ boko wɔlle suɑ mɑ u nùn yɑrɑ pirisɔm di win yoru dibun wɔ̃ɔ weeru itɑ sɑrise sɔɔ, yen suru wɔkurɑ yirusen sɔ̃ɔ yɛndɑ nɔɔbuse sɔɔ.

Yeremi 6:18

Yen sɔ̃, u nɛɛ, bɛɛ bwese ni nu tie, i swɑɑ dɑkio i nɔ ye yɑ koo nɛn tɔmbu deemɑ.

Dɑniɛli 1:2

Yerɑ Yinni Gusunɔ u derɑ u Yoyɑkimu kɑ win tɔmbu ɡɑbu mwɑ. Mɑ u derɑ u sɑ̃ɑ yerun dendi yɑ̃nu ɡɑnu ɡurɑ u kɑ dɑ Bɑbiloniɔ u yi win bũu dirun ɑrumɑnin beru yerɔ.

Dɑniɛli 3:14

Mɑ sinɑ boko Nɛbukɑnɛsɑɑ u bu bikiɑ u nɛɛ, kɑ ɡem, i yinɑwɑ i nɛn bũnu kɑ nɛn bwɑ̃ɑroku wurɑɡuu ɡe nɑ kuɑ mi sɑ̃?

Sofoni 2:11

Wi, Yinni Gusunɔ, u ǹ kɑ bu wɔnwɔndu mɔ̀. U koo hɑnduniɑ kpuron bũnu kɑm koosiɑ. Bɑɑ bwese ni nu wɑ̃ɑ tem burenɔ, nu koo yiirɑ win wuswɑɑɔ nin wusɔ.

Kɑ̃siru 18:2

U nɔɔɡiru suɑ u nɛɛ, yɑ wɔrumɑ, Bɑbiloni bɑkɑ ye, yɑ wɔrumɑ. Yɑ tɛ̃ kuɑ Setɑm bwɑ̃ɑbun wɑ̃ɑ yeru kɑ wɛrɛku kɔ̃su bɑɑɡeren kuku yeru kɑ ɡunɔ bɔrɔnuɡisu kɑ si su ɡɔbun wɑ̃ɑ yeru.