Yeremi 50:16 - Bibeli Gusunɔn Gari

¹⁶ Tɑbu wee kɑ kɑm kobu sɑnnu. I bu ɡoowo be bɑ duurumɔ kɑ be bɑ ɡɛ̃ɛmɔ. Bɑɑwure u seewo u dɑ win temɔ mi win bweserɑ wɑ̃ɑ.

Yeremi 50:16 ပူးပေါင်းရင်းမြစ်များ

Esɑi 13:14

Kpɑ be bɑ rɑɑ yoru dimɔ Bɑbiloniɔ bu duki wurɑ ben temɔ nɡe nɛmu ɡe bɑ ɡire. Bɑ koo duki yɑrinɑ bu dɑ ben tɔmbun mi nɡe yɑɑ sɑbe ni nu kun kpɑro mɔ.

Yeremi 25:38

Nɡe mɛ ɡbee sunɔ ɡɑ rɑ yɑri ɡen wɑ̃ɑ yerun di ɡu kɑ dĩɑnu kɑsu, nɡe mɛyɑ Yinni Gusunɔ u koo yɑri win wɑ̃ɑ yerun di, u de bwesenu nu ɡoonɑ kpɑ tem mu tɔmbu biɑ win mɔru bɑkɑn sɔ̃.

Yeremi 46:16

Nɑ derɑ ben tɑbu kowo dɑbiru tɑ sokurɑ tɑ wɔrukɑ. Mɑ bɑ mɔ̀, bu seewo bu wurɑ ben temɔ mi bɑ bu mɑrɑ, mi tɑbu sɑri.

Yeremi 51:23

Wunɑ nɑ mɑɑ dendɑ nɑ kɑ yɑ̃ɑ kpɑrobu kɑ ben yɑ̃ɑnu kɔsukɑ kɑ ɡbɑɑ wukobu kɑ ben nɑɑ wukubɑ kɑ sinɑmbu kɑ ben sinɑ ɑsɑkpɔbu.

Yeremi 51:9

Sɔɔ be bɑ wɑ̃ɑ mi, bɑ nɛɛ, sɑ Bɑbiloni tim kɑ̃, ɑdɑmɑ yɑ ǹ bɛkure. Su ye deri su ɡɔsirɑ bɛsɛn temɔ, domi yen sɛɛyɑsiɑ bi, bu kpɑ̃ sere bu nɔɔrɑ hɑnduniɑ kpuro sɔɔ.

Yoɛli 1:11

Gbee wukobu bɑ sɔ̃ biti sɔɔ. Be bɑ rɑ resɛm yewe, weeweenɑ bɑ mɔ̀. Domi dĩɑ bimi sɑri. Dĩɑnu kpuro nu kɑm kuɑ.

Amɔsu 5:16

Yen sɔ̃, Gusunɔ wɔllu kɑ tem Yinni u ɡeruɑ u nɛɛ, tɔmbɑ koo ɡɔɔ wuri ko yɑm kpuro, kpɑ bɑ n sumɔ swɛɛ sɔɔ, bɑ n mɔ̀, wee, wee! Bɑ koo ɡbɑɑ wukobu sokumɑ bu ɡɔɔ wooru sinɑ, kpɑ bu ɡɔɔ swĩiɡibu mɛnnɑmɑ.