Yeremi 50:13 - Bibeli Gusunɔn Gari

¹³ Yinni Gusunɔn mɔrun sɑɑbu, mu kuɑ bɑnsu. Be bɑ koo sɑrɑ Bɑbilonin tem mi, biti koo bu mwɑ kpɑ bu wiɑ ko.

Yeremi 50:13 ပူးပေါင်းရင်းမြစ်များ

Yeremi 18:16

Bɑ derɑ ben tem mu sɑnkirɑ. Mɑ tɔmbu bɑ bu yɛ̃ɛmɔ bɑɑdommɑ. Wi u sɑrɔ mi ɡesi, ù n mu wɑ, u rɑ wiru kpɑrewɑ.

Yeremi 49:17

Edɔmu yɑ koo kowɑ bɑnsu. Be bɑ sɑrɔ mi, bɑ̀ n ye wɑ, biti yɑ koo bu mwɑ kpɑ bu wiɑ ko ɑsɔrɔ yen sɔ̃.

Sɑkɑri 1:15

Mɛyɑ u kɑ bwese ni nu tii sue mɔru mɔ̀. Yellu u rɑɑ kɑ nu mɔru kuɑ fiiko. Mɑ nu Yerusɑlɛmu kɔ̃sɑ kuɑ.

Sofoni 2:15

Nɡe mɛyɑ wuu ɡe, ɡɑ koo ko, ɡe, ɡe ɡɑ rɑɑ tii sue mi, mɑ ɡɑ tɑmɑɑ ɡɑ wɑ̃ɑwɑ bɔri yɛndu sɔɔ, mɑ ɡɑ tii sɔ̃ɔmɔ ɡɑ mɔ̀, ɡerɑ ɡɑ kpuro kere. Wee ɡɑ wɔrumɑ ɡɑ bɑnsu kuɑ. Gɑ kuɑ yɛɛn wɑ̃ɑ yeru. Wi u sɑrɔ mi, u koo wiɑ kowɑ u nɔmɑ kpɑrɑ.

Yeremi 51:37

Bɑbiloni koo kowɑ bɑnsu mi ɡbeeku bɔ̃nu nu ko n wɑ̃ɑ. Tɔnu kun ko n mɑɑ wɑ̃ɑ mi, kpɑ bu ye yɛ̃ɛ.

Yeremi 25:12

Adɑmɑ wɔ̃ɔ wɑtɑ kɑ wɔku ten biru, Yinni Gusunɔ u koo Bɑbilonin sinɑ boko kɑ win tɔmbu seesimɑ ben torɑ ni bɑ kuɑn sɔ̃, kpɑ u ben tem kɑm koosiɑ mu ko bɑnsu sere kɑ bɑɑdommɑɔ.

Yeremi 19:8

Kpɑ n de Yerusɑlɛmu yu ko bɑnsu si bɑ koo yɛ̃ɛ. Wi u sɑrɔ mi kpuro, ù n ye wɑ, u biti soorɑ u wiɑ ko nɔni swɑ̃ɑ ten sɔ̃.

Yoobu 27:23

Tɔmbu bɑ̀ n wɑ mɛsum kpɑ bu nùn yɛ̃ɛ bɑ n tɑki mɔ̀, kpɑ bu nùn wiɑ koosi sɑɑ ye u doonɔ.

Sɔ̃ɔsiru 29:22

kɑ sɔ̃ɔ bisu kɑ bɔru sere bɑ ǹ kpɛ̃ bu ɡɑ̃ɑnu duure, ɡɑ̃ɑnu kun mɑm kpɛ̃ nu kpi mɛ sɔɔ bɑɑ yɑkɑsu su ǹ seemɔ mi. Bɑ mu kpeerɑsiɑwɑ nɡe Sodomu kɑ Gomɔrɑ kɑ Adimɑ kɑ Seboimu, wuu si Yinni Gusunɔ u kpeerɑsiɑ kɑ win mɔru bɑkɑ.

Yeremi 34:22

Kon de bu nɑ bu wuu ɡe wɔri bu dɔ̃ɔ mɛni kpɑ Yudɑn wusu su ko bɑnsu. Nɛ, Yinni Gusunɔwɑ nɑ yeni ɡeruɑ.

Yeremi 50:3

Bweseru ɡɑrɑ ye wɔrim wee sɑɑ sɔ̃ɔ yɛ̃sɑn nɔm ɡeu ɡiɑn di. Tɑ koo tem mɛ ɡɔsiɑwɑ bɑnsu. Goo kun ko n mɑɑ wɑ̃ɑ mi. Tɔmbu kɑ yɛɛ kpuro koo yɑrinɑ min di.

Yeremi 51:26

Bɑɑ wunɛn kperu ɡɑru, bɑ ǹ mɑɑ suɑmɔ bu kɑ dirun koru swĩi. Kɑɑ kowɑ bɑnsu sere kɑ bɑɑdommɑɔ. Nɛ, Yinni Gusunɔwɑ nɑ yeni ɡeruɑ.

Yeremi 51:29

Wee tem mu yĩirimɔ. Yinni Gusunɔn himbɑ yɑ koo koorɑ Bɑbiloni sɔɔ. U koo de yu ko bɑnsu.

Yeremi 51:62

Kpɑ ɑ kɑnɑru ko ɑ nɛɛ, Yinni Gusunɔ, wunɑ ɑ ɡeruɑ ɑ nɛɛ, ɡoo kun mɑɑ sinɑmɔ Bɑbiloniɔ sere kɑ yɛɛyɔ. Yɑ koo kowɑ bɑnsu sere kɑ bɑɑdommɑɔ.

Esekiɛli 27:36

Tem tukum tenku be bɑ koo sɑrɑ mi, biti koo bu mwɑ kpɑ bu nun wiɑ koosi. Domi ɑ kɑm kuɑ. A ǹ kɑɑ n mɑɑ wɑ̃ɑ sere kɑ bɑɑdommɑ.