Yeremi 5:9 - Bibeli Gusunɔn Gari

⁹ Mbɑn sɔ̃nɑ nɑ ǹ ko n bwese teni mɔru kɔsie, kpɑ n tu sɛɛyɑsiɑ yenin sɔ̃.

Yeremi 5:9 ပူးပေါင်းရင်းမြစ်များ

Mɔnnu 6:29

Nɡe mɛyɑ ɑ ǹ kpɛ̃ ɑ ɡoon kurɔ bɑbɑ bɑ kun nun sɛɛyɑsie.

Esɑi 1:24

Yen sɔ̃, i swɑɑ dɑkio i nɔ ye nɛ Gusunɔ, wɔllu kɑ tem Yinni nɑ ɡerumɔ, nɛ wi nɑ sɑ̃ɑ bɛɛ Isirelibɑn dɑm. Nɑ nɛɛ, kon bɛɛ nɛn yibɛrɛbɑ mɔru kɔsie kpɑ nɛn mɔru yu wɑ yu sure.

Esɑi 57:6

Bɛɛ Isirelibɑ, dɑɑ torin kpee ɡoriyɑ yi sɑ̃ɑ bɛɛn bũnu. I rɑ yi yɑ̃kunu koosi kpɑ i yi tɑm wisi. I tɑmɑɑ nɛ, Yinni Gusunɔ, kon ye tii mɑrisiwɑ?

Yeremi 32:31

Sɑɑ mìn di bɑ wuu ɡe swĩi, n kɑ ɡirɑri ɡisɔ, ɡen tɔmbu bɑ rɑ nɛn mɔru seeyewɑ. Yen sɔ̃nɑ nɑ ǹ kĩ n ɡu wɑ nɛn wuswɑɑɔ.

Yeremi 44:22

Aɑwo, u ǹ ye duɑri. U kɑ bɛɛ wɑsirɑwɑ bɛɛn kom kɔ̃sum sɔ̃ kɑ dɑɑ kɔ̃sɑ ye i kuɑn sɔ̃. Yen sɔ̃nɑ bɛɛn tem mu kuɑ bɑnsu. Goo mɑɑ sɑri mɛ sɔɔ. Mɑ mu kuɑ tem bɔ̃rurɑm nɡe mɛ sɑ wɑɑmɔ ɡisɔ.

Yeremi 5:10

Nɛ, Yinni Gusunɔ, kon bu yibɛrɛbɑ suremɑ, be, be bɑ sɑ̃ɑ nɡe nɛn resɛm ɡbɑɑru. Bɑ koo ten kɑrɑ surɑ kpɑ bu ten dɑ̃ɑ kɑ̃ɑsi bɔɔri yi yi ǹ sɑ̃ɑ nɛɡii. Adɑmɑ bɑ ǹ ɡbɑɑ te kɑm koosiɑmɔ kpuro.

Yeremi 5:29

Mbɑn sɔ̃nɑ nɑ ǹ kon bwese teni mɔru kɔsie, kpɑ n bu sɛɛyɑsiɑ yenin sɔ̃.

Yeremi 6:11

Yinni Gusunɔ, wee, nɑ kɑ tɔn be mɔru mɔ̀ wunɛn sɔ̃. Nɑ kpɑnɑ n tii nɛnɛ. Mɑ Yinni Gusunɔ u nɛɛ, ɑ de mɔru ye ɑ mɑn kuɑmmɛ mi, yu wɔri bibu sɔɔ be bɑ dweemɔ dɑ̃ɑ sɑɑnɔ, kɑ sere mɑɑ ɑluwɑɑsibɑn wuunu sɔɔ. Domi kurɔbu kɑ durɔbu kɑ tɔkɔnu, kpurowɑ bɑ koo ɡurɑ bu kɑ doonɑ.

Yeremi 6:6

Mɑ Yinni Gusunɔ u bu sɔ̃ɔwɑ u nɛɛ, bu dɑ̃ɑ bɔɔrio kpɑ bu kɑ ye sɑsɑnu ɡirɑ bu kɑ Yerusɑlɛmu sikerenɑ, bu ye sɛɛyɑsiɑ yèn sɔ̃ yen tɔmbɑ dɑm dɔrenɑmɔ.

Yeremi 9:8

Yenibɑn sɔ̃, kon bu sɛɛyɑsiɑ kpɑ n bu mɔru kɔsie. Nɛ, Yinni Gusunɔwɑ nɑ yeni ɡeruɑ.

Yeremi 9:9

Yeremi u nɛɛ, kon ɡuunu kɑ mi bɑ rɑ rɑɑ yɑɑ sɑbenu kpɑre swĩiyɑ. Domi nu ɡberɑ, ɡoo ku rɑ mɑɑ sɑre mi, bɑ ku rɑ mɑɑ yɑɑ sɑbenun wuri nɔ mi. Mɑ ɡunɔsu kɑ ɡbeeku yɛɛ yi duki yɑkikirɑ min di. Gɑ̃ɑnu kun mɑɑ wɑ̃ɑ mi.

Swĩi 3:42

Su nɛɛ, Yinni, sɑ durum kuɑ, sɑ nun seesi. A ǹ sun suuru kue.

Swĩi 4:22

Bɛɛ Yerusɑlɛmuɡibu, bɛɛn sɛɛyɑsiɑbu kpɑ. Bɑ ǹ mɑɑ bɛɛ yoru mwɑɑmɔ bu kɑ doonɑ. Adɑmɑ bɛɛ Edɔmubɑ, Yinni Gusunɔ u koo bɛɛ mɔru kɔsiɑ, kpɑ u bɛɛn torɑnu terɑsiɑ.

Esekiɛli 7:9

Nɑ ǹ bɛɛ mɛɛrimɔ kɑ wɔnwɔndu. Nɑ̀ n bɛɛ sɛɛyɑsiɑmɔ, nɑ ǹ mɑɑ tii nɛnumɔ. Kɔ̃sɑ ye i kuɑ yerɑ kon bɛɛ kɔsie kpɑ i ɡiɑ mɑ nɛ, Yinni Gusunɔwɑ nɑ bɛɛ sɛɛyɑsiɑ.

Osee 2:13

Kon win nuku dobu kpuro kpeerɑsiɑ kɑ tɔ̃ɔ bɑkɑ ni u rɑ ko suru kɑ suru kɑ tɔ̃ɔ wɛ̃rɑruɡiru kɑ sere mɛnnɔ si u rɑ ko sɑ̃ɑrun swɑɑ sɔɔ.

Osee 8:13

Bɑ rɑ yɛɛ ɡo bu kɑ mɑn yɑ̃kuru kuɑ, kpɑ bu yin yɑɑ tem. Adɑmɑ ben yɑ̃ku ni, nu ǹ mɑn doremɔ. Nɑ ǹ ben torɑnu duɑri. Kon bu sɛɛyɑsiɑ. Yen sɔ̃nɑ bɑ koo ɡɔsirɑ bu dɑ Eɡibitiɔ.

Sɑ̃ɑrun Woodɑ 18:25

Bɑ tem mɛn tii disi doke, mɑ nɑ mu sɛɛyɑsiɑ mɑ mu mɛn tɔmbu yɑrinɑsiɑ.

Sɑ̃ɑrun Woodɑ 26:25

Kon de tɑbu bu bɛɛ wɔri yèn sɔ̃ i nɛn ɑrukɑwɑni kusiɑ. Ì n mɛnnɑ i kukuɑ bɛɛn wusɔ, kon de bɑrɑru tu bɛɛ wɔri kpɑ yibɛrɛbɑ bu bɛɛ nɔmɑ turi.

Nɑhumu 1:2

Yinni Gusunɔ u sɑ̃ɑwɑ nisinuɡii. U rɑ mɔru kɔsie. Win mɔru yɑ kpɑ̃. U rɑ win yibɛrɛbɑ mɔru kɔsie. U ku rɑ bu suuru kue.

Sɔ̃ɔsiru 32:35

Wiyɑ u koo bu mɔru kɔsie u bu sɛɛyɑsiɑ. Tɔ̃ru ɡɑrɑ sisi tè sɔɔ bɑ koo wɔrumɑ. Tɔ̃ɔ te, nɔni swɑ̃ɑruɡirɑ, tɑ ǹ mɑɑ tɛɛmɔ.

Sɔ̃ɔsiru 32:43

Bɛɛ bwese tukunu, i Yinni Gusunɔn tɔmbu tɔmɔ, domi u koo bu mɔru bɑrɑ, kpɑ u bu ben torɑnu suuru kuɑ u ben tem dɛɛrɑsiɑ.