Yeremi 5:8 - Bibeli Gusunɔn Gari

⁸ Bɑ sɑ̃ɑwɑ nɡe dum dwɛɛ yi yi debɑ yi wuri mɔ̀ yi kurɔbu ɡire. Nɡe mɛyɑ bɑ rɑ n ben berusebun kurɔbu nɑɑ ɡire, bɑ n kpeeki mɔ̀.

Yeremi 5:8 ပူးပေါင်းရင်းမြစ်များ

Torubu 39:9

U ǹ mɑn dɑm kere yɛnu ɡe sɔɔ, u ǹ mɑɑ mɑn ɡɑ̃ɑnu yinɑri mɑ n kun mɔ wunɛ tɔnɑ yèn sɔ̃ ɑ sɑ̃ɑ win kurɔ. Yerɑ kon ɡɑ̃ɑ ninin bweseru ko kpɑ n Gusunɔ torɑri?

Yoobu 31:9

Nɑ̀ n mɑɑ kurɔ ɡoo binɛ kuɑ, ǹ kun mɛ nɑ̀ n nùn yinɑ bɛriɑ win dii kɔnnɔwɔ,

Yɑribu 20:14

I ku rɑ sɑkɑrɑru ko.

Yɑribu 20:17

I ku rɑ bɛɛn tɔnusin diru binɛ ko, ǹ kun mɛ win kurɔ, ǹ kun mɛ win yobu, ǹ kun mɛ win yɑɑ sɑbenu, ye n sɑ̃ɑ wunɛn tɔnusin ɡɑ̃ɑnu kpuro ɡesi.

Mɔnnu 6:29

Nɡe mɛyɑ ɑ ǹ kpɛ̃ ɑ ɡoon kurɔ bɑbɑ bɑ kun nun sɛɛyɑsie.

Yeremi 13:27

Nɑ wɑɑmɔ sɑkɑrɑru kɑ kuuki yi ɑ mɔ̀, sɑnɑm mɛ ɑ bũnu ɡɑsirimɔ ɑ sɑ̃ɑmɔ ɡuunu wɔllɔ kɑ yɑkɑsɔ. Yɑ sɑ̃ɑwɑ ɡɑ̃ɑ kɔ̃sunu nɛn nɔni sɔɔ. Yen sɔ̃, wunɛ Yerusɑlɛmu, kɑɑ kɑm ko ɑ̀ kun tii dɛɛrɑsie. Sɑɑ yerɑ̀ ɑ mɑrɑ, ɑ kɑ tii dɛɛrɑsiɑ.

Yeremi 23:10

tɔmbɑ yibɑ tem mɛ sɔɔ, be bɑ sɑkɑrɑru mɔ̀. Kɔ̃sɑ bɑ nɑɑ ɡire. Miyɑ ben dɑm mu wɑ̃ɑ. Yen sɔ̃nɑ tem mɛ, mu sɑnkire, mɑ mɛn kpɑrɑ yee ni nu wɑ̃ɑ ɡbɑburun berɑ ɡiɑ nu ɡberɑ. Domi u mu bɔ̃rusi.

Yeremi 29:23

Domi tɔn be, bɑ ɡɑ̃ɑ kɔ̃sunu kuɑ, bɑ sɑkɑrɑru kuɑ kɑ ben berusebun kurɔbu. Mɑ bɑ weesu kuɑ kɑ wi, Yinni Gusunɔn yĩsiru, bɑɑ mɛ u ǹ bu yiire. Adɑmɑ u yɛ̃ ye bɑ kuɑ kpuro, u sɑ̃ɑ yen seedɑɡii.

Yeremi 50:11

Bɛɛ Bɑbiloniɡibu, bɛɛ be i nɛn ɑrumɑni ɡurɑ, i nuki doro. I n yɔ̃ɔkumɔ nɡe nɑɑ kpɛmi yɑkɑsɔ. I n sumɔ nɡe dum dwɛɛ.

Yeremi 9:2

Yinni Gusunɔ u ɡeruɑ u nɛɛ, bɑ rɑ n nɔɔ dɛ̃ɛrɑwɑ bu kɑ weesu ko. Bɑ ku rɑ tem mɛ kpɑre dee dee ɡem sɔɔ, sere kɑ weesu. Wee siyɑ su kuɑ ben dɑm. Bɑ rɑ n nuku kɔ̃suru mɔ̀wɑ bɑ n dɔɔ. Mɛyɑ bɑ ku rɑ nɛ, Yinni Gusunɔ wure.

Esekiɛli 22:11

Gɑbɑ mɑɑ wɑ̃ɑ bɑ sɑkɑrɑru mɔ̀ kɑ ben bensim kurɔbu, ǹ kun mɛ kɑ ben biin kurɔ ǹ kun mɛ kɑ ben sesu tundo turosibu.

Sɔ̃ɔsiru 5:18

Su ku rɑ sɑkɑrɑru ko.

Sɔ̃ɔsiru 5:21

Su ku rɑ bɛsɛn tɔnusin kurɔ binɛ ko, ǹ kun mɛ win diru, ǹ kun mɛ win ɡberu, ǹ kun mɛ win sɔm kowo tɔn durɔ ǹ kun mɛ tɔn kurɔ, ǹ kun mɛ win kɛtɛ, ǹ kun mɛ win kɛtɛku, win ɡɑ̃ɑnu kpuro ɡesi.