Yeremi 5:7 - Bibeli Gusunɔn Gari

⁷ Yinni Gusunɔ u nɛɛ, mbɑn sɔ̃nɑ kon nɛn tɔmbun durum wɔkɑ. Domi wee, bɑ mɑn deri mɑ bɑ bɔ̃rumɔ kɑ bũnun yĩsinu. Nɑ bu debiɑ, ɑdɑmɑ bũnɑ bɑ kɑ ɑrukɑwɑni bɔkuɑ bɑ nu ɡɑsirimɔ.

Yeremi 5:7 ပူးပေါင်းရင်းမြစ်များ

Bɑndun Gɑri II 13:9

Mɑ i Yinni Gusunɔn yɑ̃ku kowobu Aronin bibu kɑ sere Lefibɑ yinɑ. Mɑ i tii yɑ̃ku kowo kpɑobu kuɑ nɡe bwese tukunu. Wi u ɡesi seewɑ u kɑ nɑɑ kpɛmɑ kɑ yɑ̃ɑ kinɛnu nɔɔbɑ yiru nɑ, wiyɑ bɑ rɑ ko bwɑ̃ɑroku nin yɑ̃ku kowo, ni, ni nu ǹ sɑ̃ɑ Gusunɔ.

Womusu 50:18

À n ɡbɛnɔ wɑ, ɑ rɑ kɑ nùn nɔɔ tiɑ ko, ɑ rɑ n wɑ̃ɑ kɑ sɑkɑrɑ kowobu.

Yeremi 12:16

Geemɑ bɑ rɑɑ nɛn tɔmbu sɔ̃ɔsi bu bɔ̃re kɑ bũu wi bɑ mɔ̀ Bɑɑlin yĩsiru, ɑdɑmɑ bɑ̀ n ɡɔ̃ru ɡɔsiɑ, bɑ mɔ̀ nɡe mɛ n weenɛ nɛn tɔmbu bu ko, kpɑ bɑ n bɔ̃rumɔ bɑ n mɔ̀, kɑ nɛ, Yinni Gusunɔn wɑ̃ɑru. Sɑɑ yerɑ kon de bu sinɑ kɑ nuku dobu nɛn tɔmbun suunu sɔɔ.

Yeremi 13:27

Nɑ wɑɑmɔ sɑkɑrɑru kɑ kuuki yi ɑ mɔ̀, sɑnɑm mɛ ɑ bũnu ɡɑsirimɔ ɑ sɑ̃ɑmɔ ɡuunu wɔllɔ kɑ yɑkɑsɔ. Yɑ sɑ̃ɑwɑ ɡɑ̃ɑ kɔ̃sunu nɛn nɔni sɔɔ. Yen sɔ̃, wunɛ Yerusɑlɛmu, kɑɑ kɑm ko ɑ̀ kun tii dɛɛrɑsie. Sɑɑ yerɑ̀ ɑ mɑrɑ, ɑ kɑ tii dɛɛrɑsiɑ.

Yeremi 16:11

Sɑɑ ye sɔɔrɑ kɑɑ bu wisi ɑ nɛɛ, ben bɑɑbɑbɑ bɑ mɑn deri, mɑ bɑ dɑ bɑ bũnu sɑ̃wɑ bɑ yiirɑ nin nuurɔ, mɑ bɑ mɑn biru kisi, bɑ ǹ nɛn woodɑbɑ mɛm nɔɔwɛ.

Yeremi 16:20

Tɔnu u koo kpĩ u tii kuɑ ye u koo sɑ̃. Adɑmɑ kɑ ɡem, nu ǹ sɑ̃ɑ Gusunɔ.

Yeremi 2:11

u kɑ wɑ bweseru ɡɑru tɑ̀ n ten bũnu kɔsire bɑɑ mɛ nu ǹ sɑ̃ɑ ɡem, nɡe mɛ bɛɛ, i Gusunɔ deri wi u sɑ̃ɑ bɛɛn bɛɛrɛ. Mɑ i wurɑ yè sɔɔ i ǹ ɑrufɑɑni ɡɑɑ wɑsi.

Yeremi 2:31

Bɛɛ Isirelibɑ, bɛɛ be i tie, i nɛ, Yinni Gusunɔn ɡɑri swɑɑ dɑkio i nɔ. Nɑ bɛɛ sɑ̃ɑwɛwɑ nɡe tem mi ɡɑ̃ɑnu ku rɑ kpi? Nɑ bɛɛ sɑ̃ɑwɛwɑ nɡe yɑm wɔ̃ku nɑnumɡiru? Mbɑn sɔ̃nɑ bɛɛ nɛn tɔmbu i ɡerumɔ i mɔ̀, i tii mɔ, i ǹ ɡɔsirɑmɑmɔ nɛn mi.

Yeremi 23:10

tɔmbɑ yibɑ tem mɛ sɔɔ, be bɑ sɑkɑrɑru mɔ̀. Kɔ̃sɑ bɑ nɑɑ ɡire. Miyɑ ben dɑm mu wɑ̃ɑ. Yen sɔ̃nɑ tem mɛ, mu sɑnkire, mɑ mɛn kpɑrɑ yee ni nu wɑ̃ɑ ɡbɑburun berɑ ɡiɑ nu ɡberɑ. Domi u mu bɔ̃rusi.

Yeremi 3:19

Nɛ, Yinni Gusunɔ nɑ ɡeruɑ nɑ nɛɛ, kon dɑɑ bɛɛ Isirelibɑ kowɑ nɛn bii kĩnɑsibu, kpɑ n bɛɛ tem ɡem wɛ̃ mɛ mu burɑm bo hɑnduniɑ yeni sɔɔ. Nɑ rɑɑ tɑmɑɑ i ko mɑn sokuwɑ bɛɛn Bɑɑbɑ, kpɑ i ku mɑɑ mɑn deri.

Yeremi 3:8

Isirelibɑ bɑ tem mɛ disi doke ben bũu ɡɑsiribun sɔ̃ kɑ ben sekuru sɑrirun sɔ̃ te bɑɑwure u ɡerumɔ. Mɑ bɑ bũu sɑ̃ɑmɔ kpenu kɑ dɑ̃nun nuurɔ. Yen sɔ̃nɑ nɑ bu yinɑ mɑ nɑ bu yinɑbun tireru wɛ̃. Kɑ mɛ, nɑ wɑ Yudɑbɑ bɑ ǹ bɛrum kue. Bɑ dɑwɑ bɑ bũnu ɡɑsirɑ ben tii. Bɑ ǹ wurɑmɛ nɛn mi kɑ ben ɡɔ̃ru kpuro. Weesu sɔɔrɑ bɑ yɔ̃.

Yeremi 7:9

Bɑ rɑ n ɡbɛnimɔ, bɑ rɑ n tɔmbu ɡoomɔ, bɑ rɑ n sɑkɑrɑru mɔ̀, kpɑ bɑ n nɔɔ mwɛɛ weesuɡinu mɔ̀, kpɑ bɑ n bũu wi bɑ mɔ̀ Bɑɑli turɑre dɔ̃ɔ dokeɑmmɛ, kpɑ bɑ n mɑɑ bũu sɑ̃ɑru mɔ̀ te bɑ ku rɑ rɑɑ ko.

Yeremi 9:1

Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.

Yeremi 9:2

Yinni Gusunɔ u ɡeruɑ u nɛɛ, bɑ rɑ n nɔɔ dɛ̃ɛrɑwɑ bu kɑ weesu ko. Bɑ ku rɑ tem mɛ kpɑre dee dee ɡem sɔɔ, sere kɑ weesu. Wee siyɑ su kuɑ ben dɑm. Bɑ rɑ n nuku kɔ̃suru mɔ̀wɑ bɑ n dɔɔ. Mɛyɑ bɑ ku rɑ nɛ, Yinni Gusunɔ wure.

Swĩi 3:42

Su nɛɛ, Yinni, sɑ durum kuɑ, sɑ nun seesi. A ǹ sun suuru kue.

Esekiɛli 22:11

Gɑbɑ mɑɑ wɑ̃ɑ bɑ sɑkɑrɑru mɔ̀ kɑ ben bensim kurɔbu, ǹ kun mɛ kɑ ben biin kurɔ ǹ kun mɛ kɑ ben sesu tundo turosibu.

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Osee 13:6

Sɑnɑm mɛ bɑ duɑ tem mɛ sɔɔ, bɑ di bɑ debɑ nɡe yɑɑ sɑbe ni bɑ kpɑre, mɑ bɑ tii suɑbu toruɑ bɑ mɑn duɑri.

Osee 4:2

I nɔɔ mwɛɛnu mɔ̀ kɑ bɔ̃ri, ɑdɑmɑ weesɑ i mɔ̀. Mɛyɑ i mɑɑ tɔmbu ɡoomɔ, i ɡbɛnimɔ, i sɑkɑrɑru mɔ̀. I dɑm dɔrenɑmɔ, mɑ tɔn ɡoberɑ sosimɔ tɑ dɔɔ.

Osee 7:4

Be kpuro bɑ sɑ̃ɑwɑ sɑkɑrɑ kowobu bɑ sum nɡe pɛ̃ɛ wɔ̃ɔ yeru te pɛ̃ɛ kowo u dɔ̃ɔ doke u deri. Mɑ u dɑ u win pɛ̃ɛ som burɑ u yi sere mu kɑ se.

Sɑ̃ɑrun Woodɑ 20:10

Goo ù n kɑ ɡoon kurɔ kpunɑ, bɑ koo kurɔ wi kɑ durɔ wi ɡowɑ.

Amɔsu 8:14

Be bɑ bɔ̃rumɔ kɑ Sɑmɑriɡibun bũnun yĩsiru bɑ mɔ̀, kɑ bũu wi u wɑ̃ɑ Dɑnuɔn wɑ̃ɑru, ǹ kun mɛ kɑ sɑ̃ɑ te bɑ mɔ̀ Beri Sebɑɔ, be kpurowɑ kon de bu wɔruku, kpɑ bu kpɑnɑ bu se.

Sofoni 1:5

Be bɑ dii tɛɛri wɔllɔ kperi kɑ suru sɑ̃ɑmɔ kɑ be bɑ bɔ̃rumɔ kɑ nɛ, Yinni Gusunɔn yĩsiru, mɑ bɑ wure bɑ bɔ̃rumɔ kɑ ben bũun yĩsiru, be kpurowɑ kon ɡo.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Korinti I 6:9

Bɛɛ, i ǹ yɛ̃ mɑ ɡem sɑriruɡibɑ kun kpɛ̃ bu ɑyeru wɑ bɑn te Gusunɔ u swĩi sɔɔ? I ku de bu bɛɛ nɔni wɔ̃ke. Kurɔ dɑmɑ kowobu kɑ bũuɡibu, kɑ sɑkɑrɑ kowobu kɑ be bɑ kɑ ben tɔn durɔsibu kpunɑmɔ

Korinti I 8:4

Tɛ̃ dĩɑ ni bɑ kɑ bũu yɑ̃kuru kuɑ, ɑmɛniwɑ nin dibun ɡɑri sɑ̃ɑ. Sɑ yɛ̃ mɑ bũu kun ɡɑ̃ɑnu hɑnduniɑ sɔɔ. Sɑ mɑɑ yɛ̃ mɑ Gusunɔ turowɑ wɑ̃ɑ.

Gɑlɑti 4:8

Yellu i ǹ Gusunɔ yɛ̃, mɑ i sɑ̃ɑ ɡɑ̃ɑnun yobu ni nu ǹ sɑ̃ɑ Gusunɔ.

Sɔ̃ɔsiru 32:15

Ye bɑ debɑ bɑ kpɑ mɑ bɑ Gusunɔ seesi. Ye bɑ bɔriɑ bɑ kpɑ, yerɑ bɑ wi, Gusunɔ ben tɑkɑ kowo deri. Mɑ bɑ nùn ɡɛmɑ wi, wi u sɑ̃ɑ ben fɑɑbɑ kowo.

Sɔ̃ɔsiru 32:21

Bɑ win mɔru kɑ win nisinu seeyɑ ben bũu ni bɑ sokumɔ Gusunɔn sɔ̃, ni nu ǹ sɑ̃ɑ ɡɑ̃ɑnu. Yen sɔ̃nɑ u nɛɛ, wi, u koo mɑɑ bwese wiirɑruɡiru sokusiɑ u kɑ ben mɔru seeyɑ, kpɑ u ben nisinu seeyɑ kɑ bwese te, te bɑ ǹ ɡɑrisi ɡɑ̃ɑnu.

Heberu 13:4

I de bɑɑwure u n durɔ kɑ kurɔn suɑnɑɑn bɛɛrɛ yɛ̃ kpɑ durɔ kɑ kurɔ sɔɔ torɑrɑ kun wɑ̃ɑ. Domi Gusunɔ u koo bu siri be bɑ kɔ̃ɔ mɛnnɑmɔ tɑntɑnɑru sɔɔ kɑ be bɑ sɑkɑrɑru mɔ̀.

Yɑkɔbu 4:4

Bɛɛ be i ǹ kɑ tɔn turo yɔ̃, i ǹ yɛ̃ mɑ hɑnduniɑn bɔrɔ Gusunɔn yibɛrɛwɑ? Ǹ n mɛn nɑ wi u kĩ u ko hɑnduniɑn bɔrɔ, u tii kuɑ Gusunɔn yibɛrɛ.

Yosue 23:7

I ku kɑ bwese tuku ni nu wɑ̃ɑ bɛɛn suunu sɔɔ ɑrukɑwɑni bɔke i suɑnɑ. I ku yiirɑ i nin bũnu sɑ̃. I ku mɑɑ kɑ nin yĩsɑ bɔ̃re.