Yeremi 5:3 - Bibeli Gusunɔn Gari

³ Yinni, n ǹ wi u ɡem swĩi, wiyɑ ɑ kɑsu? Wee, ɑ bu surɑ ɑdɑmɑ bɑ nun ɑtɑfiiru kuɑ. A bu nɔni sɔ̃ɔwɑ, ɑdɑmɑ kɑ mɛ, bɑ ǹ ɡɑ̃ɑnu ɡie. Ben ɡɔ̃ru ɡɑ bɔbiɑwɑ nɡe kperu. Bɑ yinɑ bu wurɑmɑ wunɛn mi.

Yeremi 5:3 ပူးပေါင်းရင်းမြစ်များ

Torubu 19:34

Yen sisiru yerumɑ wi, u win wɔnɔ sɔ̃ɔwɑ u nɛɛ, wee, ɡĩɑ wɔ̃kuru nɑ derɑ bɛsɛn tundo kɑ mɑn kpunɑ. Su kpɑm nùn tɑm nɔrusiɑ wɔ̃ku te, kpɑ wunɛ ɑ mɑɑ dɑ u kɑ nun kpunɑ kpɑ win bweseru tu ku ɡbi.

Sinɑmbu I 13:33

Bɑɑ mɛ bɑ Yeroboɑmu kirɔ kuɑ, kɑ mɛ, u ǹ win ɡɔ̃ru ɡɔsie. U mɑɑ kpɑm bũu yɑ̃ku kowobu ɡɔsɑwɑ win tɔmbu sɔɔ, be bɑ yen kĩru mɔ.

Sinɑmbu II 1:13

Yerɑ Akɑsiɑ u kpɑm wiruɡii ɡoo ɡɔrɑ nɔn itɑse kɑ tɔmbu weerɑɑkuru. Ye wiruɡii wi, u turɑ mi, yerɑ u yɔɔwɑ sere mi Eli u sɔ̃, mɑ u yiirɑ win wuswɑɑɔ u nùn kɑnɑ u nɛɛ, Gusunɔn sɔmɔ wunɛ, nɑ nun kɑnɑmɔ, ɑ nɛ kɑ tɔmbu weerɑɑkuu ten wɑ̃ɑru mɛɛrio.

Bɑndun Gɑri II 16:9

Domi Yinni Gusunɔ u kpuro mɛɛrɑ hɑnduniɑ ye sɔɔ u kɑ wɑ be bɑ nùn kĩ kɑ ben ɡɔ̃ru kpuro. Adɑmɑ wunɛ, ɑ ɡɑri bɑkɑ kookoosu kuɑ ɡɑri yi sɔɔ. Yen sɔ̃, sɑɑ tɛ̃n di, bɑ koo kɑ nun tɑbu ko.

Bɑndun Gɑri II 28:22

Sɑnɑm mɛ u wɑ̃ɑ nuku sɑnkirɑnu sɔɔ, kɑ mɛ, u Yinni Gusunɔ mɛm nɔɔbu sɑriru koosimɔwɑ u dɔɔ.

Womusu 51:6

Wunɛ turowɑ nɑ torɑri, nɑ mɑɑ kuɑ ye yɑ ǹ nun dore. Yen sɔ̃, ɑ ɡem mɔ ye ɑ kɑ mɑn tɑɑrɛ wɛ̃. Wunɛn siribu bu dɛnde.

Womusu 51:8

Adɑmɑ ɡemɑ ɑ bikiɑmɔ ɡɔ̃ruɔ. Ǹ n mɛn nɑ, ɑ de wunɛn bwisi yi n mɑn wɑ̃ɑsi.

Womusu 55:20

Yinni Gusunɔ, wunɛ wi ɑ sɔ̃ wunɛn sinɑ ɡɔnɑɔ sere kɑ bɑɑdommɑɔ, wunɑ kɑɑ nɛɡii nɔ, kpɑ ɑ bu sekuru doke. Domi n ǹ koorɔ bu ɡɔ̃ru ɡɔsiɑ yèn sɔ̃ bɑ ǹ nun nɑsie.

Mɔnnu 21:29

Tɔn kɔ̃so u rɑ n sɑ̃ɑwɑ nɡe wi u nɑɑnɛ mɔ, ɑdɑmɑ ɡemɡii u rɑ n yɛ̃ mɑ u ɡeɑ mɔ̀.

Mɔnnu 22:12

Yinni Gusunɔ u rɑ yɛ̃ruɡiin ɡere nɔni doke, ɑdɑmɑ u rɑ weesuɡiin ɡere sɔ̃ɔsiwɑ weesu.

Mɔnnu 23:35

Kɑɑ ɡere ɑ nɛɛ, bɑ nun so ɑdɑmɑ n ǹ nun due. Bɑ nun dɑ̃ɑ kpɑsirɑ, wunɛn ɡɑm kun mɑɑ nun dumɔ. Dommɑ kɑɑ dom se, ɑ kɑ mɑɑ mu kɑsu ɑ nɔ.

Mɔnnu 27:22

Bɑɑ ɑ̀ n ɡɑri bɔkɔ doke sorɔ ɑ sunɑ nɡe dĩɑ bimɑ, win ɡɑri bɑkɑrɑ kun kpeemɔ.

Esɑi 26:11

Yinni Gusunɔ, ɑ dɑm mɔ, ɑdɑmɑ wunɛn yibɛrɛbɑ bɑ ǹ mu wɑɑmɔ. A de bu wunɛn hɑniɑ wɑ ye ɑ kɑ wunɛn tɔmbu wɔrɑmɔ, kpɑ bu sekuru wɑ bu dɔ̃ɔ mwɑɑrɑ.

Esɑi 42:25

Yen sɔ̃nɑ u kɑ sun mɔru bɑrɑ too. U derɑ bɑ sun tɑbu wɔri kɑ dɑm. Tɑbu sun sikerenɛ nɡe dɔ̃ɔ. Bu sun di, ɑdɑmɑ sɑ ǹ tubɑ. Sɑ ǹ mɑm lɑɑkɑri kue.

Esɑi 48:4

Nɑ yɛ̃ i tɑu, mɑ i wĩiru bɔɔbu, mɑ bɛɛn sirikɑnɑ dɑm mɔ nɡe sisu.

Esɑi 9:13

Yen sɔ̃nɑ u koo Isirelibɑn wiru kɑ ben siru burɑ sɔ̃ɔ teerun sɔ̃ɔ.

Yeremi 15:7

Kon nɛn tɔn be sɑrɑwɑ nɡe dobi wusun ɡbɑ̃rɑ kɔnnɔsɔ. Kon de bu ben bibu biɑ, kpɑ n bu kɑm koosiɑ. Domi bɑ yinɑ bu ben swɛɛ kɔ̃si deri.

Yeremi 17:23

Geemɑ, ben bɑɑbɑ be, bɑ swɑɑ tɑɑyɑ. Bɑ ǹ mɑn swɑɑ dɑki. Bɑ nɛn sɔ̃ɔsinu yinɑ.

Yeremi 19:15

Gusunɔ Isirelibɑn Yinni wi u wɔllu kɑ tem mɔ u nɛɛ, wee u koo de kɔ̃sɑ ye u rɑɑ ɡeruɑ kpuro yu Yerusɑlɛmu kɑ yen wuu si su tie deemɑ. Domi sin tɔmbɑ swɑɑ tɑɑyɑ, bɑ ǹ win ɡere nuɑ.

Yeremi 2:30

Kɑm sɔɔrɑ nɑ bɛɛ sɛɛyɑsiɑ. I ǹ nɛn sɛɛyɑsiɑ bi ɡɑrisi ɡɑ̃ɑnu. I Gusunɔn sɔmɔbu wɔri i ɡo nɡe mɛ ɡbee sunɔ ɡɑ rɑ yɑɑ wɔri ɡu ɡo.

Yeremi 3:3

Yen sɔ̃nɑ ɡurɑ kun tɑ̃rɑmɔ bu sere nɛɛ, yɑ koo nɛ. Adɑmɑ kɑ mɛ, i bũnu ɡɑsirimɔ i dɔɔwɑ. Sekurɑ kun bɛɛ mɔ̀.

Yeremi 32:19

Wunɛn himbɑ yɑ kpɑ̃, ɑ mɑɑ dɑm mɔ ɑ kɑ ye yibiɑ. A rɑ n mɛɛrɑ ye tɔmbɑ mɔ̀ kpɑ ɑ bɑɑwure kuɑ nɡe mɛ win kookoosu nɛ.

Yeremi 35:13

nɛ Gusunɔ, wɔllu kɑ tem Yinni, nɛ wi nɑ mɑɑ sɑ̃ɑ Isirelibɑn Yinni, nɑ nɛɛ, ɑ doo ɑ Yudɑbɑ kɑ Yerusɑlɛmuɡibu sɔ̃ ɑ nɛɛ, bɑ ǹ nɛn kirɔbɑ swɑɑ dɑkimɔ kpɑ bu mɑn mɛm nɔɔwɑ?

Yeremi 44:10

Wee, sere kɑ tɛ̃ i ǹ tii kɑwe i ɡɔ̃ru ɡɔsie. I ǹ mɑn nɑsie, i ǹ mɑɑ nɛn woodɑbɑ swĩi ye nɑ bɛɛ kɑ bɛɛn bɑɑbɑbɑ wɛ̃.

Yeremi 7:26

Adɑmɑ i swɑɑ tɑɑyɑ i ǹ mɑn swɑɑ dɑki. Mɑ i kɔ̃sɑ kuɑ n kere ye bɛɛn bɑɑbɑbɑ bɑ kuɑ.

Yeremi 7:28

Kɑ mɛ, ɑ bu sɔ̃ɔwɔ ɑ nɛɛ, bɑ sɑ̃ɑwɑ bwese te tɑ ku rɑ Gusunɔ ten Yinnin ɡɑri nɔ. Torɑ tee teyɑ bɑ rɑ n mɔ̀ bɑɑ ù n bu sɛɛyɑsiɑ. Gem ku rɑ n mɑɑ wɑ̃ɑ ben nɔsɔ.

Yeremi 8:5

Ǹ n mɛn nɑ, mbɑn sɔ̃nɑ nɛn tɔmbu Yudɑbɑ bɑ swɑɑ kɔ̃sɑ swĩi bɑ dɔɔ. Bɑ yɔ̃rɑriwɑ dim dim ben weesu sɔɔ bɑ n bũnu sɑ̃ɑmɔ. Bɑ ǹ kĩ bu ɡɔsirɑmɑ nɛn mi.

Esekiɛli 2:4

Tɔn be, bɑ swɑɑ tɑu, bɑ mɑɑ ɡɔ̃ru bɔɔbu. Ben miyɑ nɑ nun ɡɔriɔ kpɑ ɑ bu sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ.

Esekiɛli 24:13

Nɡe mɛyɑ Yerusɑlɛmu yɑ disi duurɑ yen torɑ ni yɑ kuɑn sɔ̃. Wee nɑ kĩɑ n ye dɛɛrɑsiɑ ɑdɑmɑ yɑ ǹ wure. Yen sɔ̃ tɛ̃, yɑ ǹ mɑɑ kpɛ̃ yu dɛɛrɑ sere nɛn mɔru yu kɑ sure.

Dɑniɛli 9:13

Wɑhɑlɑ ye kpuro, yɑ sun deemɑ nɡe mɛ Mɔwisi u yoruɑ woodɑn tireru sɔɔ. Kɑ mɛ, sɑ ǹ bɛsɛn dɑɑ kɔ̃sɑ deri su wunɛn ɡem swĩi kpɑ su wunɛn kĩi ɡeeru kɑsu.

Sɑ̃ɑrun Woodɑ 26:23

Sɛɛyɑsiɑ bini bù kun mɑɑ dere i ɡɔ̃ru ɡɔsie, mɑ i mɑn seesimɔ,

Amɔsu 4:10

Nɑ mɑɑ bɛɛ kɛ̃si kɛ̃si bɑrɑru sure nɡe mɛ nɑ kuɑ Eɡibitiɔ. Nɑ derɑ bɑ bɛɛn ɑluwɑɑsibɑ ɡo tɑbu sɔɔ. Mɑ bɑ ben dumi mwɛɛrɑ. Nɑ derɑ i bɛɛn tɔn be bɑ ɡun nuburu nuɑ bɛɛn sɑnsɑniɔ. Adɑmɑ kɑ mɛ, i ǹ ɡɔsirɑmɛ nɛn mi.

Amɔsu 4:11

Nɑ bɛɛ surɑ nɑ kɔsukɑ nɡe Sodomu kɑ Gomɔrɑ ye nɑ kɑm koosiɑ. Mɑ i kuɑ nɡe dɑ̃ɑ nɔɔ ɡe bɑ wunɑ dɔ̃ɔn di. Adɑmɑ kɑ mɛ, i ǹ ɡɔsirɑmɛ nɛ, Yinni Gusunɔn mi.

Amɔsu 4:6

N wee nɑ derɑ ɡɔ̃ɔrɑ duɑ bɛɛn wuu mɑrosu kpuro sɔɔ. Mɑ i dĩɑnu biɑ bɛɛn yɛnusu kpuro sɔɔ. Adɑmɑ kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Amɔsu 4:8

Yerɑ bɛɛn wusu ɡɑsun tɔmbu bɑ dɑ wuu ɡɑɡun mi bu kɑ nim wɑ bu nɔ. Adɑmɑ ben nim nɔru ɡɑ ǹ kpɑ. Kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Amɔsu 4:9

Nɑ derɑ bɛɛn dĩɑnu kusenu kuɑ, mɑ twee yi nɑ yi bɛɛn ɡbeɑn dĩɑnu kɑ bɛɛn dɑ̃ɑ ɡbɑɑnun wurusu kpuro di. Adɑmɑ kɑ mɛ, i ǹ ɡɔsirɑmɛ nɛ Gusunɔ bɛɛn Yinnin mi.

Sofoni 3:7

Yerɑ u nɛɛ, bɛɛ Yerusɑlɛmuɡibu, ì n dɑɑ nùn nɑsie, mɑ i win sɛɛyɑsiɑbu wurɑmɔ, u ǹ dɑɑ bɛɛn wɑ̃ɑ yenu kɔsukumɔ. U ǹ dɑɑ mɑɑ bɛɛ sɛɛyɑsiɑmɔ nɡe mɛ u kuɑ, ɑdɑmɑ i rɑ n sɛndewɑ kɔ̃sɑn kobu sɔɔ.

Romu 2:2

Sɑ yɛ̃ mɑ Gusunɔ u ɡem mɔ ù n bu tɑɑrɛ wɛ̃ɛmɔ be bɑ mɛn bweseru mɔ̀.

Heberu 12:9

Su bɛsɛn tundobu yɑɑyɑ. Bɑ sun sɛɛyɑsiɑ sɑ mɑɑ bu bɛɛrɛ wɛ̃. Ǹ n mɛn nɑ, sɑ ǹ ko bɛsɛn Bɑɑbɑ wɔrukoo wiru kpĩiyɑ kpɑ sɑ n wɑ̃ɑru mɔ?