Yeremi 5:23 - Bibeli Gusunɔn Gari

²³ Adɑmɑ be, nɛn tɔmbu, bɑ sɑ̃ɑwɑ mɛm nɔɔ sɑribɑ. Bɑ rɑ kɑ mɑn mɔru ko kpɑ bu mɑn deri.

Yeremi 5:23 ပူးပေါင်းရင်းမြစ်များ

Womusu 78:8

Bɑ ǹ mɑɑ mɔ̀ nɡe ben bɑɑbɑbɑ. Domi bɑɑbɑ be, bɑ kuɑ mɛm nɔɔ sɑribɑ, mɑ ben ɡɔ̃ru ɡɑ ǹ kɑ Gusunɔ turo yɔ̃re. Mɑ bɑ kuɑ nɑɑnɛ sɑribɑ Gusunɔn mi.

Womusu 95:10

Wɔ̃ɔ weeruwɑ nɑ bwese te bwɛ̃rɑ yɑrɑ, mɑ nɑ nɛɛ, tɔn ben ɡɔ̃rusu kɑ mɑn tondɑ. Bɑ yinɑ bu nɛn woodɑbɑ swĩi.

Esɑi 1:5

Sɛɛyɑsiɑ birɑ̀ u koo mɑɑ bɛɛ ko, domi nɔn dɑbinɑ i nùn seesi. I sɑ̃ɑwɑ nɡe tɔnu wìn bwisikunu kun wɑ̃, mɑ u dɑɑ kɔ̃sɑ mɔ̀.

Esɑi 31:6

Yen sɔ̃, bɛɛ Isirelibɑ, bɛɛ be i kɑ Yinni Gusunɔ wi tondɑ n kpɑ̃, i ɡɔ̃ru ɡɔsio kpɑ i wurɑmɑ win mi.

Yeremi 17:9

Tɔnun ɡɔ̃ru ɡɑ rɑ kɔ̃sɑ berewɑ. Mɛyɑ ɡen bɑrɑrɑ ku rɑ bɛkure. Goo u wɑ̃ɑ wi u koo kpĩ u ɡen bwisikunu ɡiɑ?

Yeremi 4:17

Kpɑ bu Yerusɑlɛmu sikerenɑ nɡe be bɑ ɡberu kɔ̃su. Domi yen tɔmbu bɑ mɑn seesi. Nɛ, Yinni Gusunɔwɑ nɑ yeni ɡeruɑ.

Yeremi 5:5

Kon ɡɔsirɑ n dɑ be bɑ bukuren mi, kpɑ n kɑ bu ɡɑri ko. Domi be, bɑ wunɛn swɛɛ yɛ̃, bɑ mɑɑ wunɛn woodɑbɑ yɛ̃. Wee, ben tii bɑ nun yinɑ nɡe yɑ̃ɑ te tɑ wɛ̃ɛ yinɑ mɑ tɑ yi kɑsukɑ.

Yeremi 6:28

Mɑ Yeremi u nɛɛ, tɔn be, bɑ sɑ̃ɑwɑ wee kowobu kɑ mɛm nɔɔ sɑribɑ. Bɑ bɔɔbuwɑ nɡe sisu. Be kpuro bɑ sɑnkirewɑ.

Osee 11:7

Wee nɛn tɔmbu bɑ yɔ̃rɑri bu kɑ mɑn tondɑ. Bɑ bu sokɑ bu ɡɔ̃ru ɡɔsiɑ bu wurɑmɑ nɛ, Wɔrukoon mi. Adɑmɑ ben ɡoo kun wure.

Osee 4:8

Wee bɑ kuurɑmɔ nɛn tɔmbun torɑnun sɔ̃. Mɑ bɑ bu bɔriemɔ bɑ n kɑ torɑmɔ bɑ n dɔɔ.

Sofoni 3:1

Bɔ̃rurobɑ bɛɛ Yerusɑlɛmuɡibu. Domi i sɑ̃ɑwɑ mɛm nɔɔ sɑribɑ, mɑ i disi mɔ, i dɑm diinɑmɔ.

Sɔ̃ɔsiru 21:18

Goo ù n bii tɔn durɔ mɔ, mɑ bii wi, u kuɑ mɛm nɔɔ sɑri wi u ku rɑ win tundo kɑ win mɛron ɡere nɔ bɑɑ bɑ̀ n nùn sɛɛyɑsiɑ,

Sɔ̃ɔsiru 31:27

Nɑ bɛɛn swɑɑ tɑɑbu yɛ̃. Domi i rɑ Yinni Gusunɔ seesi nɛn wuswɑɑɔ. Kɑɑ rɑ sere ɡere nɛn ɡɔɔn biru?

Heberu 3:12

Yen sɔ̃ nɛɡibu, i tii lɑɑkɑri koowo, i ku de bɛɛn ɡoo u n ɡɔ̃ru kɔ̃su mɔ ɡe ɡɑ ǹ nɑɑnɛ doke, ɡe ɡɑ koo nùn biru wurɑsiɑ Gusunɔ, Yinni wɑson min di.