Dɑ̃ɑ yɑ̀ n ɡberɑ bɑ rɑ ye bɔɔriwɑ kpɑ tɔn kurɔbu bu kɑ doo ko. Wee nɛn tɔn be, bɑ ǹ bwisi mɔ. Yen sɔ̃nɑ Yinni Gusunɔ wi u bu tɑkɑ kuɑ u ǹ bu wɔnwɔndu kue, u ǹ mɑɑ bu durom kue.
Mɑ Yeremi u wisɑ u nɛɛ, wɑrɑ kon ɡɑri sɔ̃, kpɑ n nùn kirɔ ko. Wɑrɑ koo mɑn swɑɑ dɑki. Wee, bɑ swɑɑ tɑu. Bɑ ǹ kpɛ̃ bu lɑɑkɑri ko. Ben mi, wunɛ Yinni Gusunɔn ɡɑri yi rɑ bu sekuru kowɑ. Bɑ ku rɑ kɑ̃ bu yi nɔ.
Bɑɑ tionko kɑ kpurɑbu kɑ kpɑɑru bɑniku nu yɛ̃ sɑɑ ye n weenɛ nu sĩ kɑ sɑɑ ye n weenɛ nu wurɑmɑ nin wɑ̃ɑ yerɔ. Adɑmɑ nɛn tɔmbu bɑ ǹ nɛn woodɑ yɛ̃ ye nɑ kɑ bu kpɑre.
Kɑ ɡem, u ǹ wɑɑrɔ kɑ nɔni, ɑdɑmɑ sɑɑ tem toren di u tii sɔ̃ɔsi mɑ u sɑ̃ɑ Gusunɔ, u mɑɑ win sinɑru sɔ̃ɔsi win sɔmɑ ye u kuɑ sɔɔ. Ǹ n mɛn nɑ, bɑ ǹ ɡɑfɑrɑ wɑsi.
Nɡe mɛ bɑ yoruɑ, “Gusunɔ u ben lɑɑkɑri sikɑrisiɑ. U bu nɔni wɛ̃ yi bɑ ǹ kpɛ̃ bu kɑ yɑm wɑ. U mɑɑ bu swɑsu wɛ̃ si bɑ ǹ kpɛ̃ bu kɑ ɡɑri nɔ sere kɑ ɡisɔ.”