Yeremi 5:17 - Bibeli Gusunɔn Gari

¹⁷ Bwese te, tɑ koo bɛɛn dĩɑnu kɑm koosiɑ, kɑ bɛɛn bibu, kɑ bɛɛn yɑɑ sɑbenu, kɑ bɛɛn dɑ̃ɑ mɑrum, kpɑ bu bɛɛn wuu si su ɡbɑ̃rɑnu mɔ tɑbu wɔri, bu kɔsuku, sì sɔɔ bɛɛn yĩiyɔbu wɑ̃ɑ.

Yeremi 5:17 ပူးပေါင်းရင်းမြစ်များ

Esɑi 62:8

Nɛ, Yinni Gusunɔ, nɑ bɔ̃ruɑ kɑ nɛn dɑm, nɑ nɛɛ, nɑ ǹ mɑɑ wunɛn ɑlikɑmɑ yibɛrɛbɑ wɛ̃ɛmɔ bu di. Mɛyɑ sɔbu bɑ ǹ mɑɑ wunɛn tɑm nɔrumɔ, mɛ mu sɑ̃ɑ wunɛn sɔmburun ɑre.

Esɑi 62:9

Adɑmɑ be bɑ ɑlikɑmɑ ɡɑ̃ bɑ koo ye di, kpɑ bu nɛ, Yinni Gusunɔ siɑrɑ. Be bɑ mɑɑ ben resɛmbɑ sɔrɑ bɑ koo yen tɑm nɔ nɛ, Yinni Gusunɔn sɑ̃ɑ yerɔ.

Yeremi 1:15

U koo sinɑm be bɑ wɑ̃ɑ sɔ̃ɔ yɛ̃sɑn nɔm ɡeu ɡiɑ seeyɑmɑ bu nɑ bu Yerusɑlɛmu kɑ Yudɑn wuu si su tie tɑbu wɔri kpɑ bu Yerusɑlɛmu ye tɑrusi bu sinɑ yen ɡbɑ̃rɑ kɔnnɔsɔ nɡe siri kowobu.

Yeremi 25:37

kɑ win mɔru bɑkɑ. Tem mɛ, mu wɑ̃ɑ bɔri yɛndu sɔɔ, ɑdɑmɑ mu koo ko bɑnsu.

Yeremi 4:26

Nɑ tem mɛɛrɑ mɛ mu rɑɑ sɑ̃ɑ tem ɡem. Nɑ deemɑ wee, mu kuɑ tem sɑɑrɑm. Mɑ wuu si su wɑ̃ɑ mi, su wɔrukɑ. Yinni Gusunɔwɑ u ye kuɑ win mɔrun sɑɑbu.

Yeremi 4:7

Yibɛrɛ be bɑ rɑ bwesenu kɑm koosie bɑ seewɑ ben wɑ̃ɑ yerun di nɡe ɡbee sunɔ ɡe ɡɑ tii dɛmiɑmɔ ɡen bweun di, bɑ wee bu kɑ tem mɛ kɑm koosiɑ. Bɛɛ Yudɑbɑ, bɑ koo bɛɛn wusu kɔsuku kpɑ su ko bɑnsu.

Yeremi 5:18

Adɑmɑ yen tɔ̃ɔ te, n ǹ bɛɛ kpuro kon kɑm koosiɑ.

Yeremi 50:17

Yinni Gusunɔ u nɛɛ, Isirelibɑ bɑ sɑ̃ɑwɑ nɡe yɑ̃ɑ ni nu kɔ̃ɔrɑ mɑ ɡbee sinɑnsu su nu nɑɑ swĩi. Asirin sinɑ bokowɑ u ɡbiɑ u nu wɔri u ɡurɑ, mɑ Bɑbilonin sinɑ boko u mɑɑ nɑ u nu wɔri u kɔsukɑ.

Yeremi 50:7

Yibɛrɛ be bɑ bu wɔri ɡesi, bɑ rɑ bu ɡurewɑ. Kpɑ yibɛrɛ be, bu nɛɛ, bɑ ǹ kɔ̃sɑ kue. Be, Isireli ben tiiwɑ bɑ Yinni Gusunɔ torɑri, wi, wi u sɑ̃ɑ ɡemɡii kɑ wi ben sikɑdobɑ bɑ nɑɑnɛ sɑ̃ɑ.

Yeremi 8:13

Yinni Gusunɔ u nɛɛ, ɡbɑɑ wuko u rɑ win dĩɑnu ɡɛ̃wɑ u mɛnnɑ. Adɑmɑ wee, nɑ kĩ n nɛn dĩɑnu mɛnnɑ Isirelibɑn mi, mɑ nɑ deemɑ bɑ sɑ̃ɑwɑ nɡe resɛm ǹ kun mɛ nɡe fiɡie ye yɑ wurusu dɛllɑ yɑ ǹ binu mɔ. Yen sɔ̃nɑ kon bu deri swɑɑ sɑrobun sɔ̃.

Yeremi 8:16

Wee sɑ yibɛrɛbɑn dumin wɔkinu nɔɔmɔ Dɑnun berɑ ɡiɑ. Mɑ yi wuri mɔ̀, yi tem kpuro nɛni mu diirimɔ. Yibɛrɛ be, bɑ dĩɑnu ɡurɑmɔ bɑ ɡbeɑ mwɑɑmɔ, kɑ sere Yerusɑlɛmu kɑ yen tɔmbu.

Swĩi 2:12

Bɑ ben mɛrobu sɔ̃ɔmɔ bɑ mɔ̀, mɑnɑ sɑ ko dĩɑnu wɑ. Mɑ bɑ wɔrukumɔ swɛɛ sɔɔ nɡe be bɑ mɛɛrɑ kuɑ. Gɑbɑ ɡbisukumɔ ben mɛron tororu wɔllɔ.

Swĩi 2:2

U Isirelibɑn wɑ̃ɑ yenu kɑ ben wusun ɡbɑ̃rɑnu kpuro sururɑ kɑ mɔru wɔnwɔndu sɑri. Ni wee nu wɔrukɑ temɔ. U ben bɑndu kɑ ten wiruɡibun dɑm buɑ.

Esekiɛli 36:4

Yen sɔ̃, u nɛɛ, bɛɛ ɡuunu kɑ ɡunɡunu kɑ dɑɑnu kɑ wɔwi kɑ bɑnsu kɑ wuu si bɑ deri si yibɛrɛbɑ bɑ wɔri bɑ yɑ̃nu ɡurɑ mɑ bwese ni nu kɑ su sikerenɛ nu su yɛ̃ɛmɔ, i swɑɑ dɑkio i nɔ ye u ɡerumɔ bɛɛn sɔ̃.

Osee 2:12

kpɑ n nùn sekuru doke win durɔ tɑnɔbun wuswɑɑɔ. Goo sɑri wi u koo nùn wɔrɑ nɛn nɔmɑn di.

Osee 8:14

Isirelibɑ bɑ tii sinɑ kpɑɑru bɑniɑ. Mɑ bɑ nɛ ben tɑkɑ kowo duɑri. Yudɑbɑ bɑ mɑɑ ben wuu dɑbinu ɡbɑ̃rɑru toosi. Adɑmɑ kon ben wusu dɔ̃ɔ sɔkiri kpɑ u ben dii ɡeenu di.

Yoɛli 2:3

Mi yi sɑrɑ kpuro, n dɑ kowɑ nɡe dɔ̃ɔ mwɑɑrɑ u doonɑ. Yi ku rɑ ɡɑ̃ɑnu deri. Yellu bɛsɛn tem mu ɡeɑ sɑ̃ɑ nɡe ɡbɑɑ te bɑ mɔ̀ Edɛni. Adɑmɑ tɛ̃ yi mu kuɑ nɡe mi ɡɑ̃ɑnu ku rɑ kpi.

Sɑ̃ɑrun Woodɑ 26:16

wee ye kon bɛɛ kuɑ. Kon bɛɛ bɛrum tiɑ kpɑ n de wɑsi sun bɑkɑru tu bɛɛ wɔri i woorɑ sere bɛɛn nɔni yi tondɑ kpɑ i n wɑhɑlɑ mɔ̀. Kɑm sɔɔrɑ i ko i bɛɛn dĩɑnu duure. Domi bɛɛn yibɛrɛbɑrɑ bɑ koo nu di.

Sofoni 3:6

Wi, Yinni Gusunɔ u nɛɛ, u bwese ɡirinu ɡo, mɑ u nin ɡbɑ̃rɑnu kɑ nin kuku yenu kɔsukɑ. U derɑ ɡoo ku rɑ mɑɑ sĩ nin swɛɛ sɔɔ. U nin wusu kɔsukɑ, ɡoo kun mɑɑ wɑ̃ɑ mi.

Mɑlɑsi 1:4

Esɑun bibun bweseru tɑ̀ n nɛɛ, bɑ ten wusu kɔsukɑ, ɑdɑmɑ tɑ koo sin bɑnsu seeyɑ, nɛ, Gusunɔ wɔllu kɑ tem Yinni, kon nɛɛ, bɑɑ tɑ̀ n su bɑnɑ, kon wure n su surɑ. Kpɑ bu ten tem soku nuku kɔ̃suruɡibun tem, ben tii mɑɑ bwese te nɛ, Yinni Gusunɔ nɑ kɑ mɔru sɑ̃ɑ bɑɑdommɑ.

Sɔ̃ɔsiru 28:33

Bwese tuku ni i ǹ yɛ̃ nu koo nɑ nu bɛɛn tem dĩɑnu kpuro kɑ bɛɛn wɑhɑlɑ ye i kuɑn ɑre di. Bɑ ko n bɛɛ dɑm dɔremɔwɑ kpɑ bɑ n bɛɛ tɑki dimɔ bɑɑdommɑ.