Yeremi 5:15 - Bibeli Gusunɔn Gari

¹⁵ Tɛ̃ bɛɛ nɛn tɔmbu, Isirelibɑ, kon bɛɛ bweseru ɡɑru suremɑ tontonden di. Bwese te, tɑ dɑm mɔ tɑ rɑɑ mɑɑ wɑ̃ɑwɑ sɑɑ yellun di. I ǹ mɑɑ ten bɑrum nɔɔmɔ.

Yeremi 5:15 ပူးပေါင်းရင်းမြစ်များ

Torubu 11:7

Yen sɔ̃, kon sɑrɑ n dɑ n ben bɑrum burisinɑ kpɑ bu ku mɑɑ nɔɔsinɑ.

Womusu 81:5

Domi woodɑ yerɑ Yɑkɔbun Yinni u Isirelibɑ wɛ̃.

Esɑi 28:11

Yen sɔ̃ tɛ̃, Gusunɔ u koo de ɡoo u kɑ bu ɡɑri ko kɑ bɑrum tukum mɛ bɑ ǹ nɔɔmɔ.

Esɑi 29:3

Kon de tɑbu kowobu bu nun tɑrusi, kpɑ bu ben tɑbu sĩɑ yi yi bu kɑ nun sikerenɑ.

Esɑi 29:6

Adɑmɑ subɑru sɔɔ Gusunɔ, wɔllu kɑ tem Yinni u koo nɑ u bu sɛɛyɑsiɑ kɑ ɡuru ɡbɑ̃sukubu kɑ tem yĩirubu, kɑ wɔki bɑkɑnu kɑ woo ɡunɑ kɑ ɡuru woo bɔkɔ, kɑ sere mɑɑ dɔ̃ɔ boko,

Esɑi 33:19

A ǹ mɑɑ tɔn tuko be bɑ tii sue mi wɑsi, be, bèn bɑrum ɑ ǹ nɔɔmɔ.

Esɑi 39:3

Yen biruwɑ Gusunɔn sɔmɔ Esɑi u nɑ u Esekiɑsi bikiɑ u nɛɛ, mɑn diyɑ tɔn beni bɑ nun nɑɑwɑ. Ye bɑ tunumɑ, mbɑ bɑ ɡeruɑ. Mɑ Esekiɑsi u nùn wisɑ u nɛɛ, bɑ nɑwɑ sɑɑ tem ton tonden di mɛ bɑ mɔ̀ Bɑbiloni.

Esɑi 5:26

U ɡidi bɔrɑ yɔ̃rɑsiɑ u kɑ bwese tukunu soku ni nu tomɑ. Mɑ u nu sokɑ kɑ wiɑ. Ni wee nu wee kɑ wɑsi kɑsɑnu.

Esɑi 5:7

Isirelibɑrɑ bɑ sɑ̃ɑ Gusunɔ, wɔllu kɑ tem Yinnin resɛm ɡbɑɑ te. Mɑ Yudɑbɑ bɑ sɑ̃ɑ resɛm dorɑ ye u duurɑ. U kĩɑ bu ɡeɑ ko ɑdɑmɑ kɔ̃sɑ bɑ kuɑ. Bɑ tɔmbu ɡo bɑ yɛm yɑri. U mɑɑ kĩɑ bu ɡem swĩi, mɑ bɑ yinɑ. Yen sɔ̃nɑ tɔmbɑ wuri mɔ̀.

Yeremi 1:15

U koo sinɑm be bɑ wɑ̃ɑ sɔ̃ɔ yɛ̃sɑn nɔm ɡeu ɡiɑ seeyɑmɑ bu nɑ bu Yerusɑlɛmu kɑ Yudɑn wuu si su tie tɑbu wɔri kpɑ bu Yerusɑlɛmu ye tɑrusi bu sinɑ yen ɡbɑ̃rɑ kɔnnɔsɔ nɡe siri kowobu.

Yeremi 2:26

Nɡe mɛ sekuru tɑ rɑ ɡbɛnɔ mwɛ bɑ̀ n nùn mwɑ subɑru sɔɔ, nɡe mɛyɑ bɛɛ Isirelibɑ kɑ bɛɛn sinɑmbu kɑ bɛɛn wiruɡibu kɑ bɛɛn yɑ̃ku kowobu kɑ Gusunɔn sɔmɔbu i ko i sekuru wɑ.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 4:16

I ye bwesenu kpuro nɔɔsio. Kpɑ i ye Yerusɑlɛmuɡibu sɔ̃ i nɛɛ, yibɛrɛbɑ bɑ wee sɑɑ tontonden di. Bɑ koo Yudɑbɑn wusu tɑbun kuuki koosi.

Yeremi 5:11

Mɛyɑ kon ko domi Isirelibɑ kɑ Yudɑbɑ bɑ ǹ kɑ nɛ turo yɔ̃re. Nɛ, Yinni Gusunɔwɑ nɑ yeni ɡeruɑ.

Yeremi 6:22

Yinni Gusunɔ u nɛɛ, wee bweseru ɡɑrɑ sisi sɑɑ sɔ̃ɔ yɛ̃sɑn nɔm ɡeu ɡiɑn di mi n tomɑ. Bwese ten tɔmbu bɑ dɑm mɔ.

Esekiɛli 18:31

I bɛɛn dɑɑ kɔ̃sɑ derio kpɑ i bɛɛn ɡɔ̃run bwisikunu ɡɔsiɑ. Mbɑn sɔ̃nɑ i ko i tii ɡo.

Dɑniɛli 1:4

bɑ n sɑ̃ɑ durɔ burɔbu be bɑ ǹ ɑlebu ɡɑɑ mɔ. Kpɑ bɑ n bwisi kɑ yɛ̃ru kɑ lɑɑkɑri mɔ bu kɑ kpĩ bu Bɑbilonin bɑrum keu ko, kpɑ bu sɔmburu ko sinɑ kpɑɑrɔ.

Dɑniɛli 7:7

Yenibɑn biru, yerɑ nɑ yɑɑ nnɛse wɑ nɛn kɑ̃si te sɔɔ. Yɑɑ ye, yɑ nɑnum mɔ. Yɑ mɑɑ dɑm mɔ too. Mɑ yɑ don sisuɡii bɑkɑnu mɔ. Yɑ̀ n yɑɑ mwɑ, yɑ rɑ yɑɑ yen kukunu kɔsukuwɑ kpɑ yu di. Ye yɑ tiɑrɑ kpɑ yu tɑɑku tɑɑku. Yɑɑ ye, yɑ ǹ kɑ yɛɛ ɡbiikii yi weenɛ. Kɔbi wɔkurɑ yɑ mɔ.

Amɔsu 6:14

Yen sɔ̃nɑ Gusunɔ wɔllu kɑ tem Yinni u nɛɛ, u koo de bwese tukuru ɡɑru tu bɛɛ seesi. Kpɑ tu bɛɛ dɑm dɔre sɑɑ Hɑmɑtin duu yerun di sere n kɑ dɑ nim torɑɔ ye yɑ wɑ̃ɑ ɡbɑburun berɑ ɡiɑ mi ɡɑ̃ɑnu ku rɑ kpi.

Hɑbɑkuku 3:16

Nɑ ɡen wɔkinu nɔɔmɔ too. Mɑ nɑ nɑndɑ ɡem ɡem, nɛn nɔɔ ɡɑ diirimɔ bɛrum sɔ̃. Mɑ nɛn wɑsi yi wɔkɔnu wɔrimɔ, nɑ yɔ̃ sɛ̃ɛ nɑ nuku sɑnkirɑnun tɔ̃ru mɑrɑ te tɑ wee bwese ni nu koo sun dɑm dɔren sɔ̃.

Korinti I 14:21

Gusunɔn woodɑn tireru sɔɔ bɑ yoruɑ, “Yinni u nɛɛ, kon de bu nɛn ɡɑri nɔ be bɑ bɑrum tukum ɡerumɔn nɔɔn di, kɑ mɑɑ sɔbun nɔɔ sɔɔn di. Adɑmɑ kɑ mɛ, bɑ ǹ nɛn ɡɑri swɑɑ dɑkimɔ.”

Sɔ̃ɔsiru 28:33

Bwese tuku ni i ǹ yɛ̃ nu koo nɑ nu bɛɛn tem dĩɑnu kpuro kɑ bɛɛn wɑhɑlɑ ye i kuɑn ɑre di. Bɑ ko n bɛɛ dɑm dɔremɔwɑ kpɑ bɑ n bɛɛ tɑki dimɔ bɑɑdommɑ.

Sɔ̃ɔsiru 28:49

U koo bɛɛ bweseru ɡɑru suremɑ tontonden di, tu bɛɛ wukiri nɡe ɡunɔ bɑkeru. I ǹ ko i bwese ten bɑrum nɔ.