Yeremi 5:13 - Bibeli Gusunɔn Gari

¹³ Nɛn sɔmɔbun ɡɑri yi mɑɑ sɑ̃ɑwɑ nɡe wom dirum. Ben ɡoo ku rɑ bu ɡɑri ɡee sɔ̃. Bɑ mɑɑ ɡerumɔ bɑ mɔ̀, sɔmɔ ben ɡɑri yi wɔri ben tii sɔɔ.

Yeremi 5:13 ပူးပေါင်းရင်းမြစ်များ

Bɑndun Gɑri II 36:16

Adɑmɑ bɑ Yinni Gusunɔn sɔmɔ be yɛ̃ɛ bɑ yɑɑkoru koosi. Bɑ ben ɡɑri ɑtɑfiiru kuɑ sere Yinni Gusunɔn tii u kɑ bu mɔru kuɑ ye bɑ ǹ kpɛ̃ bu suresiɑ.

Yoobu 6:26

I kĩwɑ i nɛn ɡɑri ɡɔburu wɑ, i yi mɛɛri kɑm, kpɑ i mɑn tɑɑrɛ wɛ̃, nɛ wi nɑ ǹ mɑɑ ɡɑ̃ɑnu yĩiyɔ?

Yoobu 8:2

sere sɑɑ yerɑ̀ kɑɑ ɡɑri sɑɑri nini mɑri. Wunɛn ɡɑri yi, yi dɑm mɔ nɡe woo bɔkɔ.

Mɔnnu 25:14

Wi u tii sue, kɛ̃ɛ ni u ǹ wɛ̃n sɔ̃, u sɑ̃ɑwɑ nɡe woo kɑ ɡuru wiru te tɑ ku rɑ kɑ ɡurɑ nɛ.

Esɑi 41:29

Domi ni kɑ nin sɔmɑ nu sɑ̃ɑwɑ kɑm dirum. Nin bwɑ̃ɑrokunu nu mɑɑ sɑ̃ɑwɑ wom dirum.

Yeremi 14:13

Mɑ Yeremi u wisɑ u nɛɛ, Yinni Gusunɔ, wee wunɛn sɔmɔbu bɑ wunɛn tɔmbu sɔ̃ɔmɔ bɑ mɔ̀, bɑ ǹ tɑbu wɑsi. Gɔ̃ɔrɑ kun mɑɑ duɔ ben temɔ. Kɑɑ de bɑ n wɑ̃ɑwɑ bɔri yɛndu sɔɔ kɑ toro sindu.

Yeremi 14:15

Yen sɔ̃, sɔmɔ be nɑ ǹ ɡɔre mi, bɑ kɑ tɔmbu sɔ̃ɔmɔ bɑ mɔ̀, bɑ ǹ tɑbu wɑsi ben temɔ, ɡɔ̃ɔrɑ kun duɔ mi, kon de bu ɡbi tɑbu sɔɔ, kɑ ɡɔ̃ɔrun sɔ̃.

Yeremi 18:18

Yerɑ tɔn be, bɑ nɛɛ, su Yeremi nɔɔ tiɑ kuɑ su nùn mwɑ. Domi woodɑ kun ɡbimɔ bɑɑ yɑ̃ku kowobu bɑ̀ kun wɑ̃ɑ. Bwisi kun kpeemɔ bɑɑ bwisiɡibu bɑ̀ kun wɑ̃ɑ. Gusunɔn ɡɑri kun ɡbimɔ yèn sɔ̃ win sɔmɔbɑ sɑri. Ǹ n mɛn nɑ, i nɑ su nùn wɔri su yɑɑ kɑsiki, kpɑ su ku mɑɑ win ɡɑri nɔ su sere yi lɑɑkɑri ko.

Yeremi 22:22

Tɛ̃, bɛɛn kpɑrobu bɑ koo kɑ woo doonɑ kpɑ be i kɑ ɑrukɑwɑni bɔkuɑ bu bu yoru mwɛɛri bu kɑ dɑ tem tukumɔ. Sɑɑ ye sɔɔrɑ i ko i sekuru wɑ, bɛɛn kom kɔ̃sum sɔ̃.

Yeremi 28:3

N kɑ ko wɔ̃ɔ yiru u koo de Nɛbukɑnɛsɑɑ u kɑ wi, Yinni Gusunɔn sɑ̃ɑ yerun dendi yɑ̃ɑ ni wurɑmɑ, ni u rɑɑ ɡurɑ u kɑ dɑ Bɑbiloniɔ.

Yeremi 43:2

yerɑ Asɑriɑ, Hoseen bii, kɑ Yokɑnɑni, Kɑreɑn bii, be kpuro bɑ Yeremi wisɑ kɑ tɔn piiburu bɑ nɛɛ, ye ɑ ɡeruɑ mi, weesɑ. Gusunɔ bɛsɛn Yinni kun nun sɔ̃ɔwɑ ɑ sun sɔ̃, su ku Eɡibiti dɑ.

Osee 9:7

Sɑɑ yɑ turɑ yè sɔɔ Yinni Gusunɔ u koo siri. Sɑɑ yɑ tunumɑ yè sɔɔ u koo bɑɑwure kɔsiɑ ye u kuɑ. Bɛɛ Isirelibɑ i ko ye wɑ. Wee bɛɛn torɑnu kɑ bɛɛn tusirun kpɑ̃ɑrun sɔ̃, i rɑ n tɑmɑɑ Gusunɔn sɔmɔ u wiirɑwɑ. Wi, wi Yinni Gusunɔ u kɑ ɡɑri kuɑ u tɑm nɔrɑwɑ. N deemɑ bɛɛ, i torewɑ n kpɑ̃, mɑ i nùn tusɑ.