Yeremi 49:8 - Bibeli Gusunɔn Gari

⁸ Bɛɛ Dedɑniɡibu, i ɡɔsiro, i duki yɑkuro i dɑ i kuke kpee bɑɑbɑ sɔɔ. Domi kon Esɑuɡibu nɔni swɑ̃ɑru kpɛ̃ɛ sɑnɑm mɛ kon bu sɛɛyɑsiɑ.

Yeremi 49:8 ပူးပေါင်းရင်းမြစ်များ

Esɑi 2:21

Kpɑ bu du bu kuke kpee bɑɑbɑ sɔɔ kɑ wɔrusɔ bu kɑ Yinni Gusunɔn dɑm kɑ win yiiko dukɑ suuri.

Esɑi 21:13

Wee ye Yinni Gusunɔ u ɡeruɑ Dɑɑrububɑn tem sɔ̃. Dedɑniɡibu, i doo i n wɑ̃ɑ yɑkɑsu sɔɔ wɔ̃kuru.

Esɑi 34:5

Yinni Gusunɔn tɑkobi yɑ yɛm debɑ wɔllɔ. Wee, yɑ koo sɑrɑmɑ yu Edɔmubɑ wɔri, be u siri u nɛɛ, bu kɑm koosio.

Yeremi 25:23

kɑ sere mɑɑ Dedɑniɡibu, kɑ Temɑɡibu, kɑ Busiɡibu, kɑ be bɑ rɑ wii bɑɑnun seri kɔni,

Yeremi 46:21

Bɛɛn tɑbu kowo be bɑ rɑ bɛɛ somi ɡobin sɔ̃, bɑ bɔɔru nɡe nɑɑ ɡumɡiɑ. Kɑ mɛ, ben tii bɑ koo biruku yirɑ wurɑ bu duki yɑkikirɑ. Domi nɔni swɑ̃ɑrɑ koo bu wɔri. Ben sɛɛyɑsiɑbun sɑɑ yɑ turɑ.

Yeremi 48:28

Tɛ̃, i yɑrio bɛɛn wusun di kpɑ i dɑ i n wɑ̃ɑ kpee bɑɑbɑ sɔɔ, kpɑ i kpee ɡoominu sɑɑri, i bɛɛn wɑ̃ɑ yenu ko kpee bɑɑbɑ sɔɔ.

Yeremi 48:44

Wi u dukɑ mɔ̀ bɛrum sɔ̃, u koo wɔriwɑ suurɑ ye sɔɔ. Wi u mɑɑ yɑrɑ suurɑ yen di, kpɑ u tɑɑ mwɑɑrɑ. Domi kon de Mɔɑbun sɛɛyɑsiɑbun tɔ̃ru tu nɑ. Nɛ, Yinni Gusunɔwɑ nɑ yeni ɡeruɑ.

Yeremi 48:6

Bɑ mɔ̀, i duki yɑkuro, i bɛɛn wɑ̃ɑru wɔrɑ, kpɑ i dɑ i n wɑ̃ɑ nɡe ɡbeeku kɛtɛkunu ɡbɑburɔ.

Yeremi 49:30

Bɛɛ Hɑsoriɡibu i seewo i duki su fuuku, kpɑ i dɑ i kuke wɔrusu sɔɔ. Domi Bɑbilonin sinɑ boko Nɛbukɑnɛsɑɑ u kpunɑɑ kuɑ u kɑ bɛɛ wɔri. Nɛ, Yinni Gusunɔwɑ nɑ yeni ɡeruɑ.

Yeremi 49:32

Yibɛrɛbɑ bɑ koo ben yooyoosu mwɛɛri kɑ sere mɑɑ ben yɑɑ sɑbenu yɑ n dɑbi. Kon bu yɑrinɑsiɑ bɑɑmɑ, be, be bɑ rɑ ben wii bɑɑnu kɔni beri berikɑ. Kon de yibɛrɛbɑ bu nɑ bɑɑmɑn di bu bu kɑm koosiɑ. Nɛ, Yinni Gusunɔwɑ nɑ yeni ɡeruɑ.

Yeremi 50:27

I ben tɑbu durɔ dɑmɡibu ɡoowo. I bu sɑkirio nɡe yɑɑ sɑbenu. Bɑ kɑm kuɑ, domi ben tɔ̃rɑ tunumɑ, tè sɔɔ bɑ koo bu sɛɛyɑsiɑ.

Yeremi 6:1

Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

Esekiɛli 25:13

yen sɔ̃ tɛ̃, u koo bu nɔmu dɛmiɛ kpɑ u tɔmbu kɑ sɑbenu ɡo. U koo de ben tem mu ko bɑnsu sɑɑ Temɑnin di n kɑ dɑ Dedɑniɔ, kpɑ mɛn tɔmbu bu ɡbisuku tɑbu sɔɔ.

Mɑlɑsi 1:3

mɑ nɑ Esɑu yinɑ. Nɑ derɑ ɡɑ̃ɑnu sɑri win tem ɡuunɔ. Mɑ nɑ derɑ ɡbeeku yɛɛ kɔ̃si yibɑ tem mɛ sɔɔ.

Mɑlɑsi 1:4

Esɑun bibun bweseru tɑ̀ n nɛɛ, bɑ ten wusu kɔsukɑ, ɑdɑmɑ tɑ koo sin bɑnsu seeyɑ, nɛ, Gusunɔ wɔllu kɑ tem Yinni, kon nɛɛ, bɑɑ tɑ̀ n su bɑnɑ, kon wure n su surɑ. Kpɑ bu ten tem soku nuku kɔ̃suruɡibun tem, ben tii mɑɑ bwese te nɛ, Yinni Gusunɔ nɑ kɑ mɔru sɑ̃ɑ bɑɑdommɑ.

Kɑ̃siru 6:15

Sɑnɑm mɛyɑ hɑnduniɑn sinɑmbu kɑ tem yɛ̃robu kɑ tɑbu sinɑmbu kɑ ɑtɑsiribɑ kɑ dɑmɡibu, tɔmbu kpuro ɡesi, yobu kɑ tii mɔwɔbu, bɑ tii beruɑ kpee wɔrusɔ kɑ kpee bɑɑbɑ sɔɔ.

Kpɑrobu 6:2

Mɑdiɑni be, bɑ bu dɑm dɔremɔ ɡem ɡem. Yen sɔ̃nɑ Isirelibɑ bɑ dɑ bɑ kuku yenu kuɑ kpee bɑɑbɑ sɔɔ kɑ kpee wɔrusɔ ɡuunun berɑ ɡiɑ.

Sɑmuɛli I 13:6

Sɑnɑm mɛ Isirelibɑ bɑ wɑ mɑ bɑ ǹ kurɔ, domi Filisitibɑ bɑ bu sɛ̃ke, mɑ bɑ dɑ bɑ kukuɑ kpee wɔrusɔ, kɑ ɑwĩi sɔɔ, kɑ kpee bɑɑbɑ sɔɔ, kɑ wɔrusɔ, sere kɑ dɔkɔ kpirinɔ.